ភ្ញាក់ផ្អើលនឹងទូរស័ព្ទ iPhone ថ្លៃបំផុតលើលោក !
បើអ្នកគិតថា ទូរស័ព្ទរបស់អ្នកថ្លៃ ដូចនេះសូមគិតម្តងទៀត ! ប្រាកដណាស់ទូរស័ព្ទ iPhone ថ្មីតម្លៃលើសពី ១.០០០ ដុល្លារ ដែលជាប្រាក់ច្រើនសម្រាប់មនុស្សភាគច្រើន…
បើអ្នកគិតថា ទូរស័ព្ទរបស់អ្នកថ្លៃ ដូចនេះសូមគិតម្តងទៀត ! ប្រាកដណាស់ទូរស័ព្ទ iPhone ថ្មីតម្លៃលើសពី ១.០០០ ដុល្លារ ដែលជាប្រាក់ច្រើនសម្រាប់មនុស្សភាគច្រើន…
បើអ្នកគិតថា ទូរស័ព្ទរបស់អ្នកថ្លៃ ដូចនេះសូមគិតម្តងទៀត ! ប្រាកដណាស់ទូរស័ព្ទ iPhone ថ្មីតម្លៃលើសពី ១.០០០ ដុល្លារ ដែលជាប្រាក់ច្រើនសម្រាប់មនុស្សភាគច្រើន ប៉ុន្តែម្ចាស់ទូរស័ព្ទ iPhone ថ្មីនេះមិនបានជាប់នៅក្នុងបញ្ជីទូរស័ព្ទដែលថ្លៃជាងគេលើលោកនោះទេ ព្រោះថា នៅមានទូរស័ព្ទដែលមានតម្លៃលើសពី ១ លានដុល្លារទៅទៀត ។ តោះ ! សូមក្រឡែកមើលទូរស័ព្ទថ្លៃបំផុតទាំង ៥ នៅលើពិភពលោកជនឹងធ្វើឱ្យអ្នកភ្ញាក់ផ្អើល ៖
១. Falcon Supernova iPhone 6 Pink Diamond ៖ វាមានតម្លៃ ៤៨.៥ លានដុល្លារអាមេរិក។ Falcon Supernova គឺជាទូរស័ព្ទ iPhone 6 ដែលត្រូវបានបង្ហាញនៅឆ្នាំ ២០០៤ វាបានធ្វើពីមាស ២៤ ការ៉ាត់ និងបានដាំពេជ្រពណ៌ផ្កាឈូកដ៏ធំមួយគ្រាប់ នៅពីក្រោយទូរស័ព្ទ ។ វាក៏ស្រោបដោយផ្លាទីន និងមានបំពាក់បច្ចេកវិទ្យាការពារការលួចទិន្នន័យ និងរក្សាព័ត៌មានម្ចាស់ឱ្យមានសុវត្ថិភាព វាក៏មានកញ្ចក់សុវត្ថិភាពដែលការពារមិនឱ្យអ្នកផ្សេងនៅក្បែរសំឡឹងមើលមកទូរស័ព្ទយើងបាន ។ ម្ចាស់ទូរស័ព្ទ Pink Diamond Falcon Supernova មានឈ្មោះថា Nita Ambani ជាជនជាតិឥណ្ឌា គាត់ជាភរិយារបស់សេដ្ឋីម្នាក់នៅអាស៊ី ។
២. Stuart Hughes iPhone 4s Elite Gold ៖ មានតម្លៃ ៩.៤ លានដុល្លារអាមេរិក វាជាទូរស័ព្ទធ្វើដោយដៃ ត្រូវបានស្រោបដោយពេជ្រ ប្រាំរយការ៉ាត់ ហើយបន្ទះខាងក្រោយ និងឡូហ្គូរបស់វាធ្វើពីមាស ២៤ ការ៉ាត់ ឡូហ្គូនេះផងដែរក៏មានដាំពេជ្រចំនួន ៥៣ គ្រាប់ផងដែរ ដើម្បីផ្តល់ឱ្យវានូវកត្តាអស្ចារ្យ ហើយប៊ូតុងដើមត្រូវបានផលិតចេញពីពេជ្រកាត់ តែមួយទំហំ ៨.៦ ការ៉ាត់ ។ វាក៏មានដាំដោយត្បូងដ៏មានតម្លៃជាច្រើនទៀតផងដែរ ដូចជា Opals, Star Sunstone, Rutile Quartz, Charoite និង Pietersite ។
