រាជធានីភ្នំពេញ ៖ បន្ទាប់ពីការប្រកាសលក់ខុនដូ D’seaview របស់ Camhomesនៅពេលថ្មីនេះៗ ទទួលបានការគាំទ្រ និងចាប់អារម្មណ៍មានច្រើនពីអតិថិជនផ្នែកទៅលើគម្រោងនេះមានលក្ខណៈពិសេសជាផ្តល់ជូនអតិថិជន។
លោកគួច លេងឃាង អ្នកយុទ្ធសាស្ត្រផ្នែកទីផ្សារ និងទំនាក់ទំនងសាធារណៈនៃក្រុមហ៊ុន Public Housing Development (Cambodia) Ltd មានប្រសាន៍ថា «មានអតិថិជនជិត១.០០០នាក់ បានមកចាប់អារម្មណ៍ចុះឈ្មោះបំពេញសំណុំឯកសារ ដើម្បីទិញខុនដូ D’seaview បន្ទាប់ពីក្រុមហ៊ុនប្រកាសបើកលក់កាលពីពេលថ្មីនេះៗ»។ ប្រជាជនកម្ពុជាដែលមកកក់ខុនដូ D’seaview នៅមុនពេលថ្ងៃទី31 ធ្នូ2015 នឹងទទួលបានតម្លៃពិសេស ដោយចំណាយត្រឹមតែ 50ភាគរយដំបូង នៃតម្លៃខុនដូសរុប គឺអាចក្លាយ ជាម្ចាស់បាន។ លោកថា ខុនដូនេះមានតម្លៃចាប់ពី៣៣.០០០ដុល្លារឡើងទៅជាមួយនិងការផ្តល់ជូនពិសេស។
ទាក់ទងនឹងការផ្តល់ជូនលក្ខណៈពិសេសបើតាមលោក គួច លេងឃាងបញ្ជាក់ថា «យើងនឹងមិនផ្តលជូនតម្លៃពិសេសបែបនេះ បន្ទាប់ពីបំណាច់ឆ្នាំនេះតទៅ»។ខុនដូD’seaview មានទីតាំងក្នុងខេត្តព្រះសីហនុ ដែលជាតំបន់ឆ្នេរសមុទ្រ មានកំពង់ផែ ទឹកជ្រៅ តំបន់សេដ្ឋកិច្ចពិសេស និងព្រលានយន្តហោះអន្តរជាតិ។ នៅក្នុងរយៈពេល៨ខែ ដំបូងនៃឆ្នាំ ២០១៥ ព្រលានយន្តហោះនេះទទួលបានអ្នកដំណើរជាង6ម៉ឺននាក់ដែលជាសញ្ញា នៃភាពរីកចម្រើនគួរឲ្យកត់សម្គាល់នៃខេត្តមួយនេះ។
D’Seaview គឺជាគម្រោងខុនដូដ៏ប្រណីត ដែលមានទីតាំងនៅជិតឆ្នេរសុខាដ៏មានប្រជាប្រិយភាព ហើយគ្រប់ដណ្តប់លើផ្ទៃដី៩៨១៨ម៉ែត្រការ៉េ ព្រមទាំងមានខុនដូសម្រាប់ស្នាក់ នៅចំនួន ៧៣៥ ដោយក្នុងចំណោមនោះខុនដូដែលមានបន្ទប់គេងមួយមានចំនួន២៥០ ខុនដូដែល មានបន្ទប់គេងពីរមានចំនួន២៩៩ ខុនដូមានបន្ទប់គេងបី មានចំនួន១៨៤ និងខុនដូជាលក្ខណៈគ្រួសារមានចំនួន២។ នៅទីនេះក៏មាននូវបរិក្ខារទំនើបជាច្រើនបន្ថែមទៀតដូចជា អាងហែលទឹកកន្លែងហាត់ប្រាណ និងសូណា សាលជប់លៀង ក៏ដូចជាកន្លែងក្មេងលេង ជាដើម។
បើតាមអគ្គលេខាធិការគណៈកម្មការស្ថាបត្យករម្មកម្ពុជា លោក ភឿង សុភ័ណ្ឌ មានប្រសាសន៍ថ្មីនេះៗនៅសណ្ឋាសូហ្វីតែលភ្នំពេញភូគីត្រាថា «ទុនវិនិយោគក្នុងវិស័យសំណង់ក្នុងរយៈប៉ុន្មានឆ្នាំចុងក្រោយ គឺចាប់ពីឆ្នាំ២០១១ ដល់ដំណាច់ឆ្នាំ២០១៤ មានជាមធ្យមជិត២,២០០លានដុល្លារក្នុងមួយឆ្នាំ ដែលនៅឆ្នាំ២០១១ មានទុនវិនិយោគជាង១.២២៦លានដុល្លារ ឆ្នាំ២០១២ មានទុនជាង២.១០៩លានដុល្លារ ឆ្នាំ២០១៣មានជាង២.៧៧៣លានដុល្លារ និងឆ្នាំ២០១៤ មានជាង២.៥០៧លានដុល្លារ។ តាមទិន្នន័យដែលក្រសួងរៀបចំដែនដីនគរូបនីយកម្ម និងសំណង់ស្រង់បានគិតមកដល់ដំណាច់ខែវិច្ឆិកា ឆ្នាំ២០១៥ នេះ ទុនវិនិយោគលើវិស័យសំណង់នៅទូទាំងប្រទេសមានប្រមាណ២.៩៣៦លានដុល្លារ ហើយបើធៀបនឹងពេលដូចគ្នាកាលពីឆ្នាំ២០១៤ មានការកើនឡើងចំនួន២៧% ។ សន្ទុះនៃការរីកចម្រើនលើវិស័យសំណង់ដូចបានលើកឡើងនេះ សេចក្តីត្រូវការបច្ចេកទេស និងបច្ចេកវិទ្យាថ្មីៗ រួមទាំងការតុបតែងក្នុងអគារជាកត្តាចាំបាច់ ដើម្បីធ្វើឲ្យកាន់តែប្រសើឡើងនូវផលិតភាពនិងគុណភាពនៃសំណង់ឆ្លើយតបទៅនឹងស្តង់ដារតំបន់និងអន្តរជាតិ»៕
ចែករំលែកព័តមាននេះ