រាជធានីភ្នំពេញ ៖ សេចក្តីរាយការណ៍បានឱ្យដឹងថា ខណៈនេះអាជ្ញាធរខណ្ឌជ្រោយចង្វារបានចុះបិទអាជីវកម្មដឺហាប់ខារ៉ាអូខេគ្រួសារ ស្ថិតនៅផ្ទះលេខ២២៩ ផ្លូវម៉ាស៊ីនទឹក ភូមិទី៣ សង្កាត់ជ្រោយចង្វារ។
ការចុះបិទនេះធ្វើឡើង បន្ទាប់ពីអាណាព្យាបាលសិស្សដាក់ពាក្យបណ្តឹង ហើយអាជ្ញាធរបានចុះត្រួតពិនិត្យទីតាំង កាលពីល្ងាចថ្ងៃទី២៥ ធ្នូ រកឃើញមានក្មេងមិនទាន់គ្រប់អាយុស្លៀកពាក់សិស្សសាលាចូលមកច្រៀងខារ៉ាអូខេពពាក់ពពូន ផ្ទុយពីអនុក្រិត្យលេខ១៩១ អនក្របក ចុះថ្ងៃទី២៩ ឧសភា ២០១៤ របស់រាជរដ្ឋាភិបាលស្តីពីការគ្រប់គ្រងមណ្ឌលកម្សាន្តមនុស្សពេញវ័យ។
ការចុះបិទនេះដែរក៏ធ្វើឡើងតាមលិខិតលេខ២៤០ ស.ជ.ណ របស់សាលាខណ្ឌជ្រោយចង្វារ ចុះថ្ងៃទី២៨ ធ្នូ ។
គួរបញ្ជាក់ផងដែរថា កាលពីថ្ងៃសមត្ថកិច្ចចុះមកត្រួតពិនិត្យទីតាំងខារ៉ាអូខេខាងលើ ម្ចាស់ទីតាំងបានជេរប្រមាថអាជ្ញាធរ និងឈ្លោះជាមួយសមត្ថកិច្ចទៀត មិនតែប៉ុណ្ណោះថែមទាំងបានយកអង្ករមកបាចវាសដេញអាជ្ញាធរទៀតផង៕
ចែករំលែកព័តមាននេះ