ចិននឹងមិនធ្វើសម្បទានណាមួយក្នុងការថែរក្សាផលប្រយោជន៍៍របស់ខ្លួនឡើយ
ទីប្រឹក្សារដ្ឋនិងជារដ្ឋមន្ត្រីការពារជាតិចិន លោកWEI FENGHEថ្លែងកាលពីថ្ងៃទី២៨កក្កដា ក្នុងពេលទៅ បំពេញទស្សនកិច្ចនៅតាហ្ស៊ឺគីស្ថានថា
ទីប្រឹក្សារដ្ឋនិងជារដ្ឋមន្ត្រីការពារជាតិចិន លោកWEI FENGHEថ្លែងកាលពីថ្ងៃទី២៨កក្កដា ក្នុងពេលទៅ បំពេញទស្សនកិច្ចនៅតាហ្ស៊ឺគីស្ថានថា
ប្រទេសចិន ៖ ទីប្រឹក្សារដ្ឋនិងជារដ្ឋមន្ត្រីការពារជាតិចិន លោកWEI FENGHEថ្លែងកាលពីថ្ងៃទី២៨កក្កដា ក្នុងពេលទៅ បំពេញទស្សនកិច្ចនៅតាហ្ស៊ឺគីស្ថានថា ចិនដាច់ខាតនឹងមិនធ្វើសម្បទានណាមួយ ក្នុងការថែរក្សា បណ្ដាផលប្រយោជន៍ជាតិរបស់ខ្លួនឡើយ។
ក្នុងកិច្ចប្រជុំលើកទី១៨របស់រដ្ឋមន្ត្រីការពារប្រទេស នៃបណ្ដារដ្ឋជាសមាជិកអង្គការកិច្ចសហប្រតិបត្តិការសៀងហៃOCS លោកWEI FENGHEថ្លែងថា ចិនសន្យាថែរក្សាភាពរុងរឿងនិងស្ថេរភាពពិភពលោក ព្រមទាំងការអភិវឌ្ឍន៍ដែលអនុគ្រោះដល់មនុស្សជាតិនិងនិយាយរួមដល់ពិភពលោក។ លោកគូសបញ្ជាក់ថា ចិនដាច់ខាតមិនខ្លាចការសម្លុតបំភ័យរបស់ប្រទេសដទៃៗឡើយ ហើយក៏នឹងមិនសម្លុតបំភ័យគេឯងដែរ។
លើបញ្ហាទាក់ទិននឹងកោះតៃវ៉ាន់ ហុងកុង ស៊ីនជាំង ទីបេនិងសមុទ្រចិនខាងត្បូង លោកថា ចិនដាច់ខាតនឹងមិនធ្វើសម្បទានឬការសម្របសម្រួលណាមួយឡើយ។ លោកថាចិនមានមហិច្ឆតា ធ្វើយ៉ាងណាឲ្យខ្លួនមានសមត្ថភាព និងមានទំនុកចិត្តចាំបាច់ សម្រាប់តស៊ូទប់ទល់ រាល់ការគាបសង្កត់ពីខាងក្រៅ ជម្នះរាល់គ្រោះថ្នាក់និងការប្រឈមនានា ព្រមទាំងថែរក្សាដោយម៉ឺងម៉ាត់ បណ្ដាផលប្រយោជន៍ជាសារវ័ន្តរបស់ជាតិ។
OCSត្រូវបានបង្កើតឡើងកាលពី២០ឆ្នាំមុនហើយក្នុងកិច្ចប្រជុំរដ្ឋមន្ត្រីការពារប្រទេសលើកនេះ បណ្ដារដ្ឋមន្ត្រីនៃប្រទេសជាសមាជិកបានសរសើរ ចំពោះសមិទ្ធផលនានាដែលអង្គការនោះសម្រេចបាន ក្នុងការថែរក្សាសន្តិភាពនិងស្ថេរភាពតំបន់និងជម្រុញកិច្ចសហប្រតិបត្តិការ ក្នុងវិស័យសន្តិសុខនិងការពារ រយៈពេល២០ឆ្នាំចុងក្រោយនេះ។
រដ្ឋមន្ត្រីការពារជាតិចិនបន្តថា ក្នុងពេលមានវិបត្តិសហគមន៍អន្តរជាតិ ត្រូវរួបរួមគ្នានិងជួយគ្នាទៅវិញទៅមក ប្រឆាំងរួមគ្នាអនុត្តរភាពនិយមឯកតោនិយមនិងអន្តរាគមន៍និយម ការពារនិងអនុវត្តដោយពិតប្រាកដ លទ្ធិពហុនិយមហើយធ្វើការរួមគ្នា ដើម្បីសនិ្តសុខតំបន់។ បណ្ដាប្រទេសជាសមាជិកOCS ត្រូវបង្កើនការសម្របសម្រួលគ្នា និងកិច្ចសហប្រតិបត្តិការ ដើម្បីបង្ការនិងប្រយុទ្ធរួមគ្នា ប្រឆាំងកម្លាំងអាក្រក់ទាំង៣គឺ ភេរវកម្ម លទ្ធិបំបែកខ្លួននិយមនិងលទ្ធិជ្រុលនិយម៕ ដកស្រង់ចេញពីវេបសាយ ៖ xinhuanet
ចែករំលែកព័តមាននេះ