ផ្សារលើ ខេត្តកំពង់ឆ្នាំង បើកដំណើរការឡើងវិញហើយ ក្រោយបិទអស់២០ថ្ងៃ
- កំពង់ឆ្នាំង
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំងបានសម្រេចអនុញ្ញាតបើកឲ្យដំណើរការឡើងវិញផ្សាលើ ក្រុងកំពង់ឆ្នាំង ដែល
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំងបានសម្រេចអនុញ្ញាតបើកឲ្យដំណើរការឡើងវិញផ្សាលើ ក្រុងកំពង់ឆ្នាំង ដែល
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំងបានសម្រេចអនុញ្ញាតបើកឲ្យដំណើរការឡើងវិញផ្សាលើ ក្រុងកំពង់ឆ្នាំង ដែលមានទីតាំងភូមិសាស្ត្រក្នុងភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង បន្ទាប់ពីបានបិទអស់រយៈពេល 20 ថ្ងៃដោយសារតែមានអាជីវករឆ្លងកូវីដ-19 ។
ក្នុងសេចក្តីជូនដំណឹងរបស់រដ្ឋបាលសាលាខេត្តបានបញ្ជាក់ដែរថា ផ្សាលើក្រុងកំពង់ឆ្នាំង ចាប់បើកឲ្យដំណើរការឡើងវិញចាប់ពីថ្ងៃទី ៣០ ខែកក្កដា នេះតទៅ ។ ជាមួយគ្នានេះដែរ រដ្ឋបាលសាលាខេត្តបានអំពាវនាវដល់អាជីវករជាម្ចាស់តូបលក់ដូរទាំងអស់ ត្រូវបន្តចូលរួមជាមួយអាជ្ញាធរមូលដ្ឋាន ផ្សព្វផ្សាយ និងអនុវត្តវិធានការរបស់ក្រសួងសុខាភិបាល ៣ការពារ និង៣កុំ ឲ្យបានខ្ជាប់ខ្ជួន ។
លោក វិជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានប្រាប់តាមទូរសព្ទ័ថា មុនដាក់ឱ្យដំណើរការឡើងវិញ ក្នុងបរិវេណផ្សារលើក្រុងកំពង់ឆ្នាំង មន្ត្រីជំនាញរបស់មន្ទីរ សុខាភិបាលខេត្ត បានចុះបាញ់ថ្នាំសម្លាប់មេរោគ ជាមុនសិន ។ ជាមួយគ្នានេះ ក្នុងនាមមន្ទីរសុខាភិបាលសូមអំពាវនាវដល់បងប្អូនអាជីវករ ត្រូវអនុវត្តឱ្យបាននូវវិធានការនានាសម្រាប់ការទប់ស្កាត់ការរីករាលដាល ជម្ងឺកូវីត-១៩ផងដែរ។
សូមរំឭកថា ផ្សារលើក្រុងកំពង់ឆ្នាំងបានបិទមិនឱ្យអាជីវករចូលលក់ដូរ ចាប់ពីថ្ងៃទី ១០ ខែកក្កដាឆ្នាំ២០២១ បន្ទាប់ពីមន្ត្រីនៃមន្ទីរសុខាភិបាលខេត្តកំពង់ឆ្នាំង បានយកសំណាកលើកទី១ រកឃើញអាជីវករ វិជ្ជមានកូវីដ-១៩ចំនួន២២នាក់(ស្រី១៧នាក់) ក្នុងចំណោម ២២៥នាក់ លើលទ្ឋផលតេស្តរហ័សកាលពីថ្ងៃទី០៩ ខែកក្កដា គឺមុន១ថ្ងៃនៃការបិទផ្សារ។ បន្ទាប់មក នៅថ្ងៃទី២២ ខែកក្កដា ក្រុមមន្ត្រីនៃមន្ទីរសុខាភិបាលខេត្តកំពង់ឆ្នាំងបានចុះយកសំណាក លើអាជីវករ ក្នុងផ្សារលើ ជាលើកទី ២ទៀត ជាលទ្ឋផល រកឃើញចំនួន១១នាក់ លើអាជីវករ ២៤៨នាក់។ ដោយលទ្ឋផល នៅតែបន្តរកឃើញករណីវិជ្ជមានបែបនេះ រដ្ឋបាលសាលាខេត្តកំពង់ឆ្នាំង បានបន្តបិទផ្សារលើ ថែម១សប្តាហ៍ទៀត ។
ក្រោយមក នៅថ្ងៃទី ២៨ ខែកក្កដា មន្ត្រីជំនាញសុខាភិបាលក៍បានចុះយកសំណាកលើអាជីវករផ្សារលើ ជាលើកទី ៣បន្តទៀត ដែលជាលទ្ឋផលទៅលើអាជីវករ២០៩នាក់បានរកឃើញអ្នកវិជ្ជមានចំនួន ៦ នាក់បន្ថែមទៀត ។សរុបការយកសំណាកទាំង៣លើក ជាលទ្ឋផលលើតេស្តរហ័ស មន្ត្រីជំនាញរកឃើញអ្នកវិជ្ជមាន ចំនួន៣៩នាក់។
យ៉ាងនេះក្តីរដ្ឋបាលសាលាខេត្តកំពង់ឆ្នាំងបានសម្រេចបើកឲ្យដំណើរការផ្សារលើ ក្រុងកំពង់ឆ្នាំង ឡើងវិញ នៅថ្ងៃទី៣០ ខែកក្កដានេះបន្ទាប់ពីបិទរយៈពេល២០ថ្ងៃ ៕
ចែករំលែកព័តមាននេះ