បុរសជនជាតិថៃម្នាក់ ធ្លាក់ពីលើអាគារកាស៊ីណូ កំពស់ ១៤ជាន់ ដោយមិនមូលហេតុ
- បន្ទាយមានជ័យ
ខេត្តបន្ទាយមានជ័យ៖ បុរសជនជាតិថៃម្នាក់ ធ្លាក់ពីលើអគារកាស៊ីណូ និងសណ្ឋាគារ សេន ផាលេស កម្ពស់ ១៤ជាន់ មកទើលើអគារ កំពុងសាងសង់ថ្មី…
ខេត្តបន្ទាយមានជ័យ៖ បុរសជនជាតិថៃម្នាក់ ធ្លាក់ពីលើអគារកាស៊ីណូ និងសណ្ឋាគារ សេន ផាលេស កម្ពស់ ១៤ជាន់ មកទើលើអគារ កំពុងសាងសង់ថ្មី ជាន់ទី១ បណ្តាលឲ្យបាត់បង់ជីវិត គួរឲ្យមួយរំពេច។ ហេតុការណ៍គួរឲ្យរន្ធត់នេះ បានកើតឡើង កាលពីវេលាម៉ោង ៩ និង០៥នាទី យប់ថ្ងៃទី៣០ ខែកក្កដា ខែកក្កដា ឆ្នាំ២០២១ ស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
សមត្ថកិច្ចនគរបាល បានឲ្យដឹងថា ជនរងគ្រោះ ជនជាតិថៃ ឈ្មោះ វ៉ារីស ផានថាណាត ស៊ីរីដេឆៃ ភេទប្រុស កើតថ្ងៃទី១៧ ខែកុម្ភៈ ឆ្នាំ១៩៨២ មានទីលំនៅផ្ទះ11/3 ភូមិ៤ ឃុំតាកៀនធៀ ស្រុកបាងឡាមុង ខេត្តឈុនបុរី ប្រទេសថៃ មានអត្តសញ្ញាណប័ណ្ណ លេខ 3100203455570 កាន់កាតក្រុមហ៊ុនកាស៊ីណូ សេន ផាលេស លេខ T-311-04 នៅបន្ទប់លេខ៣១២ ជាន់ទី៣។
ក្រោយពីទទួលបានព័ត៌មាន សមត្ថកិច្ចបានចុះដល់កន្លែងកើតហេតុភ្លាមៗ និងពិនិត្យចំនុចកើតហេតុអគារកាស៊ីណូ សេន ផាលេស ជាន់ទី១៤ ឃើញមានបន្សល់ទុកនូវស្បែកជើងផ្ទាត់ពណ៌ក្រហម ១គូ កាបូបក្រវ៉ាត់ចង្កេះ ពណ៌ប្រផេះមួយ ក្នុងនោះ មាន៖ ១-អត្តសញ្ញាណប័ណ្ណ ១សន្លឹក ២-កាតចេញចូលកាស៊ីណូ ១សន្លឹក ៣-សៀវភៅធនាគារ ២ក្បាល ៤-កាតធនាគារ ២សន្លឹក ៥-ដបទឹកថ្នាំវែបតូច ១ដប ៦-ដុំសាកថ្មទូរស័ព្ទ ១ ដែកកេះ ទឹកអប់ ១ដប ម្សៅលាប ១កំប៉ុង អង្កាំជ័រខ្សែដៃ ២ខ្សែ។
បន្ទាប់មក សមត្ថកិច្ច បានបន្តទៅមើលអគារជាន់ទី១ ដែលកំពុងសាងសង់ គ្មានបន្ទប់ និងជាកន្លែងជនរងគ្រោះ ធ្លាក់មកជាន់ទី១ ដែលកំពុងសាងសង់នោះ ឃើញមានទូរសព្ទ ១គ្រឿង។
ក្រៅពីបានពិនិត្យនៅកន្លែងកើតហេតុរួច សមត្ថកិច្ចបានយកសំណាកសាកសពធ្វើតេស្តអវិជ្ជមានកូវីត១៩ និងធ្វើតេស្តទឹកនោមរកសារធាតុញៀន ឃើញថា អវិជ្ជមាន។ បច្ចប្បន្ន សមត្ថកិច្ច កំពុងបន្តស្រាវជ្រាវ ថាតើជាករណីលោតសម្លាប់ខ្លួន ឬពាក់ព័ន្ធទៅនឹងករណីឃាតកម្ម៕ ណុប រក្សា
ចែករំលែកព័តមាននេះ