រាជធានីភ្នំពេញ ៖ នាពេលបច្ចុប្បន្ននេះទូរស័ព្ទអាចប្រើប្រាស់បានកាន់តែច្រើនយ៉ាង ដូច្នេះហើយអ្នកចាំបាច់ត្រូវតែថែរក្សាវាឲ្យបានល្អបំផុត ។ វាមិនត្រឹមតែមានន័យថាការការពារថ្មឲ្យប្រើបានយូរប៉ុណ្ណោះទេ តែក៏មានន័យថា អ្នកត្រូវរៀបចំការទុកដាក់ឯកសារ និង RAM ព្រមទាំងត្រូវរក្សាទុកអ្វីគ្រប់យ៉ាងឲ្យបានល្អ និងមានសុវត្ថិភាព ។
នៅដើមឆ្នាំនេះ ក្រុមហ៊ុនសាំស៊ុងបានណែនាំ The Smart Manager ដែលអាចជួយអ្នកប្រើប្រាស់ស្កែន(scan)និងបង្កើនប្រសិទ្ធភាពស្មាតហ្វូនរបស់ពួកគេក្នុងពេលតែមួយ ។ វាត្រូវបានដាក់ឲ្យដំណើរការតាំងពីថ្ងៃសម្ពោធទូរស័ព្ទសាំសុ៊ង Galaxy S6 និង Galaxy S6 edgeមកម្ល៉េះ ហើយវាត្រូវបានធ្វើឱ្យកាន់តែល្អប្រសើរឡើងជាលំដាប់ ។ ទូរស័ព្ទសាំស៊ុង Galaxy S6 edge+ និង Note5 មានរួចជាស្រេចនូវកម្មវិធីជួយរក្សាថ្មទូរស័ព្ទក៏ដូចជា appoptimization និងកម្មវិធីសុវត្ថិភាពជាច្រើន ។
កម្មវិធី Smart Manager ផ្តោតសំខាន់លើ៖ ថាមពលថ្ម ផ្ទុកឯកសារ RAM និងប្រព័ន្ធសុវត្ថិភាព ។
ការរក្សាថ្មទូរស័ព្ទឲ្យប្រើប្រាស់បានយូរ
អ្នកប្រើប្រាស់ទូរស័ព្ទទំនើបមួយចំនួនមិនបានដឹងថា គេអាចលុបកម្មវិធីដែលមិនសូវប្រើឬមិនដែលប្រើពីទូរស័ព្ទដៃនោះទេ ។ នៅពេលខ្លះកម្មវិធីទាំងនោះដំណើរការហើយប្រើថាមពលថ្មអស់ជាច្រើន ។ អ្នកអាចប្រើ Smart Manager ដើម្បីការពារការខ្ជះខ្ជាយថាមពលថ្មទូរស័ព្ទតាមរយៈ « App Optimization »។
អ្នកអាចជ្រើសរើសយក «Always Optimizing », «Automatically Optimizing» ឬក៏ «Disable For » ។ «Always Optimizing» បញ្ឈប់កម្មវិធីមិនឲ្យប្រើប្រាស់ថាមពលថ្មតែម្តង ។ ប្រសិនបើអ្នកជ្រើសរើស « Automatically Optimizing » កម្មវិធីនឹងឈប់ប្រើថាមពលថ្មរយៈពេល៣ថ្ងៃបន្ទាប់ពីប្រើរួច។ នៅពេលដែលអ្នកជ្រើសរើសយក «Disable For » អ្នកនឹងលែងទទួលសាររំលឹកពីកម្មវិធីនោះទៀតហើយ ។
លើអេក្រង់ក៏បង្ហាញពីភាគរយនៃថាមពលថ្មដែលមាន ព្រមទាំងរយៈពេលដែលវាអាចប្រើបានបន្តទៀត ។ ដោយការជ្រើសរើសយក Battery Usage អ្នកអាចមើលថាតើមានកម្មវិធីអ្វីខ្លះដែលបានដំណើរការ បន្ទាប់ពីអ្នកបញ្ចូលថ្មពេញ។ Power Saving Mode និង Ultra Power Saving Mode ក៏បង្ហាញឱ្យឃើញពីរយៈពេលថាមពលថ្មអាចប្រើប្រាស់បានសម្រាប់អ្នកដែលចង់សន្សំថាមពលថ្ម ។ ដើម្បីមើលពីការប្រើប្រាស់ថ្មរបស់កម្មវិធីនីមួយៗ សូមជ្រើសយកព័ត៌មានលម្អិត ។
ការសម្អាត
