រាជធានីភ្នំពេញ ៖ គ្រឹះស្ថានមីក្រូហិរញ្ញវត្ថុអម្រឹតនៅព្រឹកថ្ងៃទី២៨ ធ្នូ បានរៀបចំពិធីប្រគល់រង្វាន់ម៉ូតូ ទូរទស្សន៍ និងកង្ហារដល់អតិថិជនដែលប្រើប្រាស់គណនីរីករាយ ។ ពិធីនេះប្រារព្ធធ្វើឡើងនៅទីស្នាក់ការកណ្តាល
រាជធានីភ្នំពេញ ៖ គ្រឹះស្ថានមីក្រូហិរញ្ញវត្ថុអម្រឹតនៅព្រឹកថ្ងៃទី២៨ ធ្នូ បានរៀបចំពិធីប្រគល់រង្វាន់ម៉ូតូ ទូរទស្សន៍ និងកង្ហារដល់អតិថិជនដែលប្រើប្រាស់គណនីរីករាយ ។ ពិធីនេះប្រារព្ធធ្វើឡើងនៅទីស្នាក់ការកណ្តាលរបស់គ្រឹះស្ថានមីក្រូហិរញ្ញវត្ថុអម្រឹត និងមានការអញ្ជើញចូលរួមជាកិត្តិយសពីលោកផង់ ប៉ូលីណា នាយកសាខារាជធានីភ្នំពេញនៃគ្រឹះស្ថានមីក្រូហិរញ្ញវត្ថុអម្រឹត ។
លោកផង់ ប៉ូលីណា នាយកសាខារាជធានីភ្នំពេញ នៃគ្រឹះស្ថានមីក្រូហិរញ្ញវត្ថុអម្រឹតមានប្រសាសន៍ថា៖«ថ្ងៃនេះតាងនាមឲ្យថ្នាក់ដឹកនាំនៃគ្រឹះស្ថានមីក្រូហិរញ្ញវត្ថុអម្រឹត ក៏ដូចជាបុគ្គលិកអម្រឹតទាំងអស់ ខ្ញុំសូមសំដែងនូវការអបអរសាទរដល់អតិថិជនរបស់អម្រឹតដែលបានបើក និងប្រើប្រាស់គណនីរីករាយនៅអម្រឹត។ អម្រឹតជាគ្រឹះស្ថានមីក្រូហិរញ្ញវត្ថុឈានមុខគេនៅកម្ពុជា បានបង្កើតឡើងនៅឆ្នាំ១៩៩១ គិតមកដល់បច្ចុប្បន្នមានបទពិសោធន៍ផ្នែកហិរញ្ញវត្ថុជាង២៤ឆ្នាំ ។ អម្រឹតតែងតែយកចិត្តទុកដាក់បម្រើអតិថិជនតាមរយៈការផ្តល់នូវផលិតផល និងសេវាកម្មហិរញ្ញវត្ថុច្រើនប្រភេទទៅតាមតម្រូវការរបស់អតិថិជន» ។
លោកបញ្ជាក់ថា នៅឆ្នាំ២០១៥នេះអម្រឹតបានក្លាយជាសមាជិករបស់Advans Group ដែលមានស្នាក់ការនៅក្នុងប្រទេសលុចសំបួ។ ម្ចាស់ភាគហ៊ុនរបស់អម្រឹតជាច្រើនគឺជាជនបរទេសស្ថិតនៅក្រៅប្រទេសក្នុងនោះមាន Advans Group, IFC, FMO, LFP & Botta។ ដោយឡែក សាខាក្រុងភ្នំពេញបង្កើតឡើងនៅចុងឆ្នាំ២០០៧ រហូតមកដល់សព្វថ្ងៃមានសាខាទាំងអស់ចំនួន១១សាខា ដែលមានប្រាក់សន្សំចំនួន៨៧លានដុល្លារ គណនីសន្សំ២៨.៤៣៤គណនី ប្រាក់កម្ចីនៅលើដៃអតិថិជនចំនួន២៨លានដុល្លារ និងមានអតិថិជនចំនួន៤.២៥៥នាក់។ នៅឆ្នាំ២០១៦នេះសាខាភ្នំពេញនឹងពង្រីករហូតដល់១៨សាខា ដើម្បីងាយស្រួលក្នុងការបម្រើសេវាកម្មជូនអតិថិជនឲ្យបានកាន់តែល្អថែមទៀត» ៕
ចែករំលែកព័តមាននេះ