កម្ពុជាភ័យបុកពោះ ខណៈចិននៅតែរក្សាលំដាប់កំពូលនៅអូឡាំពិក
ជប៉ុន ៖ គិតត្រឹមវេលាម៉ោង៤និង៣០ល្ងាច ថ្ងៃទី២៩ ខែកក្កដា ឆ្នាំ២០២១ នេះ ប្រទេសចិននៅតែបន្តឈរក្នុងលំដាប់កំពូលលើ
ជប៉ុន ៖ គិតត្រឹមវេលាម៉ោង៤និង៣០ល្ងាច ថ្ងៃទី២៩ ខែកក្កដា ឆ្នាំ២០២១ នេះ ប្រទេសចិននៅតែបន្តឈរក្នុងលំដាប់កំពូលលើតារាងមេដាយសរុបដែលទទួលបានច្រើនជាងគេ ខណៈដែលនៅថ្ងៃទី៣១ កក្កដា នេះ នឹងដល់វេនកីឡាករកម្ពុជាត្រូវប្រកួតយកមេដាយ តែស្ថិតក្នុងភាពបុកពោះ សម្រាប់ក្ដីសង្ឃឹម។
មកដល់ពេលនេះ ចិននៅតែជាប្រទេសដែលដណ្តើមបានមេដាយមាសច្រើនជាងគេ ដោយគិតត្រឹមល្ងាចថ្ងៃទី២៩ កក្កដា គឺចិនដណ្ដើមបានមេដាយមាសសរុបរហូតដល់១៤គ្រឿង សម្រាប់ការប្រកួតនៅ Tokyo Olympics 2020។ ទោះជាតួលេខនេះ ស្ថិតនៅបណ្ដោះអាសន្ន តែគេមើលឃើញថា ការដណ្ដើមមេដាយបានច្រើនរបស់ចិន កំពុងតែធ្វើប្រទេសដែលចូលរួមភាគច្រើនបាត់បង់ឱកាស។ លំដាប់ទី២ គឺនៅតែជាម្ចាស់ផ្ទះជប៉ុន និងអាមេរិក កំពុងប្រដេញគ្នា។
ប្រទេសចិន ដែលប្រជែងបានដណ្តើមច្រើនជាងគេនេះ គឺមេដាយមាស១៤ ប្រាក់៦ និងសំរឹទ្ធ៩ សរុប២៩គ្រឿង ខណៈសហរដ្ឋអាមេរិក ឈរនៅលេខ២ មានមេដាយមាស១៣ ប្រាក់១៣ និងសំរឹទ្ធ១០ សរុប៣៦គ្រឿង។ រីឯម្ចាស់ផ្ទះកីឡាអូឡាំពិក រដូវក្តៅ ជប៉ុន ដណ្តើមបានមេដាយសរុបបាន២២ គ្រឿង ក្នុងនោះ មាស១៣ ប្រាក់៤ និងសំរឹទ្ធ៥ , R O C ឈរលេខ៤ ដណ្តើមបានមេដាយសរុប២៥ គ្រឿង មាស៧ ប្រាក់១១ និងសំរិទ្ធ៧ លេខ៥ អូស្ត្រាលី ដណ្តើមបានមដាយសរុប១៩គ្រឿង មាស៧ ប្រាក់២ និងសំរិទ្ធ១ , លេខ៦ ចក្រភពអង់គ្លេស ដណ្តើមបានមេដាយសរុប ១៦គ្រឿង មាស៥ ប្រាក់៦ និងសំរិទ្ធ៥ ខណ:កូរ៉េខាងត្បូង លេខ៧ ដណ្តើមបានមេដាយសរុប១១គ្រឿង មាស៤ ប្រាក់២ និងសំរិទ្ធ៥គ្រឿង។
លោក វ៉ាត់ ចំរើន អះអាងថា ក្ដីសង្ឃឹមរបស់កីឡាករកម្ពុជាសម្រាប់ការប្រកួតនេះ មិនច្រើននោះទេ ពោលគឺសង្ឃឹមត្រឹមតែបានលទ្ធផលបានល្អជាងលើកមុនៗប៉ុណ្ណោះ៕
ចែករំលែកព័តមាននេះ