តារាចម្រៀងអ្នកនាង យក់ ឋិតរដ្ឋា បានសម្តែងក្តីរំភើបហូរទឹកភ្នែក ក្រោយពេលបានឃើញទស្សនិកជនជាច្រើននៅតែបន្តគាំទ្រនូវទឹកដមសម្លងរបស់នាងតាំងពីមុនរហូតមកទល់ឥឡូវ។ តារាចម្រៀងរូបនេះ
រាជធានីភ្នំពេញ ៖ តារាចម្រៀងអ្នកនាង យក់ ឋិតរដ្ឋា បានសម្តែងក្តីរំភើបហូរទឹកភ្នែក ក្រោយពេលបានឃើញទស្សនិកជនជាច្រើននៅតែបន្តគាំទ្រនូវទឹកដមសម្លងរបស់នាងតាំងពីមុនរហូតមកទល់ឥឡូវ។ តារាចម្រៀងរូបនេះ បានសម្តែងចេញនូវអារម្មណ៍រភើបរំជួលចិត្ត ក្រោយពីនាងបានអាននូវការខំមិនរបស់ទស្សនិកជន ដែលបានបញ្ចេញមតិរបស់ខ្លួននៅពីក្រោមបទថ្មីរបស់ នាងដែលមានចំណងជើងថា «ស្រឡាញ់បងជាប់ក្លេ» ។
ជាមួយនឹងការបង្ហាញរាល់ការខំមិនពីការគាំទ្ររបស់ប្រិយមិត្តគាំទ្រ យក់ ឋិតរដ្ឋា បានភ្ជាប់ជាមួយនឹងសារថា អារម្មណ៍ក្នុងចិត្តនៅពេលនេះ ! ហេតុអីបានជារាល់លើកដែលខ្ញុំមើល commet របស់ពួកគាត់ម្តងៗអារម្មណ៍របស់ខ្ញុំចង់ហូរទឹកភ្នែក ហើយអួលដើម.កតែម្នាក់ឯង ហើយក៏មានពេលខ្លះក៏លួចញញឹមតែម្នាក់ឯងដែរ រំភើប ប៉ុន្តែបែរជាចង់យំទៅវិញ និយាយរួមនិយាយអត់ចេញ អរគុណណាស់ ហើយក៏មិនដែលគិតទេថា បងប្អូននៅតែគាំទ្រអ្នកចំរៀងម្នាក់នេះ» ។
ជាការកត់សម្គាល់ អ្នកនាង យក់ ឋិតរដ្ឋា បានចាប់ឈោងភាពល្បីល្បាញបំផុតតាំងពីជាង២០ឆ្នាំមុន ពោលគឺតាំងពីនាងនៅស្ថិតនៅក្នុងក្រុម EV។ ស្ថិតនៅក្នុងក្រុម យក់ ឋិតរដ្ឋា ជាតារាដែលលេចធ្លោជាងគេ ដែលល្បីជាងតារាចម្រៀង ឱក សុគន្ធកញ្ញា ដែលស្ថិតនៅក្នុងក្រុមជាមួយគ្នាកាលពីជំនាន់នោះ។
បទចម្រៀងរបស់នាងជាច្រើនបានទទួលការគាំទ្រពីសំណាក់ទស្សនិកជនតាមរយៈផលិតកម្មរស្មីស្ទឹងសង្កែក និង Kh promotion ជាដើម។ល។ យ៉ាងណា ក្រោយពីនាងសម្រេចចូលរោងការជាមួយតារាប្រុសរួមក្រុម គឺលោក ឃុំ ប៊ុណ្ណាដែត នោះមក ប្រជាប្រិយភាពរបស់នាងបានធ្លាក់ចុះជាលំដាប់ ខណៈពេលដែលនាងស្ទើរតែឃ្លាតឆ្ងាយទាំងស្រុងពីវិស័យសិល្បៈចម្រៀងនេះ។
យក់ ឋិតរដ្ឋា បានវិលមករកវិស័យសិល្បៈចម្រៀងរបស់នាងវិញនៅក្នុងរយៈពេលប៉ុន្មានឆ្នាំចុងក្រោយនេះប៉ុណ្ណោះ ក្រោយពេលដែលបានសាងគ្រួសារ ដែលរហូតមកដល់បច្ចុប្បន្ននាងមានកូនប្រុសស្រីចំនួន៣នាក់រួចហើយ។ ការវិលមកវិញនេះ ដំបូងនាងបានមកជ្រកនៅក្នុងផលិតកម្មហង្សមាស ប៉ុន្តែនៅទ្រនំនេះ មិនបានប៉ុន្មានផង នាងក៏រើបង្វិចមកនៅផលិតកម្មថោនរហូតមកដល់បច្ចុប្បន្ន។ សព្វថ្ងៃ យក់ ឋិតរដ្ឋា បាននិងកំពុងរស់នៅយ៉ាងមានសុភមង្គលក្នុងរង្វង់គ្រួសារ ដោយសារស្វាមីគឺលោក ឃុំ ប៊ុណ្ណាដែត គឺជាអ្នកជំនួញអចលនះទ្រព្យមួយរូបផងដែរ៕
ចែករំលែកព័តមាននេះ