Amazon ទទួលការគាំទ្រខ្លាំងនៅឥណ្ឌា
ក្រុមហ៊ុនលក់ទំនិញតាម Online ដ៏ធំរបស់អាមេរិកស្លាកយីហោ Amazon បានអះអាងថា ខ្លួនលក់ទំនិញបានច្រើនបំផុតនៅប្រទេសឥណ្ឌាប្រចាំឆ្នាំ២០១៥ ហើយថែមទាំងបានបន្ថែមផលិតផល ថ្មីៗរបស់ខ្លួនច្រើនជាង
ក្រុមហ៊ុនលក់ទំនិញតាម Online ដ៏ធំរបស់អាមេរិកស្លាកយីហោ Amazon បានអះអាងថា ខ្លួនលក់ទំនិញបានច្រើនបំផុតនៅប្រទេសឥណ្ឌាប្រចាំឆ្នាំ២០១៥ ហើយថែមទាំងបានបន្ថែមផលិតផល ថ្មីៗរបស់ខ្លួនច្រើនជាង ៥៥.០០០ជារៀងរាល់ឆ្នាំ ។
លោក Amit Agarwal អនុប្រធាន និងជាអ្នកគ្រប់គ្រង់ប្រចាំការលក់នៅឥណ្ឌា Amazon និយាយថា «២០១៥ បានក្លាយជាឆ្នាំល្អប្រសើរបំផុតរបស់យើង ហើយយើងពិតជាមានមោទនភាពជាខ្លាំងក្នុងការឆ្លើយយតបទៅនឹងតម្រូវការរបស់អតិថិជនទាំងអ្នកលក់ និងអ្នកទិញ ។ ការលក់ប្រចាំប្រទេសឥណ្ឌាបានរីកចម្រើនប្រហែលជា២៥០ភាគរយក្នុងឆ្នាំនេះ ។ យើងជឿជាក់ដោយផ្តោតសំខាន់លើការងារឆ្ពោះទៅមុខចំពោះតម្រូវការរបស់អតិថិជន និងការកែច្នៃលើបញ្ហា ធំៗបីរបស់អតិថិជនរួមមានតម្លៃទាប ការជ្រើសរើស និងភាពងាយស្រួល» ។
យោងតាមក្រុមហ៊ុនស្រាវជ្រាទីផ្សារ comScore ឱ្យដឹងថា គេហទំព័រឥណ្ឌារបស់ Amazon គឺជាគេហទំព័រពាណិជ្ជកម្មអេឡិចត្រូនិកដែលមានអ្នកចូលទស្សនាច្រើនជាងគេបំផុតក្នុងប្រទេសប្រចាំឆ្នាំ២០១៥ ដែលក្នុងនោះរួមមាន៧០ភាគរយនៃការចរាចរណ៍លើ Online បានមកពីការប្រើប្រាស់សេវាកម្មទិញទំនិញតាមទូរស័ព្ទ ៕
ចែករំលែកព័តមាននេះ