សម្តេចតេជោ ប្រកាសឱ្យចាក់ដូសទី ៣ ឱ្យពលរដ្ឋខ្មែរដោយប្រើអាស្ត្រាហ្ស៊ីនេកា
- ភ្នំពេញ
សម្តេចតេជោ ហ៊ុន សែន បានប្រកាសថា សម្តេចបានសម្រេចឱ្យចាក់ដូសទី៣ ជូនពលរដ្ឋខ្មែរ ដោយប្រើប្រាស់វ៉ាក់សាំង
សម្តេចតេជោ ហ៊ុន សែន បានប្រកាសថា សម្តេចបានសម្រេចឱ្យចាក់ដូសទី៣ ជូនពលរដ្ឋខ្មែរ ដោយប្រើប្រាស់វ៉ាក់សាំង
រាជធានីភ្នំពេញ ៖ សម្តេចតេជោ ហ៊ុន សែន បានប្រកាសថា សម្តេចបានសម្រេចឱ្យចាក់ដូសទី៣ ជូនពលរដ្ឋខ្មែរ ដោយប្រើប្រាស់វ៉ាក់សាំង «អាស្ត្រាហ្ស៊ីនេកា» សម្រាប់អ្នកដែលបានចាក់វ៉ាក់សាំង២ដូសដំបូង ជាមួយវ៉ាក់សាំងចាក់ស៊ីណូហ្វាម និងស៊ីណូវ៉ាក់ ។
សម្តេចបានប្រកាសថា សម្តេចក៏បានបញ្ជាទៅលោក លោក វង្សី វិស្សុត មន្ត្រីជាន់ខ្ពស់របស់ក្រសួងសេដ្ឋកិច្ច និងហិរញ្ញវត្ថុ ដើម្បីទិញវ៉ាក់សាំង «អាស្ត្រាហ្ស៊ីនេកា» តាមរយៈកូវ៉ាក់ ឬ ទិញផ្ទាល់ទៅក្រុមហ៊ុន ដើម្បីយកមកចាក់ជូនពលរដ្ឋ ជួយដល់ការបង្កើតនូវអង្គបដិបក្សឱ្យកាន់តែខ្លាំង ។
ថ្លែងក្នុងសន្និសីទកាសែត បន្ទាប់ពីបើកយុទ្ធនាការចាក់វ៉ាក់សាំងដល់កុមារ និងយុវវ័យ អាយុចាប់ពី ១២ឆ្នាំ ដល់អាយុក្រោម ១៨ឆ្នាំ នាព្រឹកថ្ងៃទី១ ខែសីហា ឆ្នាំ២០២១ នៅវិមានសន្តិភាព សម្តេចតេជោ ប្រសាសន៍បញ្ជាក់ថា ដូសទី៣ ឬហៅថាដូសជំរុញ គឺត្រូវផ្តល់អាទិភាពលើអ្នកខេត្តនៅព្រំដែន ខ្សែត្រៀមជួរមុខ ដែលមានប្រមាណពី ៥០ម៉ឺននាក់ ទៅ ១លាននាក់៕។ ដូច្នេះវ៉ាក់សាំងអាស្ត្រាហ្ស៊ីនេកា ( AstraZeneca) នឹងចាក់ជូន អ្នក ដែលបានចាក់វ៉ាក់សាំងដូសទី១ និងដូសទី២ ជាប្រភេទវ៉ាក់សាំងចិន ស៊ីណូវ៉ាក់ និងស៊ីណូហ្វាម ។
បន្ថែមពីលើនេះ សម្តេចតេជោ បន្តថា ចំពោះអ្នកចាក់វ៉ាក់សាំង AstraZeneca នឹងត្រូវសិក្សា ថាតើត្រូវចាក់វ៉ាក់សាំងអ្វី នៅដូសទី៣? តែសម្រាប់រូបសម្តេចផ្ទាល់ សម្តេចថាលោកអាចនឹងចាក់វ៉ាក់សាំងរបស់ចិន សម្រាប់ដូសទី ៣ ។
សម្តេចតេជោ ក៏បានមានប្រសាសន៍បញ្ជាក់ថា កម្ពុជា នឹងមានវ៉ាក់សាំងសរុបទាំងអស់ ទាំងជំនួយ និងទិញ គឺមានចំនួន ២៦លានកន្លះ នាពេលខាងមុខនេះ ក្នុងនោះវ៉ាកសាំងបង្ការកូវីដ-១៩ មកពីប្រទេសចិនមានចំនួនច្រើនជាងគេ។
សម្តេចតេជោ បានបញ្ជាក់ថា «ឱ្យតែចិនថា លក់វ៉ាក់សាំង គឺកម្ពុជាទិញភ្លាម មានប៉ុន្មានទិញប៉ុណ្ណឹង អញ្ចឹង ក្រៅពីជំនួយរបស់ចិន គឺចិនបានផ្តល់ជំនួយ ៣លាន ២សែនដូស។ នេះជាជំនួយឥតសំណង ក្រៅពីនេះទិញពីចិន ២០លានដូសកន្លះ។ ពេលនេះ មានវ៉ាក់សាំង និង កំពុងដំណើរការចាក់ ១៩លានដូស ទាំងព្រឹកនឹងចុះមកពីចិន ១លានដូសទៀត ហើយគ្រោងមកដល់ខែ សីហាខាងមុខនេះ ទាំងជំនួយផង ទាំងការទិញផង នឹងមានជាង ៩លានទៀត សុរបទាំងអស់ជំនួយ និង ទិញ ជាង ២៦លានកន្លះ»៕
ចែករំលែកព័តមាននេះ