ទីបំផុតក៏មានរូបភាព ព្រមទាំងឯកសារស្តីពីវ៉ែនតាអេឡិចត្រូនិករបស់ក្រុមហ៊ុន Google ជំនាន់ថ្មីគឺ «Google Glass Enterprise Edition » ខណៈព័ត៌មានពីឧបករណ៍នេះបានស្ងាត់មួយរយៈធំក្រោយពីក្រុមហ៊ុនបានបញ្ចេញម៉ូដែល
ទីបំផុតក៏មានរូបភាព ព្រមទាំងឯកសារស្តីពីវ៉ែនតាអេឡិចត្រូនិករបស់ក្រុមហ៊ុន Google ជំនាន់ថ្មីគឺ «Google Glass Enterprise Edition » ខណៈព័ត៌មានពីឧបករណ៍នេះបានស្ងាត់មួយរយៈធំក្រោយពីក្រុមហ៊ុនបានបញ្ចេញម៉ូដែល Explorer Edition កាលពីឆ្នាំ២០១៣ ម្តងរួចមកហើយនោះ ។
រូបភាពមួយចំនួនខាងក្រោមនេះ និងគេហទំព័រ FCC បានលេចចេញមុនពេលក្រុមហ៊ុនប្រកាសជាផ្លូវការ ប៉ុន្តែវាអាចជារូបភាពពិត ព្រមទាំងព័ត៌មានជាក់ស្តែងអាស្រ័យតាមការចេញផ្សាយពីកាសែតអាមេរិក Wall Street Journal អះអាងពីលក្ខណៈពិសេសរបស់វ៉ែនតាអេឡិចត្រូនិក Enterprise Edition រួមមាន៖
-Intel Atom Processor ជំនាន់ថ្មី
-ថាមពលថ្មប្រើបានយូរជាងមុន
-បង្កើតការទាក់ទងឥតខ្សែ (Wireless) ជាមួយប្រព័ន្ធ 5GHz Wi-Fi
-សមត្ថភាពកាន់តែទំនើប និងអស្ចារ្យ
ក្រៅពីនេះម៉ូដែលថ្មីនេះមានការរចនារូបរាងថ្មី និងការផ្លាស់ប្តូរគ្រាប់ចុច(Button) រើទៅខាងក្រោយឧបករណ៍ ។ ជាមួយគ្នានេះដែរ វានឹងប្រតិបត្តិការជាមួយកម្មវិធីសម្បូរបែបដើម្បីបំពេញតម្រូវការអតិថិជនប្រើប្រាស់នូវមុខងារ ថ្មីៗមុនពេលនាំចេញទៅពិភពលោកជាទ្រង់ទ្រាយធំ ។ តម្លៃរបស់វាមិនត្រូវបានឱ្យដឹងនោះទេ តែវ៉ែនតា Explorer Edition ជំនាន់មុនមានតម្លៃ ១៥០០ ដុល្លារឯណោះ៕
ចែករំលែកព័តមាននេះ