យោងតាមរបាយកាណ៍របស់កាសែតក្នុងស្រុករបស់អីុតាលី La Repubblica ឱ្យដឹងថា ក្រុមហ៊ុន Apple បានយល់ព្រមបង់សំណងប្រមាណជា៣៥០លានដុល្លារ ដើម្បីដោះស្រាយករណីលួចបន្លំពន្ធអីុតាលី ។ ក្រុមហ៊ុនដែលមានមូលដ្ឋាននៅក្រុង Cupertino ត្រូវបានចោទប្រកាន់ថា បានគេចពន្ធចន្លោះពីឆ្នាំ២០០៨ ដល់ឆ្នាំ២០១៣ ។
ក្រុមហ៊ុនត្រូវខកខានមិនបានបង់ប្រាក់ចំនួន ៩៥៥.៦៨០.០០០ដុល្លារក្នុងសហប្រតិបត្តិពន្ធអំឡុងពេល៥ឆ្នាំនោះ ហើយចំនួនលុយត្រូវបានផ្ទេរទៅឱ្យក្រុមហ៊ុនបុត្រសម្ព័ន្ធរបស់ខ្លួននៅអៀរឡង់ ដែលជាប្រទេសមានអត្រាសហប្រតិបត្តិពន្ធតិចជាងពាក់កណ្តាលក្នុងប្រទេសអីុតាលី ។
ទោះបីជាការស៊ើបអង្កេតបានបញ្ចប់កាលពីខែមីនា ឆ្នាំ២០១៥ ការដោះស្រាយបានចំណាយពេលចរចាដ៏យូរអង្វែងរវាងក្រុមហ៊ុន Apple និងអាជ្ញារធរអីុតាលី ។ ការិយាល័យពន្ធរបស់ប្រទេសអីុតាលីកាលពីចុងឆ្នាំ២០១៥ បានអះអាងបញ្ជាក់ថា កិច្ចព្រមព្រៀងបានឈានដល់ផលវិជ្ជមានរវាងភាគីទាំងពីរ ។ Apple ត្រូវបានគេស្គាល់ថា ជាក្រុមហ៊ុនដែលចំណាយបង់ពន្ធធំជាងគេក្នុងចំណោមក្រុមហ៊ុនដទៃទៀតលើពិភពលោក ហើយបានបង់ពន្ធជាលុយអឺរ៉ូដល់អាជីវកម្មដែលខ្លួនបានជំពាក់ ៕
ចែករំលែកព័តមាននេះ