អ្នកនាង កាឆយ ងាកមុខលក់ហូលផាមួង ខណៈអាជីពសិល្បៈស្ងាត់ឈឹង
- ភ្នំពេញ
រាជធានីភ្នំពេញ ៖ តារាសម្តែង និងកំប្លែងអ្នកនាង កាឆយ បានងាកមកចាប់មុខរបរលក់ហូលផាមួង ជំនួសអាជីពសិល្បៈរបស់
រាជធានីភ្នំពេញ ៖ តារាសម្តែង និងកំប្លែងអ្នកនាង កាឆយ បានងាកមកចាប់មុខរបរលក់ហូលផាមួង ជំនួសអាជីពសិល្បៈរបស់
រាជធានីភ្នំពេញ ៖ តារាសម្តែង និងកំប្លែងអ្នកនាង កាឆយ បានងាកមកចាប់មុខរបរលក់ហូលផាមួង ជំនួសអាជីពសិល្បៈរបស់ខ្លួនដែលបន្តស្ងាត់ឈឹងនាសម័យកូវីដ១៩។
តារារូបនេះត្រូវបានគេមើលឃើញឈរ Live តាមហ្វេសប៊ុករបស់ខ្លួន លក់ហូលផាមួងតាមអនឡាញ ខណៈពេលកន្លងមកគេមិនដែលបានឃើញអ្នកនាងធ្វើរឿងបែបនេះឡើយ។
អ្នកនាង កាឆយ ទទួលស្គាល់ថា មួយរយៈចុងក្រោយនេះ អ្នកនាងបានងាកមកចាប់របរលក់ហូលផាមួងតាមអនឡាញប្រាកដមែន ដោយសារអាជីពសិល្បៈរបស់អ្នកនាងបច្ចុប្បន្នស្ទើរដាច់បាយម្តងៗដោយសារជំងឺកូវីដ១៩នាពេលនេះ។
ថ្លែងប្រាប់កោះសន្តិភាពតាមសារអេឡិចត្រូនិចកាលពីពេលថ្មីៗនេះ អ្នកនាង កាឆយ បានអះអាងថា រហូតមកទល់ពេលនេះការងារសិល្បៈរបស់អ្នកនាងគឺនៅទ្រឹង ពោលមិនមានសកម្មភាពអ្វីធំដុំឡើយ។
អ្នកនាងបញ្ជាក់ថា ដោយសារយើងជាអ្នកសិល្បៈ ហេតុនេះមិនអាចចេញសម្តែងបាននៅក្នុងអំឡុងពេលនៃការឆ្លងរាលដាលនៃជំងឺកូវីដនេះបានឡើយ។
អ្នកនាងបន្តថា ដោយសារពឹងផ្អែកតែលើអាជីពសិល្បៈនោះ អ្នកនាងស្ទើរដាច់បាយ ព្រោះរកអីមិនបាន ហើយមិនមែនតែអ្នកនាងម្នាក់ទេ គឺមានអ្នកសិល្បៈជាច្រើនក៏ជួបបញ្ហាប្រឈមនេះដូចគ្នាដែរ។
ទោះយ៉ាងណា ដោយសារការងារសិល្បៈមិនមានសកម្មភាពអ្វីនោះ អ្នកនាងក៏ងាកមករកស៊ីលក់ហូលផាមួងតាមអនឡាញជំនួសវិញ។
អ្នកនាង កាឆយ បញ្ជាក់ថា មុខរបរលក់ហូលផាមួងនេះមិនមែនអ្នកនាងបើកហាងខ្លួនឯងឡើយ ពោលគឺអ្នកនាងគ្រាន់ជួយលក់បងស្រីរបស់អ្នកនាងប៉ុណ្ណោះ។
អ្នកនាងបញ្ជាក់ថា គាត់(បងស្រីរបស់នាង) ដូចបង្រៀនអោយអ្នកនាងចេះរកស៊ីអញ្ចឹងដែរ បើលក់ដាច់ចំណេញយើងយក។
អ្នកនាងបន្តថា មុខរបរនេះ ប្រសិនបើអ្នកនាងមានកម្លាំងនៅក្នុងការឈរ live លក់នោះ គឺមួយថ្ងៃអាចដាច់២ទៅ៣ឈុតដែរ ប៉ុន្តែអ្នកនាងហាក់មិនសូវបានតស៊ូឈរលក់បានយូរឡើយ ព្រោះមានបញ្ហាចង្កេះ។
ទោះជាយ៉ាងណា បើតាមអ្នកនាង កាឆយ ការលក់ហូលផាមួងនេះ អ្នកនាងក៏មានការចាប់អារម្មណ៍ដែរ ប៉ុន្តែវាទាមទារនូវការប្រើដើមទុនច្រើន ហេតុនេះអ្នកនាងមិនទាន់មានលទ្ធភាពនៅឡើយ។
អ្នកនាងបន្តថា កន្លងមកក្រោយទំនេរពីការងារសិល្បៈ អ្នកនាងក៍បានឆ្លៀតជួយលក់បងស្រីរបស់អ្នកនាងដែរ ព្រោះជាមុខរបរផ្សេងមួយទៀតដែរ អ្នកនាងចូលចិត្តក្រៅពីសិល្បៈ។
ទោះយ៉ាងណា អ្នកនាង កាឆយ រំពឹងថា ការឆ្លងរីករាលជំងឺកូវីដ១៩នៅក្នុងប្រទេសកម្ពុជានឹងឆាប់បានថមថយ ផុតរលត់ពីប្រទេសកម្ពុជា ដើម្បីផ្តល់ឱកាសអោយអ្នកនាង និងអ្នកសិល្បៈចាស់ៗជាច្រើនទៀតមានការងារធ្វើឡើងវិញ៕
ចែករំលែកព័តមាននេះ