បុគ្គលិកខ្លះគ្នាធ្វើការយូរហើយ តែបែរជាមេដឹកនាំមិនយកចិត្តទុកដាក់ មើលមិនឃើញ ប្រាក់គ្នាប៉ុណ្ណា នៅតែប៉ុននោះដដែល ។ បុគ្គលរូបណាដែលជួបហេតុការណ៍បែបនេះ សូមធ្វើតាមក្បួនហុងស៊ុយដោយពិនិត្យមើលរបៀបរៀបតុធ្វើការរបស់អ្នកឱ្យមានរបៀបរៀបរយនិងមានសោភ័ណភាពផង ដើម្បីឱ្យមានលក្ខណៈងាយស្រួលធ្វើ ព្រោះថាសោភ័ណភាពតុធ្វើការវាមានឥទ្ធិពលខ្លាំងក្លាណាស់ក្នុងការជួយលោកអ្នកឱ្យសម្រេចបានការឡើងតំណែង…
បុគ្គលិកខ្លះគ្នាធ្វើការយូរហើយ តែបែរជាមេដឹកនាំមិនយកចិត្តទុកដាក់ មើលមិនឃើញ ប្រាក់គ្នាប៉ុណ្ណា នៅតែប៉ុននោះដដែល ។ បុគ្គលរូបណាដែលជួបហេតុការណ៍បែបនេះ សូមធ្វើតាមក្បួនហុងស៊ុយដោយពិនិត្យមើលរបៀបរៀបតុធ្វើការរបស់អ្នកឱ្យមានរបៀបរៀបរយនិងមានសោភ័ណភាពផង ដើម្បីឱ្យមានលក្ខណៈងាយស្រួលធ្វើ ព្រោះថាសោភ័ណភាពតុធ្វើការវាមានឥទ្ធិពលខ្លាំងក្លាណាស់ក្នុងការជួយលោកអ្នកឱ្យសម្រេចបានការឡើងតំណែង ឡើងប្រាក់ខែ និងកេរ្តិ៍ឈ្មោះល្អ ។
តាមក្បួនហុងស៊ុយប្រាប់ថា គ្មានអ្វីអាចប្រាប់ពីលក្ខណៈខាងក្រៅរបស់លោកអ្នកច្បាស់ជាងរបៀបរៀបរយលើតុការិយាល័យនោះឡើយ ។ តុការិយាល័យមានរបៀបរៀបរយ និងស្អាតបាតមិនត្រឹមតែជួយបង្កើនថាមពលហុងស៊ុយល្អៗប៉ុណ្ណោះទេ តែថែមទាំងជួយឱ្យលោកអ្នកមានទឹកចិត្តខ្នះខ្នែងពុះពារជានិច្ច និងផ្តោតលើគោលដៅការងារបានយ៉ាងល្អទៀតផង ។
ក្បួនហុងស៊ុយខាងក្រោមនេះនឹងជួយទាក់ទាញនូវឱកាសថ្មីៗ ដំបូន្មានល្អៗពីសិស្សច្បង ការលើកទឹកចិត្តអំពីមេដឹកនាំ និងថែមទាំងអាចការពារលោកអ្នកពីការនិយាយដើម និងនិយាយបង្កាច់បង្ខូចពីសំណាក់សហការីមាត់ដាចទៀតផង ។
រឿងដំបូងដែលលោកអ្នកត្រូវសម្រេចចិត្តធ្វើគឺដាក់របស់សំខាន់ចំនួន៧ មុខនៅលើតុធ្វើការ។ ទោះយ៉ាងណា លោកអ្នកមិនត្រូវដាក់របស់របរជាអចិន្ត្រៃយ៍នៅលើតុឱ្យលើសពី៧មុខនោះឡើយ ។
របស់ដែលយើងចាំបាច់ត្រូវដាក់លើតុមានដូចជា ទូរស័ព្ទ, កុំព្យូទ័រ, ប្រដាប់ដាក់ឯកសារ, ប៊ិកនិងប្រដាប់ប្រដាការិយាល័យ, របស់តាំងលម្អផ្សេងៗដែលយើងស្រឡាញ់ ដាក់អ្វីក៏បានឱ្យតែពេញចិត្តដូចជា ថូផ្កា ឬរូបចម្លាក់ជាដើម, ដាក់ត្បូងគ្រីស្តាល់មួយគ្រាប់ និងរូបថតមនុស្សជិតស្និទ្ធដូចជា គ្រួសារ មិត្តភក្តិ ឬសត្វចិញ្ចឹមជាដើម ។
ប្រការដែលត្រូវចងចាំ សូមកុំគរឯកសារលើតុច្រើនថ្ងៃ ។ ប្រសិនបើលោកអ្នកត្រូវការឯកសារទាំងនោះរាល់ថ្ងៃត្រូវរកធ្នើរ ឬទូផ្សេងណាមួយសម្រាប់ដាក់វាឱ្យបានសមរម្យទៅ ។
សូមកុំទុកចោលការងារដែលលោកអ្នកមិនទាន់ធ្វើហើយនៅលើតុ ព្រោះវានឹងបំបាក់ថាមពលហុងស៊ុយ ដែលអាចធ្វើឱ្យលោកអ្នកមានអារម្មណ៍មិនល្អនៅថ្ងៃបន្ទាប់ គឺត្រូវទុកវានៅកន្លែងមួយដាច់ដោយឡែក និងត្រូវរក្សាតុឱ្យស្អាតជានិច្ច នោះហើយជាហុងស៊ុយ ។
ប្រការមួយទៀត សូមកុំបិទក្រដាសសម្គាល់ច្រើនពេកនៅលើតុ ។ ជំនួសមកវិញត្រូវរកអ្វីផ្សេងមកកត់ចំណាំ ។ ឯប៊ិក ប្រដាប់កិប ប្រដាប់កៀបត្រូវរក្សាឱ្យមានរបៀបរៀបរយជានិច្ច ។
នៅពេលអ្នកធ្វើតាមរបៀបហុងបានល្អហើយ សូមកុំមានការភ្ញាក់ផ្អើលពេលឃើញឱកាសថ្មីៗ និងការរីកចម្រើនក្នុងការងារកើតឡើង បន្ទាប់ពីរៀបចំតាមរបៀបខាងលើរួចហើយនោះ ៕ សាន សារិន
ចែករំលែកព័តមាននេះ