តារាសម្តែងស្រគត់ស្រគំ នី មុនីនាថ ធ្លាប់បានបង្ហើបថា ជីវិតនៅលីវនាងមិនយូរទៀតទេ គឺនាងអាចនឹងរៀបការ ប្រសិនបើពេលវេលាមកដល់ ។ នាងបានរកឃើញគូគាប់ទ្រនាប់ចិត្តជាថ្មីដែលនោះ គឺបុរសមកពី
រាជធានីភ្នំពេញ ៖ តារាសម្តែងស្រគត់ស្រគំ នី មុនីនាថ ធ្លាប់បានបង្ហើបថា ជីវិតនៅលីវនាងមិនយូរទៀតទេ គឺនាងអាចនឹងរៀបការ ប្រសិនបើពេលវេលាមកដល់ ។ នាងបានរកឃើញគូគាប់ទ្រនាប់ចិត្តជាថ្មីដែលនោះ គឺបុរសមកពីដែនកោះអូស្ត្រាលី។ នាងថា អាចនឹងរៀបការ ប៉ុន្តែហាក់ជាប់គាំង ខណៈមានហេតុផលថា ព្រោះតែមេរោគកូវីដ។
នី មុនីនាថបានលើកហេតុផលថា នាងនឹងចូលរោងការ បន្ទាប់ពីប្អូនស្រីរបស់ខ្លួនសំពះផ្ទឹមរួចហើយ។ រីឯប្អូនស្រីរបស់ មុនីនាថ ក៏បានរៀបការតាំងពីអំឡុងខែវិច្ឆិកា ឆ្នាំ២០២០។ នៅឡើយតែរូបនាងនៅមិនទាន់ធ្វើតាមការលើកឡើង។ ឯជីវិតគូស្នេហ៍របស់នាងឃើញថា ហាក់មានការលាក់បាំងដូចជាមិនសូវឃើញបង្ហាញគេឯងអោយបានឃើញ ខុសពីគូស្នេហ៍មួយចំនួនទៀត។
ខ្លះថា នី មុនីនាថ ហាក់ដូចជាមិនចង់អោយគេឃើញមុខអនាគតស្វាមីម៉េចមិនដឹងទេ។ ទើបដូចកម្រឃើញនាងបង្ហោះរូបភាព អោយគេឯងបានឃើញជាសាធារណៈ។ ឯការសួរនាំម្តងៗ ដូចជាស្ទើរនិយាយ ឬមិនចង់និយាយ ។ តារាមុខស្រទន់ នី មុនីនាថ បានស្រវ៉ាមកសម្តែងឡើងវិញ ក្រោយពេល លាក់មុខមួយរយៈ ដោយនាងប៊ិះទុកឱកាសជាតួឯកអោយតារាថ្មីស្រវ៉ាក្រសោបយកវិញ។
នាងបានគ្រងនូវឈុតឆាករឿងថ្មីៗជាប្រភេទរឿងភាគ ដែលមាននៅលើកញ្ចក់ទូរទស្សន៍ ពិសេស របស់ទូរទស្សន៍ហង្សមាសច្រើនជាងគេ។ មុនីនាថ បានងាកមកចាប់យកការងារលក់ ផលិតផលតាមអនឡាញ។ រីឯរឿងរៀបការ និងចេញទៅរស់នៅ អូស្ត្រាលី អាចនៅមួយរយៈ ហើយបកមកចាប់មុខរបរក្នុងស្រុកវិញ។
ចែករំលែកព័តមាននេះ