រាជធានីភ្នំពេញ ៖ ក្រុមអ្នកស្រាវជ្រាវរបស់រាជរដ្ឋាភិបាលកម្ពុជា បានបញ្ជាក់ថា ប្រទេសចិនជាប្រទេសដែលមានការទទួលខុសត្រូវខ្ពស់ និងបានផ្តល់ទិន្នន័យប្រកបដោយតម្លាភាពជូនដល់អង្គការសុខភាពពិភពលោក និងពិភពលោកទាំងមូល ជុំវិញបញ្ហាវីរុសកូវីដ-១៩ ។
យ៉ាងណាមិញ ក្រុមអ្នកស្រាវជ្រាវបានវាយប្រហារចំៗទៅអាមេរិក ថាប្រទេសមហាអំណាចមួយនេះ តែងតែចោទប្រកាន់កម្ពុជាដោយយកលេសសិទ្ធិមនុស្ស លទ្ធិប្រជាធិបតេយ្យ និងប្រធានបទ មិនសមរម្យជាច្រើន ។ ជាមួយគ្នានោះ ក៏បានបញ្ជាក់ថា រឿងប្រភពវីរុស គឺជាបញ្ហាវិទ្យាសាស្ត្រវេជ្ជសាស្ត្រ ។
លោកកៅ មុយថង ទីប្រឹក្សាផ្ទាល់ និងជាសមាជិកក្រុមលេខាសម្តេចប្រធានរដ្ឋសភា និងជាអគ្គលេខាធិការរងនៃក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ បានថ្លែងនៅក្នុងកម្មវិធីមួយរៀបចំឡើងដោយ សមាគមអ្នកស្រាវជ្រាវវឌ្ឍនភាពកម្ពុជា-ចិន ស្តីពីវេទិកាវិទ្យាសាស្ត្រចំហរ ស្តីពីទំនាក់ទំនងកម្ពុជា-ចិន ក្នុងបរិបទកូវីដ-១៩ ។
បានគូសបញ្ជាក់ថា« យើងបានដឹងរួចមកហើយថា សហរដ្ឋអាមេរិកតែងតែចោទប្រកាន់កម្ពុជាដោយយកលេសសិទ្ធិមនុស្ស លទ្ធិប្រជាធិបតេយ្យ និងប្រធានបទ មិនសមរម្យជាច្រើន ដែលលេសទាំងនេះបានយកទៅប្រើប្រាស់លើបណ្តាប្រទេសមួយចំនួន ដូចជាអ៊ីរ៉ាក់ គឺជាភស្តុតាង មានលក្ខណៈប្រវត្តិសាស្ត្រនៃបទឧក្រិដ្ឋកម្មជាន់ឈ្លីលើច្បាប់អន្តរជាតិរបស់អាមេរិកដែលអាងអនុត្តរភាពរបស់ខ្លួនក្នុងសតវត្សរ៍ទី២១។ ប្រវត្តិសាស្ត្រនៃសង្គ្រាមអ៊ីរ៉ាក់បង្ហាញថា ការប្រឆាំងនិងការបង្ការយ៉ាងដាច់ខាត នូវការអនុវត្តភាពនិងនយោបាយអំណាចរបស់អាមេរិកនៅតែជាទំនួលខុសត្រូវរបស់ប្រទេសនិងប្រជាជនដែល ស្រឡាញ់សន្តិភាពលើពិភពលោកទាំងមូលដដែល។
លោក ពៅ សុខ ទីប្រឹក្សាផ្ទាល់សម្តេចអគ្គមហាសេនាបតីតេជោនាយករដ្ឋ មន្ត្រីនិងជាស មាជិកក្រុមប្រឹក្សាភិបាលសមាគមអ្នកនិពន្ធខ្មែរ បានគាំទ្រថា ការតាមដាន ប្រភពវីរុស គឺជាបញ្ហាវិទ្យាសាស្ត្រវេជ្ជសាស្ត្រដែលប្រកបដោយភាពម៉ឹងម៉ាត់និងម៉ត់ហ្មត់ជាទីបំផុត ព្រមទាំងត្រូវបានកំណត់ដោយ ក្រមអ្នកវិទ្យាសាស្ត្រវេជ្ជសាស្ត្រ មិនមែនជាការកំណត់ ដោយអ្នកនយោបាយទេ។ វាមិនមែន ជាការលំបាកក្នុងការរកឃើញពីដំណើរការនៃការស្វែងរកប្រភពនៃមេរោគនេះនោះទេ ហើយរយៈពេលមួយឆ្នាំក្នុងការទៅកាន់ប្រទេសចិនដើម្បីសិក្សាស្រាវជ្រាវយ៉ាងល្អិតល្អន់ពីប្រភពនៃមេរោគនេះ ជំហររបស់ចិនបានបង្ហាញយ៉ាងច្បាស់ គឺចិនបានសហការប្រកបដោយតម្លាភាព និងបានគាំទ្រដល់ដំណើរការនៃផែនការប្រកប ដោយប្រសិទ្ធភាពនិងប្រសិទ្ធផលរបស់អង្គការសុខភាពពិភពលោក ដើម្បីធ្វើការស៊ើបអង្កេត ស៊ីជម្រៅនិងលម្អិត ព្រមទាំងបានចេញទិន្នន័យរ បាយការណ៍យ៉ាងច្បាស់លាស់ប្រកប ដោយលក្ខណៈវិទ្យាសាស្ត្រនៅដើមឆ្នាំនេះ។
លោកបញ្ជាក់ថា «យើងអាចនិយាយដោយត្រង់បានថា ដើម្បីឆ្លើយតបទៅ នឹងគ្រោះមហន្តរា យនៃការរីករាលដាលជំងឺ កូវីដ-១៩ ប្រទេសចិនបានបញ្ជាក់ថាជាប្រទេស ដែលមានកា រទទួលខុសត្រូវខ្ពស់ និងបានផ្តល់ទិន្នន័យប្រកបដោយតម្លា ភាពជូនដល់អង្គកា រសុខភាពពិភពលោក និងពិភពលោកទាំងមូល»។
លោកបានស្រង់យកខ្លឹមសារនៃអត្ថបទផ្សាយដោយសារព័ត៌មានវិទ្យុមិត្តភាពកម្ពុជា-ចិនកាលពីថ្ងៃទី២១ ខែកក្កដា ឆ្នាំ២០២១ ថាបើសិនជាអាមេរិកសម្គាល់ឃើញថា ខ្លួនបានកាន់ អាកប្បកិរិយាបើកចំហនិងមានតម្លាភាពដូចប្រទេសចិន នោះគួរតែបើក ចំហបន្ទប់ពិសោ ធន៍ Fort Detrick ឱ្យអ្នកជំនាញអន្តរជាតិចូលទៅធ្វើការ ស៊ើបអង្កេតនិងសិក្សា ស្រាវជ្រាវ។
លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន ក៏បានលើកឡើងថា ប្រទេសចិនដែលមានបក្សកុម្មុយនិស្តចិនបានយកគោលការណ៍សង្គមនិយមតាមបែបផែនចិនជាស្នូល បានបង្កើតឡើងនូវអព្ភូតហេតុអច្ឆរិយភាពធំទាំងពីរ គឺទី១-សេដ្ឋកិច្ចរីកចម្រើនយ៉ាងឆាប់រហ័ស និងទី២-សង្គមរក្សាបាននូវស្ថិរភាពរយៈពេ លយូរអង្វែងចាប់តាំងពីបក្សកុម្មុយនិស្តចិនបានបង្កើតរបបសាធារណរដ្ឋប្រជាមានិតចិន។ លើសពីនេះ ប្រទេសចិនក្រោមការដឹកនាំរបស់បក្សកុម្មុយនិស្តចិនបាន ចូលរួមចំណែកយ៉ាង សកម្មនៅក្នុងការលើកកម្ពស់ពហុភាគីនៅក្នុងសេដ្ឋកិច្ចពិភពលោក និងជាកម្លាំងចលករថ្មីនៃស ន្តិភាព ស្ថិរភាពការអភិវឌ្ឍប្រកបដោយចីរភាព បរិយាបន្ន និងវិបុលភាព៕ អ៊ាង ប៊ុនរិទ្ធ
ចែករំលែកព័តមាននេះ