ប្តីសុំអង្វរប្រពន្ធឱ្យយល់ព្រមរឿង១ តែនាងមិនព្រម លុះរំលងអធ្រាត្រផ្អើ.ល
- ភ្នំពេញ
រាជធានីភ្នំពេញ ៖ បុរសម្នាក់សង្ស័យមានវិបត្តិព្រោះតែសុំអនុញ្ញាតពីប្រពន្ធដើម ដើម្បីយកប្រពន្ធទី២ចេញមុខ ប៉ុន្តែត្រូវប្រពន្ធ
រាជធានីភ្នំពេញ ៖ បុរសម្នាក់សង្ស័យមានវិបត្តិព្រោះតែសុំអនុញ្ញាតពីប្រពន្ធដើម ដើម្បីយកប្រពន្ធទី២ចេញមុខ ប៉ុន្តែត្រូវប្រពន្ធ
រាជធានីភ្នំពេញ ៖ បុរសម្នាក់សង្ស័យមានវិបត្តិព្រោះតែសុំអនុញ្ញាតពីប្រពន្ធដើម ដើម្បីយកប្រពន្ធទី២ចេញមុខ ប៉ុន្តែត្រូវប្រពន្ធដើមមិនយល់ព្រម ទើបផឹកស្រវឹង និងគិតខ្លី រួចយកខ្សែខោចងភ្ជាប់នឹងធ្នឹមបន្ទប់ទឹក បណ្តាលឱ្យបាត់បង់ជីវិត ។
ហេតុការណ៍ខាងលើនេះបានបង្កការភ្ញាក់ផ្អើលកាលពីវេលាម៉ោង១និង៣០នាទីរំលងអាធ្រាត្រឈានចូលថ្ងៃទី៣០ ខែកក្កដា ឆ្នាំ២០២១ នៅក្នុងបន្ទប់ជួលលេខD3 នៅទល់មុខសកលវិទ្យាល័យមួយកន្លែង ផ្លូវកែវចិន្តា ភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
បុរសរងគ្រោះឈ្មោះ លី ប្រុស អាយុ៣៤ឆ្នាំ មុខរបរជាងជួសជុលត្រាក់ទ័រ មានស្រុកកំណើតនៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ។
តាមប្រភពពីស្ត្រីជាប្រពន្ធដើមឈ្មោះ វន សារីន អាយុ33ឆ្នាំ មុខរបរលក់ទឹកអំពៅ មានស្រុកកំណើតនៅភូមិច្របក់ជ្រុំ ឃុំប្រសាទ ស្រុកសន្ទុក ខេត្តកំពង់ធំ បានរៀបរាប់ទាំងទឹកភ្នែកអោយដឹងថា រូបគាត់និងស្វាមីបានចាប់ដៃគ្នាជាប្តីប្រពន្ធអស់រយៈពេល9ឆ្នាំកន្លងមកហើយ និងមានកូនស្រីម្នាក់អាយុ៦ឆ្នាំ ។ ក្នុងរយៈពេលរួមរស់ជាមួយគ្នាជាប្តីប្រពន្ធ ពួកគាត់ស្រលាញ់គ្នាណាស់ មិនដែលមានរឿងឈ្លោះប្រកែកគ្នាខ្លាំងៗនោះទេ ហើយប្តីគាត់ក៏ស្រលាញ់ ប្រពន្ធ និងកូនស្រីខ្លាំងណាស់ដែរ ។ ប៉ុន្តែមួយរយៈពេលចុងក្រោយ ចន្លោះឆ្នាំ២០១៩ ប្តីរបស់គាត់ស្រាប់តែបែកចិត្តបានលួចទាក់ទងជាមួយស្រីស្នេហ៍លួចលាក់ម្នាក់ទៀត ហើយរូបគាត់ក៏ធ្លាប់តាមទាន់ច្រើនលើកច្រើនសាដែរ តែប្តីបានសុំអង្វរគាត់អោយយល់ព្រមឱ្យប្តីយកស្រីស្នេហ៍លួចលាក់នោះធ្វើជាប្រពន្ធទី២ចេញមុខ ប៉ុន្តែគាត់មិនព្រម ព្រោះគាត់មិនអាចធ្វើចិត្តបាននោះទេ ។ ចំណែកស្រីស្នេហ៍នោះ កន្លងមកក៏ធ្លាប់ជួបមុខផ្ទាល់ជាមួយគាត់ជាប្រពន្ធដើមដែរ ដោយនាងស្ម័គ្រចិត្តព្រមធ្វើជាប្រពន្ធទី២របស់ប្តីគាត់ បើសិនជាគាត់ជាប្រពន្ធដើមយល់ព្រម ព្រោះនាងក៏ស្រលាញ់ប្តីគាត់ខ្លាំងណាស់ដែរ។
