រាជធានីភ្នំពេញ ៖ ក្រុមហ៊ុននាំចេញរបស់ឥណ្ឌា ចំនួនពីរ បានទទួលការបញ្ជាក់អំពីសំណាក ដែលត្រូវបានគេធ្វើតេស្តសាកល្បង នៅក្នុងមន្ទីរពិសោធន៍នៅក្នុងប្រទេសឥណ្ឌា ដែលទទួលស្គាល់ដោយ ISO 17025…
រាជធានីភ្នំពេញ ៖ ក្រុមហ៊ុននាំចេញរបស់ឥណ្ឌា ចំនួនពីរ បានទទួលការបញ្ជាក់អំពីសំណាក ដែលត្រូវបានគេធ្វើតេស្តសាកល្បង នៅក្នុងមន្ទីរពិសោធន៍នៅក្នុងប្រទេសឥណ្ឌា ដែលទទួលស្គាល់ដោយ ISO 17025 រួចហើយ ពួកគេក៏បានរកឃើញថា អវិជ្ជមានវីរុស SARS-COV-2 នេះបើយោងតាមការអះអាងរបស់ស្ថានទូតឥណ្ឌា ប្រចាំនៅកម្ពុជា ។
ស្ថានទូតឥណ្ឌាប្រចាំកម្ពុជា បានអោយដឹងថា ដោយមើលឃើញលទ្ធផល មិនចុះសម្រុងគ្នា នៅប្រទេសឥណ្ឌា និងកម្ពុជានោះ ក្រុមហ៊ុនអ្នកនាំចេញរបស់ឥណ្ឌា តាមរយៈស្ថានទូតឥណ្ឌានៅភ្នំពេញ និងអ្នកនាំចូលរបស់ពួកគេនៅកម្ពុជា បានស្នើសុំទៅក្រសួងសុខាភិបាលកម្ពុជា និងគណៈកម្មាធិការ ពិសេសប្រយុទ្ធនឹង Covid ដើម្បីធ្វើការពិនិត្យឡើងវិញ នូវសំណាកថ្មីៗ ចេញពីកុងតឺន័រដដែល ដើម្បីបញ្ជាក់លទ្ធផលតេស្តនេះ ។ ប្រសិនបើអាចធ្វើទៅបាននៅក្នុងមន្ទីរពិសោធន៍ជឿនលឿនមួយនៅប្រទេសសិង្ហបុរី ។ ការរកឃើញហ្សែននេះ មិនមែនជាការបង្ហាញពីការឆ្លងមេរោគសកម្មទេ ចាប់តាំងពីកុងតឺន័រ បានចាកចេញពីប្រទេសឥណ្ឌាក្នុងខែមេសាឆ្នាំ ២០២១ ហើយបានទៅដល់ប្រទេសកម្ពុជា នៅខែកក្កដា ឆ្នាំ២០២១ ។
ស្ថានទូតឥណ្ឌាប្រចាំកម្ពុជា លើកឡើងថា មិនមានភ័ស្តុតាងវិទ្យាសាស្ត្របង្ហាញថា វីរុសកូវីដ-១៩ អាចរស់បានលើសម្ភារវេចខ្ចប់ អាហារនិងចំណីអាហារ ក្នុងរយៈពេលជិត ៣ខែឡើយ ព្រោះថាកូវីដ-១៩ គឺជាជំងឺផ្លូវដង្ហើម ដែលត្រូវបានចម្បងតាមរយៈការទំនាក់ទំនងពីមនុស្សម្នាក់ទៅម្នាក់ទៀត ។ មកដល់បច្ចុប្បន្ន មិនមានភស្តុតាងណាមួយ បញ្ជាក់ពីវីរុសដែលអាចចម្លងតាមរយៈអាហារ ឬការវេចខ្ចប់ចំណីអាហារទេ ។
មេរោគកូរ៉ូណា ត្រូវការសត្វមានជីវិត ឬមនុស្សដើម្បីរស់រាន្ត ហើយមិនអាចកើត នៅលើកញ្ចប់អាហារបានទេ ។ រហូតមកដល់ពេលនេះមិនមានប្រទេសណាមួយ នៅលើពិភពលោកដែលធ្លាប់បានរាយការណ៍ទាក់ទងនឹងវីរុសកូរ៉ូណា នៅក្នុងអាហារក្លាសេ ឬវេចខ្ចប់ ឬផ្ទៃខាងលើ នៃចំណីអាហារវេចខ្ចប់ ។
គួរជម្រាបដែរថា ក្រុមហ៊ុន២ ដែលនាំសាច់ក្របីបង្កកពីឥណ្ឌា មកចែកចាយនៅកម្ពុជា រកឃើញមានផ្ទុកវីរុសកូវីដ-១៩ យោងតាមលិខិតរបស់លោក ហុក គឹមចេង អគ្គនាយកបច្ចេកទេសសុខាភិបាល បានអោយដឹងថា សាច់ក្របីបង្កក ទាំង៣កុងតឺន័រ ដែលមានផ្ទុកមេរោគកូវីដ-១៩នេះ គឺចំនួន ០១កុងតឺន័រ របស់ក្រុមហ៊ុន បូវីនីហ្វ៊ូដ BOVINI FOOD Co.,LTD និងចំនួន០២កុងតឺន័រទៀត ជារបស់ក្រុមហ៊ុន អើស្អារី អ៊ីនវេសម៉ិន ខនស្ត្រាក់ស៊ិន ASHARY INVESTMENT & CONSTRUCTION Co.,LTD នៅទីលានផែស្ងួតត្រីកូដ ដ្រាយផត ៕
ចែករំលែកព័តមាននេះ