ពាក្យបាលីថាពោជ្ឈង្គៈ មកពីពាក្យ ពោធិ គឺការត្រាស់ដឹង និងអង្គ ប្រែថាកត្តានៃការត្រាស់ដឹង ជាធម៌ដែលអ្នកបួសរស់ក្នុងព្រះពុទ្ធសាសនាបង្អោនកាយចិត្តប្រតិបត្តិដ៏ត្រឹមត្រូវតាមមាគ៌ាពុទ្ធឱវាទ ។
ព្រះធម៌ទាំង៧ប្រការនោះ ១- ប្រុងស្មារតីគ្រប់វេលា ២- សេចក្តីពិចារណាទៅក្នុងធម្មជាតិនៃធម៌រឿយៗ ៣- សេចក្តីព្យាយាមជានិច្ច ៤- សេចក្តីឆ្អែតចិត្តដោយសេចក្តីសុខ ៥- សេចក្តីស្ងប់ស្ងៀមរបស់កាយនិងចិត្ត ៦- ការតម្កល់ចិត្តក្នុងអារម្មណ៍តែមួយ មិនរាយមាយ និង៧- ភាវៈដែលចិត្តព្រងើយចំពោះអារម្មណ៍ មិនសោមនស្ស មិនទោមនស្ស ជាចិត្តកណ្តាល ។
ធម៌ទាំង៧នេះជាមាគ៌ាដ៏ប្រពៃចំពោះយោគីទាំងឡាយអ្នកបួសក្នុងព្រះពុទ្ធសាសនាដើម្បីអប់រំចិត្តកាយឱ្យឆ្ងាយចាកភព មានមុខឆ្ពោះទៅកាន់ព្រះនិព្វាន ជាបរមសុខតែមួយ ៕ សាន សារិន
ចែករំលែកព័តមាននេះ