ស្ត្រីជាប្រពន្ធដើមបានបន្តទាំងទឹកភ្នែកទៀតថា អោយតែប្តីគាត់ផឹកស្រវឹង គឺតែងតែរំលឹកពីស្រីស្នេហ៍នោះជានិច្ច ហើយកាលពី២ថ្ងៃកន្លងទៅ មុនកើតហេតុ ប្តីគាត់បានមកសុំគាត់ម្តងទៀតអោយយល់ព្រម អោយប្តីយកស្រីស្នេហ៍នោះធ្វើជាប្រពន្ធទី២ ដោយបើកចំហរ តែគាត់មិនព្រម និងបាននិយាយប្រាប់ទៅប្តីវិញថា «បើចង់យកនាងនោះធ្វើជាប្រពន្ធពេញមុខ លុះត្រាតែប្តីព្រមលែងលះគាត់អោយដាច់ស្រឡះសិន» តែប្តីរបស់គាត់មិនព្រមលែងនោះទេ ព្រោះអាណិតកូនស្រី ហើយពួកគាត់ក៏មិនបានឈ្លោះប្រកែកពាក្យសម្តីអ្វីដែរគឺនិយាយគ្នា ត្រង់ទៅត្រង់មក ។
ស្ត្រីជាប្រពន្ធដើមបានបន្តទៀតថា នៅយប់កើតហេតុនោះ ប្តីរបស់គាត់បានទិញស្រាយកហូបក្នុងបន្ទប់ជួល ជាមួយប្តីប្រពន្ធមិត្តភ័ក្ដិរបស់គាត់ ហើយគាត់ក៏ចូលរួមដែរ ដោយនិយាយគ្នាលេងសើចសប្បាយក្អាកក្អាយពេញបន្ទប់ រហូតដល់ដល់ម៉ោងជាង១១យប់ថ្ងៃទី២៩ កក្កដា ក៏ឈប់ផឹក និងបានចែកផ្លូវគ្នាត្រឡប់ទៅផ្ទះរៀងៗខ្លួន ដោយប្តីរបស់គាត់ស្រវឹងខ្លាំង ។ បន្ទាប់ពីរៀបចំបោសសម្អាតបន្ទប់រួច រូបគាត់ក៏ចូលគេងជាមួយគ្នា ហើយគាត់ជាប្រពន្ធគេងលក់មួយភាំង ដឹងខ្លួនវិញ នៅម៉ោង១កន្លះរំលងអធ្រាត្រឈានចូលថ្ងៃទី៣០ កក្កដា មិនឃើញប្តីដេកជិត ក៏ចេញពីមុងបើកភ្លើងបន្ទប់រកមើល ក៏ប្រទះឃើញប្តីរបស់គាត់យកខ្សែខោទៅចងភ្ជាប់នឹងធ្នឹមទ្វារបន្ទប់ទឹកទៅហើយ ។ បន្ទាប់ពីឃើញហេតុការណ៍បែបនេះ រូបគាត់ក៏ស្រវាយកកាំបិ.តមកកាត់ខ្សែ ដើម្បីជួយសង្គ្រោះប្តីដែរ ប៉ុន្តែជាអកុសលប្តីរបស់គាត់បានដា.ច់ខ្យល់ស្លា.ប់បាត់ទៅហើយ ។
បន្ទាប់ពីកើតហេតុ ស.ពបុរសរងគ្រោះត្រូវក្រុមគ្រូពេទ្យធ្វើតេស្តសំណាករួចរាល់ និងបានប្រគល់អោយសមត្ថកិច្ចជំនាញធ្វើកោសល្យវិច័យ និងបានបញ្ជាក់ថា បុរសរងគ្រោះពិតជាបាត់បង់ជីវិត ដោយសារបញ្ចប់ជីវិតខ្លួនឯងប្រាកដមែន ។
ក្រោយកើតហេតុ ស.ពបុរសរងគ្រោះត្រូវបានប្រពន្ធ និងសាច់ញាតិដឹកយកទៅតម្កល់ធ្វើបុណ្យតាមប្រពៃណីនៅវត្តចាស់ ស្ថិតក្នុងសង្កាត់ជ្រោយចង្វារ ៕
ចែករំលែកព័តមាននេះ