រាជធានីភ្នំពេញ ៖ កាលពីល្ងាចថ្ងៃសៅរ៍ទី២ មករា ម្សិលម៉ៃ្ង កីឡាករធា នុរាជ ដែលមានឈ្មោះដើមថា សូយ ភារម្យ បានទទួលជ័យជម្នះលើកីឡាករ ឡៅ ផានាថ ដូចការគ្រោងទុកបន្ទាប់ពីបានបាក់មុខធ្វើឱ្យមហាជនខកចិត្ត ។
រាជធានីភ្នំពេញ ៖ កាលពីល្ងាចថ្ងៃសៅរ៍ទី២ មករា ម្សិលម៉ៃ្ង កីឡាករធា នុរាជ ដែលមានឈ្មោះដើមថា សូយ ភារម្យ បានទទួលជ័យជម្នះលើកីឡាករ ឡៅ ផានាថ ដូចការគ្រោងទុកបន្ទាប់ពីបានបាក់មុខធ្វើឱ្យមហាជនខកចិត្ត ។ នេះជាលទ្ធផលរបស់គេនៅលើសង្វៀនទូរទស្សន៍អាស៊ីអាគ្នេយ៍ បើធៀបនឹងការប្រកួតកាលពីលើកទី១ ហើយត្រូវកីឡាករថៃវាយឱ្យបាក់មុខនៅលើរេញ ។
ទោះជាជ័យជម្នះដែលកីឡាកររូបនេះទទួលបានហាក់ស្ថិតក្នុងភាពត្រដាបត្រដួសពេញរយៈពេល៥ទឹក ប៉ុន្តែក៏ជាផ្លែផ្កាមួយដែលធ្វើឱ្យអ្នកចាំឃ្លាំមើលអបអរសាទរមិនអន់ដែរ ជាពិសេសនៅពេលដែលមានការទទួលស្គាល់យូរមកហើយ ថាកីឡាករឡៅ ផានាថ មកពីក្លិបមកុដរាជសីហ៍ គឺជាជើងខ្លាំងម្នាក់ ។ ការប្រកួតរបស់គូនេះក្នុងរង្វង់៣ទឹកដំបូង គឺកីឡាករឡៅ ផានាថ និងគូប្រកួតមើលមិនដឹងពីជ័យជម្នះនោះឡើយ ដោយកីឡាករឡៅ ផានាថ ទំនងជាមានប្រៀបដោយអន្លើនោះផង ។ យ៉ាងណាមិញ នៅក្នុងទឹកទី៤ គេឃើញកីឡាករបង្គោលក្រហមបាត់បង់កម្លាំងស៊ុហ្វ និងខ្វះសមត្ថភាពក្នុងការតតាំង ទើបគេឃើញកីឡាករធា នុរាជ មានឱកាសប្រើក្បាច់ប្លែកម៉ាសេរី ដែលក្បាច់ទាំងនោះមានដូចជាក្បាច់នាគវ័ធកន្ទុយផង និងប្រើក្បាច់បង្វិលខ្លួនវាយលុកទៅលើគូប្រកួតផង ធ្វើឱ្យអ្នកទស្សនាស្រែកហ៊ោកញ្ជ្រៀវ ។ ប៉ុន្តែនៅវិនាទីខ្លះ កីឡាករឡៅ ផានាថ ក៏បានគេចផុត ហើយវាយបកមកវិញ ធ្វើឱ្យកីឡាកររូបនេះដួលផ្ងារជើងបណ្ដាលឱ្យមានសំណើចសើចចំអកពីអ្នកទស្សនានៅក្នុងសង្វៀនទូរទស្សន៍អាស៊ីអាគ្នេយ៍នាពេលនោះផងដែរ ។ កីឡាករធា នុរាជ មិនសូវមានឱកាសប្រើកែង និងជង្គង់ល្អដូចឡៅ ផានាថ នោះទេ ប៉ុន្តែកណ្ដាប់ដៃម៉ាត់របស់គេល្អ ហើយគាប់ជួនជាក្បាច់បង្វិលខ្លួនរបស់គេល្អនៅវគ្គចុងក្រោយ ទើបគេឃើញការប្រកួតទាំងស្រុងត្រូវបានបញ្ចប់ដោយកីឡាករធា នុរាជ ឈ្នះពិន្ទុ ។ នេះជាអ្វីដែលគេសម្រេចបាន កុំអីប្រហែលជារងការរិះគន់ និងសើចចំអកទៀតហើយ បើភ្លាត់ឱ្យចាញ់ការប្រកួតលើកនេះម្ដងទៀតនៅលើសង្វៀនទូរទស្សន៍អាស៊ីអាគ្នេយ៍។ អ៊ីចឹងហើយទើបគេថាធា នុរាជ ស្ដារបានមុខមាត់ បើធៀបនឹងការឡើងប្រកួតលើកទី១នៅលើសង្វៀននេះ ហើយត្រូវកីឡាករថៃវាយឱ្យចាញ់ពិន្ទុ ដោយសារតែប្រើក្បាច់ពិសេសបែបនេះដូចគ្នា ហើយមិនត្រូវគូប្រកួតតាមការចង់បាន ។
លោកញាណ សុធី អ្នករៀបចំការប្រកួត នៅតែមានគម្រោងផ្គូផ្គងឱ្យកីឡាកររូបនេះមានមុខឡើងប្រកួតនៅលើសង្វៀនទូរទស្សន៍អាស៊ីអាគ្នេយ៍ឱ្យបានញឹកញាប់ ប៉ុន្តែចំពោះការប្រកួតអន្តរជាតិ គឺមិនទាន់ច្បាស់ថានឹងបានប៉ុន្មានលើកក្នុងរយៈពេល២-៣ខែនោះទេ ។ យ៉ាងណាក៏ដោយ លោកទាមទារឲ្យកីឡាករ ធា នុរាជ ប្រឹងប្រឹងបង្កើនសមត្ថភាពឲ្យអស់លទ្ធភាពជាមុនសិន ។ ជាពិសេសគឺបន្ទាប់ពីគេបានឡើងប្រកួតអន្តរជាតិជាលើកដំបូងនៅលើសង្វៀនទូរទស្សន៍លោក ហើយបែរជាត្រូវបរាជ័យយ៉ាងអាម៉ាស់មុខនោះ ។ លោកបានអះអាងថា នៅលើសង្វៀនរបស់លោកចាប់ពីឆ្នាំ២០១៦នេះតទៅ គឺនឹងមានការប្រកួតអន្តរជាតិរៀងរាល់សប្ដាហ៍តែម្ដង សម្រាប់ព្រឹត្តិការណ៍ប្រដាល់ពេលព្រឹកថ្ងៃអាទិត្យ ដោយក្នុងមួយអាទិត្យគឺមាន២គូអន្តរជាតិគ្រប់លើក ដោយមិនរង់ចាំរហូតដល់២សប្ដាហ៍ទើបជួបម្ដងនោះទេ។
នៅលើសង្វៀនទូរទស្សន៍អាស៊ីអាគ្នេយ៍កាលពីល្ងាចថ្ងៃសៅរ៍នោះដែរ កីឡាករម៉ន រ៉ៃយ៉ា មកពីក្លិបការិយាល័យទី៥កងទ័ពជើងគោក ឈ្នះពិន្ទុកីឡាករគុណ សំណង មកពីក្លិបគីសែមានឬទ្ធិអាជ្ញាធរជាតិអាវុធគីមី និងកីឡាករយុគ យក្សខួច មកពីក្លិបអប់រំកាយកីឡាខេត្តបាត់ដំបង វាយកីឡាករ សែត ប៊ូកើត មកពីក្លិបដួងសែនសុខគុនខ្មែរ ឱ្យសន្លប់ក្នុងទឹកទី៣៕
ចែករំលែកព័តមាននេះ