ដ្ឋបាលខេត្ត បានរកឃើញមានអ្នកឆ្លងវីរុសកូវីដបំប្លែងខ្លួនថ្មី ដែលតា (Delta) លើ អ្នកភូមិជាច្រើននាក់ រួមទាំងបុគ្គលិកសុខាភិបាលម្នាក់ផងដែរ។ អ្នកភូមិនៅខេត្តសៀមរាប ដែលរកឃើញឆ្លងកូវីដ ដែលតា (Delta) នោះ គឺមាននៅ
ខេត្តសៀមរាប ៖ រដ្ឋបាលខេត្ត បានរកឃើញមានអ្នកឆ្លងវីរុសកូវីដបំប្លែងខ្លួនថ្មី ដែលតា (Delta) លើ អ្នកភូមិជាច្រើននាក់ រួមទាំងបុគ្គលិកសុខាភិបាលម្នាក់ផងដែរ។ អ្នកភូមិនៅខេត្តសៀមរាប ដែលរកឃើញឆ្លងកូវីដ ដែលតា (Delta) នោះ គឺមាននៅឃុំអូរសោម ស្រុកអង្គរជុំចំនួន២នាក់, នៅឃុំចារឈូក ស្រុកអង្គរជុំ ចំនួន០៣នាក់, នៅឃុំកំពង់ឃ្លាំង ស្រុកសូត្រនិគម ចំនួន០៣នាក់, នៅសង្កាត់ទឹកវិល ចំនួន០១នាក់, នៅសង្កាត់សាលាកំរើក ចំនួន០៥នាក់ និងនៅសង្កាត់ស្វាយដង្គំ ចំនួន០៣នាក់ ក្នុងក្រុងសៀមរាប។ ក្រៅពីនេះ មានមន្ត្រីសុខាភិបាល០១នាក់ផងដែរ នៅខេត្តសៀមរាប បានឆ្លងកូវីដ ដែលតា បំប្លែងថ្មី។
នាល្ងាចថ្ងៃ០៣ ខែសីហា យោងតាមលទ្ធផលវិភាគពីវិទ្យាស្ថានប៉ាស្ទ័រ បានរកឃើញករណីអ្នកឆ្លងកូវីដ បំប្លែងខ្លួន ដែលតា ថ្មី ចំនួន៣៦នាក់។ ក្នុងនោះរាជធានីភ្នំពេញចំនួន៥នាក់ ខេត្តសៀមរាប ចំនួន១៨នាក់ ឧត្តរមានជ័យ ចំនួន៩នាក់ និងខេត្តកំពង់ធំ ចំនួន៤នាក់។
ចំពោះខេត្តសៀមរាប ដែលត្រូវបានរដ្ឋាភិបាល ដាក់ជាតំបន់បិទខ្ទប់ជាមួយខេត្តទាំង៧ ជាប់ព្រំដែនថៃ នោះ មានខេត្តកោះកុង ខេត្តពោធិ៍សាត់ ខេត្តបាត់ដំបង ខេត្តប៉ៃលិន បន្ទាយមានជ័យ ខេត្តឧត្ដរមានជ័យ និងខេត្តព្រះវិហារ ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ១៩ ប្រភេទ ដែលតា (Delta)។
សូមបញ្ជាក់ផងដែរថា នៅក្នុងភូមិសាស្ត្រខេត្តសៀមរាប មានការកើនឡើងករណីឆ្លងរាលដាលជាបន្ត បន្ទាប់នៃមេរោគបំប្លែងថ្មី ប្រភេទ ដែលតា (Delta) ពាក់ព័ន្ធនឹងពលរដ្ឋ និងមន្ត្រីសុខាភិបាលជាច្រើននាក់ ហើយរដ្ឋបាលខេត្តសៀមរាប បានសម្រេចបិទខ្ទប់ ក្នុងភូមសាស្ត្រសង្កាត់ចំនួន៤ ក្នុងក្រុងសៀមរាប ដោយកំណត់ជាតំបន់ លឿងទុំ មានដូចជា ៖ សង្កាត់ស្វាយដង្គំ ,សង្កាត់សាលាកំរើក , សង្កាត់ស្លក្រាម និងសង្កាត់គោកចក ព្រមទាំងឃុំចំនួន៣ ក្នុងស្រុកសូទ្រនិគម ក្នុងនោះឃុំកំពង់ឃ្លាំង កំណត់ជាតំបន់ក្រហម និងឃុំដានរុន, ឃុំកៀនសង្កែរ កំណត់ជាតំបន់លឿងទុំ ៕
ចែករំលែកព័តមាននេះ