លោកជំទាវ ហ៊ុន ស៊ីណាត ប្រតិកម្មការសម្តែងនិងអត្ថន័យបទចម្រៀងមួយ
- ភ្នំពេញ
លោកជំទាវ ហ៊ុន ស៊ីណាត បានសម្តែងប្រតិកម្ម និងមិនពេញចិត្តទៅលើការសម្តែង ព្រមទាំងអត្ថន័យនៅក្នុងបទចម្រៀងមួយបទដែលមានចំណងជើងថា
លោកជំទាវ ហ៊ុន ស៊ីណាត បានសម្តែងប្រតិកម្ម និងមិនពេញចិត្តទៅលើការសម្តែង ព្រមទាំងអត្ថន័យនៅក្នុងបទចម្រៀងមួយបទដែលមានចំណងជើងថា
រាជធានីភ្នំពេញ ៖ លោកជំទាវ ហ៊ុន ស៊ីណាត បានសម្តែងប្រតិកម្ម និងមិនពេញចិត្តទៅលើការសម្តែង ព្រមទាំងអត្ថន័យនៅក្នុងបទចម្រៀងមួយបទដែលមានចំណងជើងថា «បើប្រពន្ធមានប្រុសវិញ ប្តីមានអារម្មណ៍បែបណា» ដែលកំពុងផ្ទុះនៅលើបណ្តាញហ្វេសប៊ុក។
បទចម្រៀងខាងលើនេះ ត្រូវបានបកស្រាយដោយតារាចម្រៀងនាង លាង សុផាឡែន ក្នុងផលិតកម្មរស្មីហង្សមាស ជាមួយនឹងការសម្តែងដោយនាង វិត វីត និងលោក លឹម ជាឡាយ។ តាមរយៈបទចម្រៀងនេះ បានធ្វើអោយទស្សនិកជនជាច្រើនសម្តែងការគាំទ្រ ជាពិសេសអត្ថន័យ នឹងការសម្តែងនោះបានចាក់ដោតចំបេះដូងនារីៗតែម្តង ដែលបានពើបប្រទះរឿងរ៉ាវដូចសាច់រឿងនេះ។
យ៉ាងណា ផ្ទុយពីការគាំទ្រទាំងអស់នោះ លោកជំទាវ ហ៊ុន ស៊ីណាត បានសម្តែងការមិនពេញចិត្តនោះឡើយ ត្បិតលោកជំទាវចាត់ទុកអត្ថន័យបទចម្រៀង និងសម្តែងនោះ គឺផ្ទុយទាំងស្រុងពីតម្លៃស្ត្រីនៅក្នុងសង្គមខ្មែរ។
លោកជំទាវ ហ៊ុន ស៊ីណាត បានបង្ហោះសារតាមហ្វេសប៊ុកថា ចំពោះស្រីៗណាខ្ញុំមិនដឹងរឿងពេញចិត្តស្ដូកនោះទេ ចំណែកខ្ញុំវិញមិនពេញចិត្តទេ។ លោកជំទាវបញ្ជាក់ថា គិតថាប្រុសៗគេព្រៀបថាទន្លេដប់មិនស្កប់ សមុទ្រមួយទៅហើយ យើងជាស្ត្រីឃើញប្ដីមានស្រី ខ្លួនទៅរកប្រុសនោះ វាមិនត្រូវទេ មិនទាន់លែងលះគ្នាផង ទៅបណ្ដើរប្រុសមួយទៀត ក្នុងរឿងមួយនេះ សូមបងប្អូនកូនក្មួយជាស្ត្រីកុំយកតម្រាប់តាម ពីព្រោះប្រពៃណីខ្មែរអត់មានបែបៗនេះទេ ក្នុងរឿងនេះ ចេញចរឹតមកគឺកាត់ទៅបរទេស ។
បើតាមលោកជំទាវ ហ៊ុន ស៊ីណាត ថា ប្រពៃណីខ្មែរមិនមែនបែបនេះទេ ទោះបីសង្គមរីកចម្រើនដល់កម្រិតណាក៏ដោយ ក្នុងនាមជាស្ត្រីមិនគប្បីយកប្រុសមកបញ្ឈឺឌឺដងទៅវិញទៅមកដាក់ប្ដីនៅពេលដែលប្ដីធ្វើខុសនោះទេ! ។
លោកជំទាវថា បើត្រឹមចោទជាសំណួរទៅបុរសខ្លះអាចសួរបាន ដើម្បីអោយពួកគាត់យល់ពីអារម្មណ៍មនុស្សស្រីយ៉ាងណា បើសិនជាកើតលើខ្លួនវិញ!។ តែបើប្ដីមានស្រី ហើយយើងទៅមានប្រុសដែរនោះ គឺមិនកើតទេ បើសិនមានកូន តើអោយកូនៗគិតបែបណា? បើឪម៉ែអាលាតែអីចឹងនោះ! ។ មិនឃើញពេញចិត្តស្ដូកអីត្រង់ណាផង ខ្ញុំថា ទង្វើរនេះកំពុងតែបង្រៀនមនុស្សអោយផ្ដើមធ្វើខុសសីលធម៌ ផ្ដើមប្រាសចាកប្រពៃណី បាត់បង់តម្លៃជាស្ត្រីច្រើនជាង៕
ចែករំលែកព័តមាននេះ