ខេត្តកោះកុង ៖ លោកឧត្ដមសេនីយ៍ទោ គង់ មនោ ស្នងការនៃស្នងការដ្ឋាននគរបាលខេត្តកោះកុង បានចាត់កម្លាំងអន្តរាគមន៍ពិសេស សហការជាមួយកម្លាំងគណៈបញ្ជាការឯកភាពរដ្ឋបាលស្រុកស្រែអំបិល ដើរល្បាតតាមខ្សែបន្ទាត់ព្រំដែនជាប្រចាំ ទប់ស្កាត់បទល្មើសនានា ។
កម្លាំងអន្តរាគមន៍ នៃស្នងការដ្ឋាននគរបាលខេត្ត ដើរល្បាតតាមខ្សែបន្ទាត់ព្រំដែនជាប្រចាំ ស្ថិតនៅភូមិអូជ្រៅ ឃុំបឹងព្រាវ ស្រុកស្រែអំបិល និងរួមមាន ក្រុងខេមរភូមិន្ទ ស្រុកមណ្ឌលសីមា អនុវត្តតាមសេចក្តីសម្រេចលេខ ០៧៤/២១ ស.ស.រ ចុះថ្ងៃទី២៩ ខែកក្កដា ឆ្នាំ២០២១ របស់រដ្ឋបាលខេត្តកោះកុង ស្តីពីការបិទខ្ទប់ភូមិសាស្ត្រខេត្តកោះកុង ចំនួន១៤ថ្ងៃ គិតចាប់ពីថ្ងៃទី២៩
កក្កដា ដល់ថ្ងៃទី១២ ខែសីហា ឆ្នាំ២០២១ ដើម្បីទប់ស្កាត់ការឆ្លងរីករាលដាល ក្នុងសហគមន៍ ដែលបណ្តាលមកពីមេរោគកូវីដ-១៩ ប្រភេទដែលតា (Delta) ៕
ចែករំលែកព័តមាននេះ