លោក ឃួងស្រេង បញ្ជាឱ្យសង្កាត់ទាំង១០៥ ណែនាំពលរដ្ឋកុំឱ្យឆ្វេចឆ្វាចល្មើសបំរាមគោចរ
- ភ្នំពេញ
រាជធានីភ្នំពេញ ៖ លោកឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការរាជធានីភ្នំពេញបានដាក់បទបញ្ជាទៅ
រាជធានីភ្នំពេញ ៖ លោកឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការរាជធានីភ្នំពេញបានដាក់បទបញ្ជាទៅ
រាជធានីភ្នំពេញ ៖ លោកឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការរាជធានីភ្នំពេញបានដាក់បទបញ្ជាទៅគណៈបញ្ជាការឯកភាពខណ្ឌទាំ១៤ឱ្យសង្កាត់ទាំង១០៥ ពិសេសចៅសង្កាត់តែម្តង ត្រូវចុះផ្ទាល់ដល់មូលដ្ឋានរបស់ខ្លួន ដើម្បីធ្វើការណែនាំឱ្យប្រជាពលរដ្ឋកុំដើរហើរ ល្មើសនិងបំរាមគោចរនិងបងប្អូនប្រជាពលរដ្ឋ នាំកូនចៅដែលជាកុមារនិងយុវវ័យអាយុ១២ទៅ១៧ឆ្នាំទៅចាក់វ៉ាក់សាំងឱ្យបានគ្រប់គ្នានិងត្រូវណែនាំឱ្យ។
ការដាក់បទបញ្ជាក់បែបនេះបានធ្វើឡើងកាលពីរាត្រីថ្ងៃទី៣ សីហា ២០២១នេះ ដើម្បីឱ្យប្រធានគណៈបញ្ជាការឯកភាពខណ្ឌទាំង១៤និងសង្កាត់ទាំង១០៥ អនុវត្តការងារទាំង២នេះឱ្យបានម៉ត់ចត់ និងម៉ឺងម៉ាត់ ឈានទៅរកការផ្តាច់បាននូវឬសគល់ជម្ងឺកូវីដ-១៩ ពិសេសវីរុសបំប្លែងថ្មីដែលតា (DELTA) ឱ្យបានជោគជ័យ។
មន្ត្រីរដ្ឋបាលរាជធានីភ្នំពេញ បានឱ្យដឹងថា កាលពីរាត្រីថ្ងៃទី៣ សីហា ឆ្នាំ២០២១នេះ លោកឃួង ស្រេង អភិបាលរាជធានីភ្នំពេញនិងជាប្រធានគណៈបញ្ជាការរាជធានីភ្នំពេញ បានដាក់បទបញ្ជាដល់គណៈបញ្ជាការឯកភាពខណ្ឌទាំង១៤និងសង្កាត់ទាំង១០៥ ពិសេសចៅសង្កាត់ ត្រូវដឹកនាំមន្ត្រីរបស់ខ្លួនចុះឱ្យដល់មូលដ្ឋាន ដើម្បីណែនាំឱ្សង្កាត់ត្រូវណែនាំឱ្យបងប្អូនប្រជាពលរដ្ឋក្នុងមូលដ្ឋាន កុំដើរហើរល្មើសនិងបំរាមគោចរ ម៉ោងវេលា៩យប់ដល់ម៉ោង៣ភ្លឺនៅក្នុងភូមិសាស្ត្ររាជធានីភ្នំពេញ សម្រាប់រយៈពេល១៤ (ដប់បួន) ថ្ងៃ គិតចាប់ពីម៉ោង២៣និង៥៩នាទីនាថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២១ ។ បន្ថែមពីនេះ ត្រូវណែនាំឱ្យបងប្អូនប្រជាពលរដ្ឋ នាំកូនចៅដែលជាកុមារនិងយុវវ័យអាយុ១២ទៅ១៧ឆ្នាំទៅចាក់វ៉ាក់សាំងឱ្យបានគ្រប់គ្នានៅតាមទីតាំងដែលបានរៀបចំរួច ។
ចាប់ពីពេលនេះតទៅគ្មានមានការអប់រំទៀតទេ គឺត្រូវតែផាកពិន័យនិងអនុវត្តទោសទណ្ឌ មិនមានការលើកលែងឡើយ។
នៅយប់ថ្ងៃទី០៣ សីហានេះ គេបានឃើញសង្កាត់មួយចំនួនបានអនុវត្តការងារនេះយ៉ាងម៉ឺងម៉ាត់ ។ ជាក់ស្តែងគ្រប់សង្កាត់ខណ្ឌបានចុះអប់រំណែនាំដល់ប្រជាពលរដ្ឋក្នុងមូលដ្ឋានរបស់ខ្លួន ដើម្បីរួមគ្នាឈានទៅផ្តាច់ឬសគល់ជម្ងឺកូវីដ-១៩ ពិសេសវីរុសបំប្លែងថ្មីដែលតា (DELTA) ឱ្យបាន។
សូមបញ្ជាក់ថា អ្នកល្មើសនឹងបម្រាមនេះនឹងត្រូវផាកពិន័យយ៉ាងធ្ងន់ធ្ងរបំផុត ដោយសម្រាប់ម៉ូតូ១គ្រឿងត្រូវផាកពិន័យចំនួន២០ម៉ឺនរៀល ចំណែកឯរថយន្តត្រូវផាកពិន័យចំនួន១លានរៀល ហើយបើធ្ងន់ធ្ងរនឹងមានទោសទណ្ឌទៀតផង៕
ចែករំលែកព័តមាននេះ