គេហទំព័រដេលី ញូវផ្សាយកាលពីពេល ថ្មីៗកន្លងមកថា ផលិតកម្មអាមេរិក Vivid Entertainment បានផ្តល់ឱ្យបវរកញ្ញាកូឡុំប៊ីនូវប្រាក់ ១លានដុល្លារដើម្បីថតរឿងអាសអាភាសដោយប្រាប់នាង Ariadna Gutierrez ថា នាងអាចនឹងទទួលបទពិសោធន៍ហិរញ្ញវត្ថុ ហើយក៏អាចស្តារកិត្តិយសមកវិញដែរ បន្ទាប់ពីរងការអាម៉ាស់មុខយ៉ាងខ្លាំងក្នុងព្រឹតិ្តការណ៍បវរកញ្ញាចក្កវាឡ ២០១៥ កាលពីថ្ងៃទី២០ ធ្នូ២០១៥ដោយសារការប្រកាសច្រឡំរបស់ពិធីករ Steve Harvey ។
ស្ថាបនិកផលិតកម្ម Vivid Entertainment លោក Steve Hirsch វ័យ៥៤ឆ្នាំនិយាយថា «នាងអាចមានឱកាសសម្តែងរឿង និងក្លាយជាតារាអាសអាភាសល្បីលំដាប់ហូលីវូដ» ។
ក្នុងសំបុត្ររបស់លោក Steve Hirsch បានផ្ញើជូនការិយាល័យរបស់បវរកញ្ញាចក្កវាឡ លោក Steve HirsCh បានប្រដូចនាង Gutierrez ទៅនឹងបវរកញ្ញាអាមេរិកឆ្នាំ ១៩៨៤គឺនាង Vanessa Williams ដែលជួបរឿងដូចគ្នានៅក្នុងព្រឹតិ្តការណ៍បវរកញ្ញា ពោលគឺនាងត្រូវបានដកហូតមកុដចេញពីក្បាលក្រោយពីរូបអាក្រាតរបស់នាងបានបែកធ្លាយជាសាធារណៈ។ ចាងហ្វាងផលិតកម្មដែលធ្លាប់ធ្វើឱ្យនាង គីម កាដាសៀន ល្បីឈ្មោះតាមរយៈវីដេអូអាសអាភាសរូបនេះបន្ថែមថា បច្ចុប្បន្ននេះនាង Vanessa គឺជាតារាសម្តែង ចម្រៀង អ្នកនិពន្ធប្រកដដោយទេពកោសល្យខ្ពស់ ។ នាង Vanessa បាននិយាយថា ហេតុការណ៍ជួយនាងឱ្យសម្រេចបានការងារក្នុងជីវិតជាជាងការឈឺចាប់ ។ ចំណែកតារាម៉ូដែលអាមេរិកពីររូបគឺនាង Kendra Wikinson និងនាង Pamela Anderson ក៏បានទទួលអត្ថប្រយោជន៍ពីការថតរឿងអាសអាភាសដែរ ។
លោកSteve Hirseb បានបញ្ចុះបញ្ចូលនាង Gutierrez ថា «ប្រាក់១លានដុល្លារផ្តល់ឱ្យនាងនូវការជ្រើសរើសយកដៃគូរបស់នាងក្នុងឆាកជីវិត ឬក៏ដៃគូក្នុងខ្សែភាពយន្ត ។ ក្រោយពេលរឿងបានថតចប់ច្បាស់ជាមានបុរសណាម្នាក់ចាប់អារម្មណ៍លើនាងមិនខាន ។ បើសិនជាការផ្តល់ជូននេះមិនគ្រប់គ្រាន់ក្រុមហ៊ុនធានាថា នឹងធ្វើឱ្យនាងទទួលបានលើសពីអ្វីដែលបវរកញ្ញាហ្វ៊ីលីពីនទទួលបានមកុដទៅទៀត» ។
ទោះជាមានការផ្ញើសំបុត្រលក្ខណៈស្របច្បាប់ និងមានការបញ្ចុះបញ្ចូលអត្ថន័យក្នុងសំបុត្រយ៉ាងណាក៏ដោយ នាង Gutierrez មិនទាន់ឆ្លើយតបទៅនឹងសំណើរបស់ចាងហ្វាងផលិតកម្មនោះនៅឡើយទេ ៕
ចែករំលែកព័តមាននេះ