ខេត្តកណ្តាល មានកូវីដ ៩.៦៥៧នាក់ ជាសះស្បើយ ៨.៦៩៤នាក់ និងស្លា.ប់ ១៣៦នាក់
- កណ្តាល
ខេត្តកណ្តាល៖ កាលពីថ្ងៃទី២ ខែសីហា ឆ្នាំ២០២១ នៅខេត្តកណ្តាល មានករណីឆ្លងកូវីដថ្មី ៤៦ករណី ជាសះស្បើយ ៨៨ករណី និងស្លាប់ថ្មី…
ខេត្តកណ្តាល៖ កាលពីថ្ងៃទី២ ខែសីហា ឆ្នាំ២០២១ នៅខេត្តកណ្តាល មានករណីឆ្លងកូវីដថ្មី ៤៦ករណី ជាសះស្បើយ ៨៨ករណី និងស្លាប់ថ្មី ២នាក់។ ជាសរុប នៅខេត្តកណ្តាល មានកូវីដ ៩.៦៥៧នាក់ ជាសះស្បើយ ៨.៦៩៤នាក់ និងស្លាប់ ១៣៦នាក់។
របាយការណ៍នេះ ត្រូវបានប្រកាស ក្នុងពេលអភិបាលខេត្តកណ្តាល លោក គង់ សោភ័ណ្ឌ បានចុះពិនិត្យការចាក់វ៉ាក់សាំង ជូនកុមារ ដែលមានអាយុចាប់ពី ១២ឆ្នាំ រហូតដល់ក្រោម ១៨ឆ្នាំ នៅវិទ្យាល័យសម្តេចអគ្គមហាធម្មពោធិសាល ជា ស៊ីម ព្រែកអញ្ចាញ ស្ថិតនៅឃុំព្រែកអញ្ចាញ ស្រុកមុខកំពូល ខេត្តកណ្តាល កាលពីល្ងាចថ្ងៃទី២ ខែសីហា ឆ្នាំ២០២១។
លោកអភិបាលខេត្ត បានថ្លែងអំណរគុណ និងគោរពអរគុណ សម្តេចអគ្គមហាសេនាបតីតេជោ ហ៊ុន សែន ឧបនាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្តល់ឱ្យមានការចាក់វ៉ាក់សាំងការពារជំងឺកូវីដ-១៩ ជូនដល់កុមារ អាយុចាប់ពី ១២ឆ្នាំ ដល់ក្រោម ១៨ឆ្នាំ នៅទូទាំប្រទេស ពិសេសខេត្តកណ្ដាល ដើម្បីបង្កើនភាពស៊ាំពេញលេញ នឹងឈានដល់បញ្ឈប់ព្រឹត្តិការណ៍សហគមន៍ ២០ កុម្ភៈ អោយបាននាពេលខាងមុខ។
ក្នុងឱកាសនោះដែរ លោកអភិបាលខេត្តកណ្តាល បានអំពានាវដល់មាតាបិតា និងអាណាព្យាបាលកុមារ ដែលមានអាយុចាប់ពី ១២ឆ្នាំ ដល់១៧ឆ្នាំ សូមនាំកូនចៅរបស់ខ្លួន មកទទួលវ៉ាក់សាំង បង្ការជំងឺកូវីដ-១៩ ឲ្យបានគ្រប់ៗគ្នា។ ទន្ទឹមនេះ លោកអភិបាលខេត្ត ក៏បានក្រើនរំលឹក ដល់បងប្អូនប្រជាពលរដ្ឋគ្រប់គ្នា ត្រូវចូលរួមអនុវត្តតាមគោលការណ៍ណែនាំរបស់ក្រសួងសុខាភិបាល និងប្រសាសន៍របស់សម្ដេចតេជោ នាយករដ្ឋមន្ត្រីនូវវិធានការការពារ COVID-19 គឺ៖ ៣ការពារ និង៣កុំ ដែលជាយ័ន្តដ៏ស័ក្តិសិទ្ធ ដើម្បីកាត់ផ្តាច់ ការឆ្លងរាលដាល ជំងឺកូវីដ-១៩ ក្នុងសហគមន៍របស់យើង៕ ឆដា
ចែករំលែកព័តមាននេះ