រាជធានីភ្នំពេញ ៖ តារាចម្រៀងលោក ខាត់ ជែម ត្រូវបានគេមើលឃើញថា លោកបានក្លាយជាតារាល្បីនាំមុខ ដែលមិនបានបង្អង់យូរក្នុងការនាំកូនប្រុសស្រីរបស់លោកគ្រប់អាយុទៅចាក់ថ្នាំបង្ការជំងឺកូវីដ១៩។ នៅថ្ងៃនេះ លោក ខាត់ ជេម បាននាំកូនទាំង៣របស់លោកទៅចាក់ថ្នាំការពារនៅក្នុងមន្ទីរពេទ្យបង្អែកដង្កោ រាជធានីភ្នំពេញ។
ជាមួយនឹងរូបភាពបង្ហាញពីទិដ្ឋភាពនៃការចាក់ថ្នាំនោះ លោក ខាត់ ជេម ក៏បានភ្ជាប់ជាមួយនឹងសារថា «ថ្ងៃនេះខ្ញុំបាទ បាននាំកូនៗមកចាក់វ៉ាក់សាំងរួចហើយ ខ្ញុំបាទសូមអរគុណដល់ប្រមុខរាជរដ្ឋាភិបាល ជាពិសេសគឺ (សម្តេចអគ្គមហាសេនាបតីតេជោ ហ៊ុន សែន ) «អរគុណសន្តិភាព»។
ដោយឡែកសម្រាប់អតីតតារាសម្តែងអ្នកនាង ស័ក្ត សក្ការបុប្ឋា ត្រូវបានគេដឹងថា អ្នកនាងក៏បាននាំកូនរបស់នាងទៅចាក់ថ្នាំបង្កាជំងឺកូវីដ១៩ កាលពីថ្ងៃទី១ ខែសីហា ឆ្នាំ២០២១ដែរ ពោលគឺថ្ងៃដំបូងនៃយុទ្ធនាការចាក់ថ្នាំបង្កាជំងឹកូវីដ១៩ សម្រាប់ក្មេងអាយុ១២ឆ្នាំដល់១៧ឆ្នាំ។
រីឯសម្រាប់តារាពហុជំនាញអ្នកនាង ខាត់ សុឃីម វិញ រហូតមកដល់ថ្ងៃនេះ អ្នកនាងបាននាំកូនប្រុសរបស់នាងឈ្មោះស្កាយ ទៅចាក់ថ្នាំបង្កាជំងឺកូវីដ១៩ហើយឬនៅទេ ខណៈពេលអ្នកនាងធ្លាប់បានប្រកាសនៅមុនថ្ងៃយុទ្ធនាការនៃការចាក់ថ្នាំនេះថា អ្នកនាង សប្បាយចិត្តនៅពេលដែលអ្នកនាងទទួលបានដំណឹងពីការចាក់ថ្នាំនេះ ព្រោះកូនរបស់នាងស្កាយមានឱកាសទទួលវ៉ាក់សាំងកូវីដ១៩ដែរ ហើយ។
ជាការកត់សម្គាល់ គិតត្រឹមថ្ងៃទី១ ខែសីហា ឆ្នាំ២០២១ នៃយុទ្ធនាការថ្ងៃដំបូងក្នុងការចាក់ថ្នាំបង្កាជំងឺកូវីដ១៩ ជូនដល់ក្មេងអាយុ១២ឆ្នាំដល់១៧ឆ្នាំនេះ គេនៅមិនទាន់ឃើញមានកូនរបស់អ្នកសិល្បៈដែលមានអាយុគ្រប់ទៅទទួលថ្នាំបង្កានេះច្រើននៅឡើយទេ។ យ៉ាងណា គេរំពឹងថា តារាទាំងអស់នោះ បាននិងកំពុងត្រៀមខ្លួនសម្រាប់នាំកូនដែលគ្រប់អាយុទៅចាក់ថ្នាំបង្កាការពារជំងឺកូវីដ១៩នេះឱ្យគ្រប់ៗគ្នា៕
ចែករំលែកព័តមាននេះ