រដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង នៅថ្ងៃទី៣០ ខែកក្កដា ឆ្នាំ ២០២១ នេះ បានសម្រេចអនុញ្ញាតឱ្យមានការព្យាបាលអ្នកជំងឺកូវីដ-១៩ កម្រិតស្រាល គ្មានរូបសញ្ញា នៅ
រាជធានីភ្នំពេញ ៖ រដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង នៅថ្ងៃទី៣០ ខែកក្កដា ឆ្នាំ ២០២១ នេះ បានសម្រេចអនុញ្ញាតឱ្យមានការព្យាបាលអ្នកជំងឺកូវីដ-១៩ កម្រិតស្រាល គ្មានរូបសញ្ញា នៅតាមផ្ទះ សម្រាប់ភូមិសាស្ត្រខេត្តចំនួន២២ ដែលជាខេត្តមានភូមិសាស្ត្រជាប់ប្រទេសថៃ វៀតណាម និងឡាវ ។
នៅក្នុងប្រកាសស្តីពី «ការដាក់ឱ្យប្រើនីតិវិធីប្រតិបត្តិស្តង់ដាសម្រាប់គ្រប់គ្រង ថែទាំង និងព្យាបាលអ្នកជំងឺកូវីដ-១៩ នៅតាមផ្ទះ នោះឯកឧត្តម ម៉ម ប៊ុនហេង បានបញ្ជាក់ថា យោងតាមត្រូវការចាំបាច់របស់គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ ដូច្នេះសម្រេចថា ត្រូវបានដាក់ឱ្យប្រើប្រាស់ នីតិវិធីប្រតិបត្តិស្តង់ដាសម្រាប់គ្រប់គ្រង ថែទាំង និងព្យាបាលអ្នកជំងឺកូវីដ-១៩ នៅតាមផ្ទះ ក្នុងភូមិសាស្ត្រខេត្តចំនួន ២២ រួមមាន ៖ ខេត្តបាត់ដំបង ប៉ៃលិន ពោធិ៍សាត់ កំពង់ឆ្នាំង កោះកុង ព្រះសីហនុ កំពត កែប តាកែវ កំពង់ស្ពឺ សៀមរាប ឧត្តរមានជ័យ ព្រះវិហារ កំពង់ធំ កំពង់ចាម ត្បូងឃ្មុំ ក្រចេះ ស្ទឹងត្រែង រតនគិរី មណ្ឌលគិរី ព្រៃវែង និងស្វាយរៀង ។
សូមបញ្ជាក់ថា កន្លងមក គណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ បានអនុញ្ញាត និងអនុវត្តការព្យាបាលអ្នកជំងឺកូវីដ-១៩ កម្រិតស្រាលនៅភូមិសាស្ត្ររាជធានីភ្នំពេញតែមួយប៉ុណ្ណោះ ។ ពេលនេះ វិសាលភាពនៃការ ដាក់ឱ្យប្រើនីតិវិធីប្រតិបត្តិស្តង់ដារសម្រាប់គ្រប់គ្រង ថែទាំង និងព្យាបាលអ្នកជំងឺកូវីដ-១៩ នៅតាមផ្ទះ បានពង្រីកដល់ ២២ ខេត្តផ្សេងទៀត ដែលភាគច្រើនជាខេត្តដែលកំពុងមានការឆ្លងក្នុងសហគមន៍ ដោយវីរុសបំប្លែងថ្មី ដែលតា ដែលពាក់ព័ន្ធនឹងបងប្អូនពលករខ្មែរវិលត្រឡប់ពីប្រទេសថៃ ចូលមាតុភូមិវិញ ។
ចែករំលែកព័តមាននេះ