លោកអ្នកប្រហែលជាគិតថា ប្លាទីន ប្រាក់ មាស និងពេជ្រ ជាវត្ថុមានតម្លៃថ្លៃជាងគេក្នុងលោក ប៉ុន្តែវត្ថុជាតិកាបោនបង្កើតឡើងដោយបុរសម្នាក់មានតម្លៃដល់ទៅ១៥០លានដុល្លារ ឯណោះក្នុង១ក្រាម ។
វត្ថុនោះគឺជាទ្រុងដែលផលិតពីសារធាតុអាតូមដោយអ្នកវិទ្យាសាស្ត្រអង់គ្លេសកាលពីឆ្នាំមុនក្នុងមន្ទីពិសោធន៍នៅសាកលវិទ្យាល័យអហ្វហ្វឺត ។ វត្ថុនោះរួមមានអាតូមនីត្រូហ្សែន និងការបោនអាតូម ក្នុងទម្រង់ផ្សេងទៀតប្រៀបដូចជាពេជ្រ និងមានរូបរាងសន្លឹក បន្ទះៗដូចជាទ្រុង ដូចបង្ហាញក្នុងរូប ។ វារួមមានអាតូមកាបោនចំនួន ៦០ ត្រូវបានគេហៅថា ស៊្វែរប្រហោង ព្រោះវាមានរាងដូចដុំបាល់ ប៉ុន្តែប្រហោងក្នុងយ៉ាងរញ៉េរញ៉ៃ ។
ដុំបាល់អាតូមកាបោននេះមានសារសំខាន់ដូចជាប្រើប្រាស់ដើម្បីបង្កើតនាឡិកាអាតូម និងងាយស្រួលចល័តដែលអាចដឹងពីប្រព័ន្ធរក្សាពេលវេលាដ៏ត្រឹមត្រូវក្នុងពិភពលោក ។ ក្រៅពីនេះវាអាចជួយបង្កើតការរុករកប្រព័ន្ធ GPS កាន់តែត្រឹមត្រូវដល់ទៅ១មីល្លីម៉ែត្រក្នុងរថយន្តដែលបើកបរដោយខ្លួនឯង ។
លោកវេជ្ជបណ្ឌិត Kyriakos Porfyrakis ដែលជាអ្នកវិទ្យាសាស្ត្រសម្ភារណាណូ (Nanomaterials) បានសិក្សាលើវត្ថុនេះតាំងពីឆ្នាំ ២០០០ និយាយថា ចូរស្រមៃថា នាឡិកាអាតូមខ្នាតតូចអាចនឹងមានក្នុងស្មាតហ្វូន ។ នេះគឺជាការវិវឌ្ឍថ្មីនៃទូរស័ព្ទ ។
លោក Kyriakos Porfyrakis គឺជាស្ថាបនិកនៃមន្ទីពិសោធន៍«អ្នករចនាវត្ថុកាបោន» ដែលបានផលិតរាល់វត្ថុទាំងអស់ពីអាតូមកាបោន ។
លោក Lucius Cary នាយកគ្រប់គ្រងនៃមូលនិធិបច្ចេកវិទ្យាអហ្វហ្វឺត SEIS និយាយថា នៅពេលនេះនាឡិកាអាតូម គឺមានទំហំជាបន្ទប់។ វត្ថុអាតូមនេះនឹងមាននៅលើ Chip ដែលអាចមាននៅក្នុងទូរស័ព្ទដៃរបស់អ្នកប្រើប្រាស់ទៀតផង ។ វានឹងមានកម្មវិធីសម្បូរបែបសម្រាប់បច្ចេកវិទ្យានេះ ។ បច្ចេកវិទ្យាកាលពីមុនស្ថិតក្នុងការគ្រប់គ្រងស្វយ័តលើរថយន្ត ៕
ចែករំលែកព័តមាននេះ