កូវីដ.១៩ ឆក់យកជីវិតមនុស្ស២នាក់ទៀតនៅស្ទឹងត្រែង
- ស្ទឹងត្រែង
ខេត្តស្ទឹងត្រែង ៖ អនុប្រធានមន្ទីរសុខាភិបាលខេត្ត និងជាប្រធានអន្តរាគមន៍ប្រយុទ្ធនឹងជំងឺឆ្លងខេត្តស្ទឹងត្រែង លោកវេជ្ជ
ខេត្តស្ទឹងត្រែង ៖ អនុប្រធានមន្ទីរសុខាភិបាលខេត្ត និងជាប្រធានអន្តរាគមន៍ប្រយុទ្ធនឹងជំងឺឆ្លងខេត្តស្ទឹងត្រែង លោកវេជ្ជបណ្ឌិត ទន វុទ្ធី បានបញ្ជាក់ថា មន្ត្រីជំនាញសុខាភិបាលបានរកឃើញករណីវិជ្ជមានជំងឺកូវីដ.១៩ ចំនួន២នាក់បន្ថែមទៀត គិតត្រឹមវេលាម៉ោង៥ថ្ងៃទី៣ ខែសីហា ឆ្នាំ២០២១ កន្លងទៅនេះ។
លោកវេជ្ជបណ្ឌិតបានបន្តថា អ្នកវិជ្ជមានកូវីដ១៩ ទាំង២នាក់ខាងលើ ក្នុងនោះម្នាក់ឈ្មោះហ៊ឹម ស្រីលីស ភេទស្រី អាយុ៣០ឆ្នាំ និងម្នាក់ទៀតឈ្មោះ ណារ័ត្ន សុធុន ភេទប្រុស អាយុ១៤ឆ្នាំ ។ អ្នកទាំងពីរមានអាយដ្ឋាននៅភូមិអូរកណ្ដៀរ ឃុំអូរគ្រៀង ស្រុកសំបូរ ខេត្តក្រចេះ បានធ្វើតេស្តរហ័សនៅមន្ទីរពេទ្យបង្អែកខេត្តស្ទឹងត្រែង ។
លោកវេជ្ជបណ្ឌិតបន្តទៀតថា ទន្ទឹមការរកឃើញករណីវិជ្ជមានខាងលើនេះ សម្រាប់ខេត្តស្ទឹងត្រែងក៍មានករណីស្លា.ប់ថ្មីចំនួន២នាក់ផងដែរ ក្នុងនោះម្នាក់ឈ្មោះអែល សកាស ភេទស្រី អាយុ៥៨ឆ្នាំ ជនជាតិខ្មែរអ៊ិស្លាម រស់នៅភូមិភ្នំខៀវ ឃុំអូរគ្រៀង ស្រុកសំបូរខេត្តក្រចេះ និងម្នាក់ទៀតឈ្មោះវ៉ែន ថា ភេទប្រុស អាយុ៥៣ឆ្នាំ នៅភូមិអូរឡង់ ឃុំសៀមបូក ស្រុកសៀមបូក ខេត្តស្ទឹងត្រែង ។ អ្នកជំងឺទាំង២នាក់បានស្លា.ប់នៅមណ្ឌលព្យាបាល និងចត្តាឡីស័កកម្រិត២ ក្នុងខេត្តស្ទឹងត្រែង ។ ស.ពអ្នកស្លា.ប់ដោយសារជំងឺកូវីដ.១៩ទាំង២នាក់ខាងលើនេះ គឺស.ពម្នាក់ត្រូវបូជា និងស.ពម្នាក់ទៀតបញ្ចុះ។
គួរបញ្ជាក់ថា សម្រាប់ខេត្តស្ទឹងត្រែង គិតត្រឹមល្ងាចវេលាម៉ោង៥ថ្ងៃទី៣ សីហា អ្នកឆ្លងជំងឺកូវីដ.១៩ សរុបមានចំនួន៥០១នាក់ (ស្រី២២៦នាក់) អ្នកជាសះស្បើយ៤៤៩នាក់ (ស្រី២០៣នាក់) កំពុងព្យាបាល៤៨នាក់ (ស្រី២១នាក់) និងអ្នកស្លា.ប់ដោយសារជំងឺកូវីដ.១៩ មានចំនួនសរុប៤នាក់ ៕
ចែករំលែកព័តមាននេះ