៣. Stuart Hughes iPhone 4 Diamond Rose Edition ៖ មានតម្លៃ ៨ លានដុល្លារ ។ ទូរស័ព្ទiPhone 4 Diamond Rose Edition គឺជាទូរស័ព្ទថ្លៃបំផុតទីបីនៅលើពិភពលោក ។ វាជាទូរស័ព្ទមានតែពីរប៉ុណ្ណោះ ដែលត្រូវបានផលិតរហូតមកដល់បច្ចុប្បន្ន ដែលទូរស័ព្ទនីមួយៗ ត្រូវបានរចនាឡើងតាមតម្រូវការរបស់ម្ចាស់វា ។ ទូរស័ព្ទនេះផលិតពីមាសពណ៌ផ្កាឈូករឹង រួមបញ្ជូលការដាំពេជ្រ ៥០០ គ្រាប់ ១០០ ការ៉ាត់ ហើយឡូហ្គូរបស់ Apple ត្រូវបានតុបតែងដោយត្បូងពេជ្រ ៥៣ គ្រាប់ ។
៤. Goldstriker iPhone 3GS Supreme ៖ មានតម្លៃស្មើ ៣.២ លានដុល្លារ ។ ទូរស័ព្ទគឺជាការបង្កើតដ៏ជោគជ័យមួយទៀត ពី Stuart Hughes ហើយធ្វើពីមាស ២៧១ ក្រាមនៃទម្ងន់មាស ២២ ការ៉ាត់ ។ ផ្នែកខាងមុខនៃទូរស័ព្ទ iPhone នេះមានដាំពេជ្រ ១៣៦ គ្រាប់ ហើយឡូហ្គូ Apple នៅខាងក្រោយទូរស័ព្ទ ត្រូវបានបំពាក់ដោយពេជ្រចំនួន ៥៣ គ្រាប់ ។ សម្រាប់ Bottom Home ក៏មានដាំពេជ្រមួយគ្រាប់ផងដែរ ដែលមានទំហំ ៧,១ ការ៉ាត់ ។
៥. iPhone 3G Kings Button ៖ មានតម្លៃស្មើ ២.៥ លានដុល្លារអាមេរិក ទូរស័ព្ទនេះត្រូវបានឌីហ្សាញដោយអ្នករចនាជនជាតិអូទ្រីស មានឈ្មោះថា Peter Alisson ហើយធ្វើពីមាសពណ៌លឿង ពណ៌ស និងពណ៌ផ្កាឈូក ទំហំ ១៨ ការ៉ាត់ ។ បន្ទះមាសពណ៌សដែលរត់ជុំវិញគែមទូរស័ព្ទទាំងមូលត្រូវបានតុបតែងដោយពេជ្រចំនួន ១៣៨ គ្រាប់ ។ លក្ខណៈពិសេស និងសំខាន់បំផុតរបស់ទូរស័ព្ទ iPhone គឺពេជ្រ ៦,៦ ការ៉ាត់ ដែលត្រូវបានប្រើ ដើម្បីជំនួសប៊ូតុងដើមរបស់អាយហ្វូន ។ ទូរស័ព្ទនេះត្រូវបានគេចាត់ទុកថា ជាទូរស័ព្ទដ៏ស្រស់ស្អាតបំផុតមួយ នៅក្នុងទីផ្សារ ហើយមានប្រជាប្រិយភាពយ៉ាងខ្លាំង ពីសំណាក់អ្នកគាំទ្រទូរស័ព្ ទ៕ ប្រភព ៖ wealthygorilla
ចែករំលែកព័តមាននេះ