ដើម្បីបង្កើនទំហំសម្រាប់ផ្ទុកឯកសាររបស់អ្នក កម្មវិធី Smart Manager នឹងស្កែនដោយស្វ័យប្រវត្តិ ហើយលុបទិន្នន័យដែលមិនចាំបាច់មួយចំនួន ។ អ្នកអាចបើកកម្មវិធី Smart Manager ហើយជ្រើសរើសយក Storage ដើម្បីមើលថាតើទំហំកន្លែងផ្ទុកឯកសាររបស់អ្នកប្រើអស់ប៉ុណ្ណាហើយ ។ ប៊ូតុងព័ត៌មានលម្អិតនៅខាងលើបំផុតនៃអេក្រង់បង្ហាញព័ត៌មានបន្ថែមអំពីទំហំសរុបដែលអាចនៅប្រើប្រាស់បាន ប្រព័ន្ធអង្គចងចាំ ទំហំដែលបានប្រើទិន្នន័យសម្ងាត់ និងឯកសារផ្សេងៗនៃទូរស័ព្ទរបស់អ្នក ។
អ្នកក៏អាចលុបទិន្នន័យនៅលើទូរស័ព្ទដោយខ្លួនឯង ។ អ្នកប្រើប្រាស់ក៏អាចពិនិត្យការផ្ទុកឯកសារដោយជ្រើសរើសយក « User Data» នៅក្នុងបញ្ជីផ្ទុក (Storage Manu) ។ វាអាចបង្ហាញពីទំហំប្រភេទនៃឯកសារនីមួយៗដែលកំពុងតែប្រើប្រាស់ ។ ប្រសិនបើអ្នកជ្រើសយកពាក្យ Application អ្នកអាចមើលឃើញថា កម្មវិធីមួយណាដែលបានប្រើញឹកញាប់ ហើយលុបចោលកម្មវិធីណាដែលអ្នកមិនសូវប្រើប្រាស់ ។
RAM RAMជាកន្លែងដែលត្រូវបានរក្សាទុកឯកសារបណ្តោះអាសន្ននៅពេលដែលទូរស័ព្ទរបស់អ្នកដំណើរការកម្មវិធី។ ការសម្អាត RAM របស់អ្នកនឹងជួយឲ្យអ្នកមានកន្លែងផ្ទុកច្រើន និងដំណើរការបានលឿនជាងមុន ។
នៅអេក្រង់របស់ទូរស័ព្ទក៏មានបង្ហាញចំនួនភាគរយនៃ RAM ដែលបានប្រើប្រាស់ កម្មវិធីកំពុងដំណើរការ និងទំហំ RAM ដែលកំពុងប្រើប្រាស់ ។ អ្នកក៏អាចមើលថាតើមានកម្មវិធីប៉ុន្មានដែលកំពុងតែដំណើរការនៅលើ RAM ដែលជួយអ្នកក្នុងការជ្រើសរើសថាតើកម្មវិធីណាដែលគួរតែបិទ ។ មិនតែប៉ុណ្ណោះ អ្នកក៏អាចជ្រើសរើសយកពាក្យ « End All » ដើម្បីបិទកម្មវិធីទាំងអស់ ។
ការពារខ្លួនរបស់អ្នក
ពេលខ្លះអ្នកប្រើទូរស័ព្ទអាចនឹងដំឡើងកម្មវិធី ឬក៏មេរោគចូលទូរស័ព្ទដោយមិនដឹងខ្លួន ហើយវាអាចនាំឱ្យបាត់បង់ព័ត៌មានផ្ទាល់ខ្លួនឬខូចទូរស័ព្ទ ។ នៅក្នុងករណីធ្ងន់ធ្ងរ វាអាចធ្វើឱ្យទូរស័ព្ទដំណើរការយឺតឬឆាប់អស់ថាមពលថ្ម ។
កម្មវិធី Smart Manager ស្កែនដោយស្វ័យប្រវត្តិដើម្បីពិនិត្យមើលមេរោគ កម្មវិធីដែលសុីថ្មខ្លាំងពេក កម្មវិធីដែលធ្វើឲ្យ error ខុសពីធម្មតា ព្រមទាំងដោះស្រាយរាល់បញ្ហាដែលកើតមាន ។ អ្នកប្រើប្រាស់ក៏អាចធានា បាននូវសុវត្ថិភាពដោយលុប ឬបិទកម្មវិធីដែលអ្នកមិនចង់បាន ។ ទូរស័ព្ទសាំសុ៊ងដែលមាន Smart Manager ផ្តល់នូវដំណោះស្រាយដោយប្រឆាំងនឹងមេរោគតាមរយៈការសហការជាមួយក្រុមហ៊ុន Intel Security ។
ការគ្រប់គ្រង
ជាមួយនឹងកម្មវិធី Smart Manager អ្នកប្រើប្រាស់ទូរស័ព្ទទំនើបសាំសុ៊ង Galaxy អាចមានទំនុកចិត្តថា ទូរស័ព្ទរបស់ពួកគេមានសុវត្ថិភាព និងមានដំណើរការល្អ ។ ឥឡូវនេះកម្មវិធី Smart Manager អាចប្រើប្រាស់បានសម្រាប់ទូរស័ព្ទ S6, S6 edge, S6 edge+, S5, S4, Note5, Note4 និង Note3 ជាដើម ៕
ចែករំលែកព័តមាននេះ