រាជធានីភ្នំពេញ ៖ បុរសម្នាក់បានស្លាប់ភ្លាមៗនៅនឹងកន្លែង បន្ទាប់ពីព្យាយាមបើកម៉ូតូសណ្តោងរ៉ឺម៉កវ៉ារ៉ឺម៉កម៉ូតូជ្រុលចូលម្ខាងផ្លូវត្រូវរថយន្តកូរូឡាមកដល់បុកប៉ើងបណ្តាលឱ្យស្លាប់ ដែលតាមទំនងគឺប្រញាប់វ៉ាពេក វ៉ាមិនផុត។
ហេតុការណ៍គ្រោះថ្នាក់ចរាចរណ៍នេះបានកើតឡើង កាលពីវេលាម៉ោង១០ និង៤០នាទីយប់ ថ្ងៃទី២៨ ធ្នូ ២០១៥ នៅលើមហាវិថីសហព័ន្ធរុស្សី មុខភោជនីដ្ឋាន សាម តូ ស្ថិតក្នុងភូមិក្បាលដំរី សង្កាត់កាកាប ខណ្ឌពោធិសែនជ័យ ។
តាមប្រភពពីសាច់ញាតិជនរងគ្រោះបានប្រាប់ឱ្យដឹងថា ជនរងគ្រោះមានឈ្មោះ ប៊ុន ថៃ អាយុ២៥ឆ្នាំ មុខរបរដឹកអីវ៉ាន់ មានទីលំនៅភូមិល្វា ឃុំអង្គពពេល ស្រុកគងពីសី ខេត្តកំពង់ស្ពឺ ចំណែកអ្នកបើកបររថយន្តកូរ៉ូឡាបានរត់គេចខ្លួនបាត់បន្សល់ទុកឪពុក ម្តាយ និងប្អូនស្រីនៅកន្លែងកើតហេតុ ៕
ចែករំលែកព័តមាននេះ