កិច្ចខិតខំប្រឹងប្រែងរបស់អ្នកវិទ្យាសាស្ត្ររុស្ស៊ីពីរបីនាក់បានបង្កើតយន្តហោះ Drone ដំបូងគេបញ្ជាដោយខួរក្បាលមនុស្ស ។ អ្នកគ្រប់គ្នានឹងអាចប្រើប្រាស់សមត្ថភាពខួរក្បាលបញ្ជាលើវត្ថុដែលធ្លាប់តែឃើញក្នុងខ្សែភាពយន្តវិទ្យាសាស្ត្រហូលីវូដប៉ុណ្ណោះ ។
ពួកគេបានបង្កើតយន្តហោះ Drone ពិសេសម្យ៉ាងដែលពុំចាំបាច់ប្រាស់ឧបករណ៍ដៃបញទេ តែជំនួសមកវិញនូវការបញ្ជារបស់ខួរក្បាលទៅវិញ ។ អ្នកប្រើប្រាស់ទាំងអស់ត្រូវពាក់មួកពិសេសភ្ជាប់ដោយបច្ចេកវិទ្យាអានការគិតរបស់មនុស្ស ហើយនឹងបញ្ជូនទៅកាន់ម៉ាស៊ីនយន្តហោះដោយប្រាប់ពីការហោះហើរក្នុងរយៈកម្ពស់ខ្ពស់ ឬទាប នឹងហោះបានឆ្ងាយប៉ុនណា ។
គម្រោងនេះផ្តល់ហិរញ្ញវត្ថុដោយមូលនិធិសម្រាប់ការស្រាវជ្រាវកម្រិតខ្ពស់របស់រុស្ស៊ីដែលជាអង្គការគាំទ្រដល់កម្មវិធីស្រាវជ្រាវក្នុងការការពារជាតិ ។ Neurobotics ដែលមានមូលដ្ឋាននៅក្រុង Zelenograd ប្រទេសរុស្ស៊ីបានរចនាយន្តហោះអស់រយៈពេលច្រើនឆ្នាំមុនពេលផលិតបានគំរូយន្តហោះដោយជោគជ័យ ។ ពួកគេបានហៅវាថា«Command» or «Condition» ប្រែថា បញ្ជា ឬល័ក្ខខ័ណ្ឌ ។ វាត្រូវបានបង្កើតដោយបន្ទះ Sensor នៅលើក្បាលនៃប្រតិបត្តិករ ។
នាយកក្រុមហ៊ុន Neurobotics លោក វ្ល៉ាដីមៀរ កូនីស្សេវ ពន្យល់ថា មនុស្សដែលគិតពីសកម្មភាពជាក់ស្តែង នោះប្រព័ន្ធនឹងស្គាល់ ព្រមទាំងកត់ចំណាំផងដែរ ។ លក្ខណៈពិសេសមួយក្នុងចំណោមលក្ខណៈពិសេសដទៃទៀតរបស់បច្ចេកវិទ្យានេះ គឺវាអនុញ្ញាតឱ្យអ្នកប្រើប្រាស់ទាំងអស់ធ្វើសកម្មភាពច្រើន ។ វាមានសារសំខាន់ដែលអ្នកពាក់ឧបករណ៍បញ្ជាលើក្បាលត្រួតពិនិត្យយន្តហោះ Drone អាចធ្វើសកម្មភាពផ្សេងទៀតក្នុងពេលជាមួយគ្នា ៕
ចែករំលែកព័តមាននេះ