រាជធានីភ្នំពេញ៖ ពិភពលោកមិនប្រាកដថា ពេលណាអាចគ្រប់គ្រប់ជំងឺកូវីដ១៩ បានទាំងស្រុងដូចជាមានថ្នាំព្យាបាលជាដើមនោះទេ ដូច្នេះនៅពេលនេះ ដើម្បីផ្តើមជីវភាពជាប្រក្រតីមានតែការការពារ និងនាំគ្នារៀនរស់ជាមួយមេរោគនេះតាមគន្លងថ្មីតែប៉ុណ្ណោះ។ គន្លងថ្មីដែលមុខរបរមួយចំនួន តម្រូវឱ្យមនុស្ស ជួបមុខគ្នា…
រាជធានីភ្នំពេញ៖ ពិភពលោកមិនប្រាកដថា ពេលណាអាចគ្រប់គ្រប់ជំងឺកូវីដ១៩ បានទាំងស្រុងដូចជាមានថ្នាំព្យាបាលជាដើមនោះទេ ដូច្នេះនៅពេលនេះ ដើម្បីផ្តើមជីវភាពជាប្រក្រតីមានតែការការពារ និងនាំគ្នារៀនរស់ជាមួយមេរោគនេះតាមគន្លងថ្មីតែប៉ុណ្ណោះ។ គន្លងថ្មីដែលមុខរបរមួយចំនួន តម្រូវឱ្យមនុស្ស ជួបមុខគ្នា ប៉ះពាល់គ្នាផ្ទាល់ ទំនងមិនអាចប្រព្រឹត្តទៅទៀតបានទេ។
មានប្រសាសន៍នៅក្នុងពិធីបើកយុទ្ធនាការចាក់វ៉ាក់សាំង ដល់កុមារអាយុចាប់ពី១២ដល់១៨ឆ្នាំ នាព្រឹកថ្ងៃទី១ ខែសីហា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន បានអំពាវនាវដល់ពលរដ្ឋថា ចាប់ពីពេលនេះតទៅត្រូវរៀនរស់នៅ ជាមួយនឹងកូវីដ១៩ ពីព្រោះកូវីដ១៩ វានឹងមិនចប់នោះទេ។
សម្ដេចមានប្រសាសន៍៖ «សម្រាប់ខ្ញុំជឿថាអត់ចប់ទេ អញ្ចឹងជម្រើសដែលនៅសល់ គឺមានតែវិធី រៀនរស់ជាមួយនឹងកូវីដ តាមគន្លថ្មី ក្នុងនោះប្រទេសសិង្ហបុរី ចាប់ផ្ដើមហ្វឹកហាត់ហើយ ហើយយើងខ្ញុំក៏ចាប់ផ្ដើមហ្វឹកហាត់ដែរ។ រាល់ឯកសារត្រូវកាន់ខ្លួនឯង ទុកដាក់ខ្លួនឯង តែបើមានអ្នកកាន់ឯកសារខ្ញុំត្រូវពាក់ស្រោមដៃផង»។
ប្រមុខរដ្ឋាភិបាលបានបន្តថា អ្នកធ្លាប់ប្រកបរបរម៉ាស្សា ឬអ្នកកំពុងរៀនពីអាជីពជាអ្នកម៉ាហ្សាគួរតែប្តូររបរហើយ ព្រោះក្នុងដំណាក់កាលនេះ និងតទៅមុខគ្មានអ្នកណាគេ ទៅរកសេវាហ្នឹងទៀតទេ ព្រោះគេខ្លាចកូវីដ១៩ដូចតែគ្នា។ សម្ដេច ហ៊ុន សែន បានបន្ថែមថា ពីមុនមានគេរៀបចំម្ហូបអាហារជូនស្រាប់ តែពេលនេះត្រូវលើកចាន លើកម្ហូប គឺត្រូវធ្វើខ្លួនឯង ហើយសូម្បីតែអង្គរក្សសម្ដេច ក៏លែងឱ្យនៅក្នុងផ្ទះសម្ដេចទៀតដែរ គឺត្រូវរៀនរស់និងធ្វើអ្វីៗ ដោយខ្លួនឯងទាំងអស់។
បុគ្គលិកម៉ាស្សាមួយកន្លែងម្ដុំផ្សារសុវណ្ណា បានឱ្យដឹងថា កាលពីមុនផ្ទុះជំងឺកូវីដ១៩ មានអ្នកមករកសេវាកម្មម៉ាស្សាទាំងស្រីទាំងប្រុស នៅកន្លែងរបស់គាត់ ដើម្បីសម្រួលសរសៃ ក្រោយពេកអង្គុយធ្វើការពេញមួយថ្ងៃ តែចាប់តាំងពីកូវីដ១៩ផ្ទុះឡើង ភ្ញៀវមកម៉ាស្សាគឺមានតិចណាស់ ជាពិសេសចាប់ផ្ទុះព្រឹត្តិការណ៍២០កុម្ភៈមកនោះ ជីវភាពពួកគាត់មានការលំបាកខ្លាំង។
ទាក់ទងការផ្លាស់ប្តូរអាជីពនេះ អ្នកម៉ាស្សាមួយចំនួន បានបង្ហាញអារម្មណ៍ថាភ្លាមៗនេះ ពួកគាត់មិនដឹងទៅរកមុខរបរអ្វីបានឡើយ។ គ្មានចំណេះនិងគ្មានជំនាញ សំខាន់នៅគ្រាលំបាកនេះ កត្តាជីវភាពចោទជាបញ្ហាសំខាន់ណាស់ ដែលទាមទារឱ្យមានជំនួយសង្គមផងដែរ។ អ្នកម៉ាស្សាមួយចំនួនអះអាងថាពីមុនពួកគាត់ ជាកម្មការកាត់ដេរ ហើយវិស័យកាត់ដេរនេះ ក៏ជួបបញ្ហាដែលក្នុងពេលកូវីដ១៩នេះ៕
ចែករំលែកព័តមាននេះ