វីរុស ដែលតា កំពុងរាតត្បាត ចូលក្នុងសហគមន៍យើងហើយ! រកឃើញ ១០៩ករណីទៀត
- ភ្នំពេញ
ភ្នំពេញ៖ ក្រសួងសុខាភិបាល បានប្រកាសនៅយប់ថ្ងៃទី១ ខែសីហា ឆ្នាំ២០២១ នេះ ពីការរកឃើញអ្នកឆ្លងមេរោគកូវីដ ១៩ បំប្លែងថ្មី ប្រភេទ…
ភ្នំពេញ៖ ក្រសួងសុខាភិបាល បានប្រកាសនៅយប់ថ្ងៃទី១ ខែសីហា ឆ្នាំ២០២១ នេះ ពីការរកឃើញអ្នកឆ្លងមេរោគកូវីដ ១៩ បំប្លែងថ្មី ប្រភេទ Delta ចំនួន ១០៩ករណីទៀត នៅថ្ងៃទី៣១ ខែកក្កដា និងថ្ងៃទី១ ខែសីហា ឆ្នាំ២០២១។ ក្នុងនោះ នៅថ្ងៃទី៣១ ខែកក្កដា រកឃើញ ៤៣នាក់ និងថ្ងៃទី១ ខែសីហា រកឃើញ ៦៦នាក់។
តាមសេចក្តីប្រកាស អ្នកឆ្លងកូវីដ១៩ បំប្លែងថ្មី ប្រភេទ Delta រកឃើញនៅថ្ងៃទី៣១ ខែកក្កដា មាននៅមណ្ឌលព្យាបាល សែនសុខ រាជធានីភ្នំពេញ ម្នាក់ ជាពលករមកពីថៃ។ ខេត្តកំពង់ចាម ម្នាក់ ជាពលករ មកពីថៃ។ ខេត្តបន្ទាយមានជ័យ ៤នាក់ ជាពលករ មកពីថៃ។ បាត់ដំបង ៤នាក់ ជាពលករមកពីថៃ។ ឧត្តរមានជ័យ ១៣នាក់ ជាពលករមកពីថៃ ៩នាក់ និងឆ្លងសហគមន៍ ៤នាក់។ ប៉ៃលិន ១៤នាក់ ជាពលករមកពីថៃ។ សៀមរាប ៣នាក់ ជាពលករមកពីថៃ។ ត្បូងឃ្មុំ ម្នាក់ ជាពលករមកពីថៃ។ ព្រៃវែង ២នាក់ ជាពលករមកពីថៃ។
សេចក្តីប្រកាសដដែល បង្ហាញថា នៅថ្ងៃទី១ ខែសីហា រកឃើញអ្នកឆ្លងកូវីដ១៩ បំប្លែងថ្មី ៦៦នាក់ រួមមាន៖ នៅភ្នំពេញ ៤នាក់ លើអ្នកជំងឺមកមន្ទីរពេទ្យកាល់ម៉ែត ខាងរោគស្ត្រី បុគ្គលិកអនាម័យម្នាក់ និងអ្នកជំងឺផ្នែកសង្គ្រោះបន្ទាន់ម្នាក់ នៅមន្ទីរពេទ្យមិត្តភាពខ្មែរ-សូវៀត និងអ្នកដំណើរបរទេសពីប្រទេសម៉ាឡេស៊ី ម្នាក់។ ខេត្តកំពង់ចាម ម្នាក់ ជាអ្នកភូមិស្គន់ ស្រុកជើងព្រៃ។ ឧត្តរមានជ័យ ២១នាក់ ជាពលករមកពីថៃ ១២នាក់ ( អាចមានការប៉ះពាល់ដល់ប្រជាជន ដែលលក់ដូរនៅក្នុងសហគមន៍ ) និងក្នុងនោះ មានឆ្លងបុគ្គលិកសុខាភិបាល ចំនួន ៩នាក់ )។ ខេត្តកំពង់ធំ ម្នាក់ ជាកូនកម្មករលើកជ័រ នៅឧត្តរមានជ័យ ធ្លាប់ប៉ះពាល់ជាមួយពលករមកពីថៃ។ ខេត្តបន្ទាយមានជ័យ ៣នាក់ ជាពលករ មកពីថៃ។ បាត់ដំបង ម្នាក់ ជាពលករមកពីថៃ។ ប៉ៃលិន ១៥នាក់ ជាពលករមកពីថៃ។ សៀមរាប ១៩នាក់ ជាពលករមកពីថៃ។ ខេត្តត្បូងឃ្មុំ ម្នាក់ ជាពលករមកពីថៃ។
ក្រសួងសុខាភិបាល បានប្រកាសថា យោងតាមលទ្ធផលខាងលើ បង្ហាញឲ្យយើងឃើញថា វីរុស ដែលតា២ ( Delta ) បាន និងកំពុងរាតត្បាត ចូលក្នុងសហគមន៍យើងហើយ។
គិតត្រឹមថ្ងៃទី២៥ ខែកក្កដា ឆ្នាំ២០២១ ក្រសួងសុខាភិបាល បានប្រកាសថា នៅកម្ពុជា មានអ្នកឆ្លងកូវីដ១៩ ប្រភេទ ដែលតា ចំនួន ១១៤នាក់។ ដូច្នេះ បើគិតត្រឹមថ្ងៃទី១ ខែសីហា ឆ្នាំ២០២១ នៅទូទាំងប្រទេសកម្ពុជា រកឃើញអ្នកឆ្លងកូវីដ១៩ ប្រភេទ ដែលតា ចំនួន ២២៣នាក់ហើយ៕
ចែករំលែកព័តមាននេះ