រាជធានីភ្នំពេញ ៖ អត្រានៃការឆ្លងកូវីដ-១៩ ក្នុងសហគមន៍នៃព្រឹត្តិការណ៍ ២០ កុម្ភៈ ហាក់មានស្ថានភាពធូរស្បើយ ក្រោយរកឃើញការឆ្លងថ្មីបានធ្លាក់ចុះជាបន្តបន្ទាប់ក្នុងរយៈពេលប៉ុន្មានថ្ងៃចុងក្រោយនេះ ។ ក៏ប៉ុន្តែអ្វីដែលគួរឱ្យព្រួយបារម្ភនោះ គឺករណីនាំចូលពីក្រៅប្រទេស មានចំនួនកើនឡើងខ្ពស់គួរឱ្យកត់សម្គាល់ ។
ក្រសួងសុខាភិបាលបានប្រកាសនៅថ្ងៃទី ២៦ ខែកក្កដា ឆ្នាំ២០២១ អំពីករណីវិជ្ជមានថ្មីចំនួន ៧៧៨ នាក់ បន្ថែមទៀតកាលពីថ្ងៃម្សិលមិញ ក៏ប៉ុន្តែក្នុងនោះករណីនាំចូលពីក្រៅប្រទេសមានរហូតដល់ ៤៧៥ នាក់ ដែលស្មើប្រមាណជាង ៦១% នៃករណីវិជ្ជមានរកឃើញកាលពីថ្ងៃទី ២៥ ខែកក្កដា នោះ ។
ទន្ទឹមនឹងនោះ កាលពីថ្ងៃម្សិលមិញ ក្រសួងក៏រកឃើញមានករណីអ្នកជំងឺកូវីដ-១៩ ទទួលមរណភាពថ្មី ចំនួន ២២ នាក់ និងករណីជាសះស្បើយថ្មីចំនួន ៦៨៦ នាក់ ។
គិតមកដល់ពេលនេះ កម្ពុជារកឃើញករណីវិជ្ជមានកូវីដ-១៩ សរុបកើនឡើងដល់ ៧៣, ៧០១នាក់ និងអ្នកជាសះស្បើយសរុប ៦៥, ៩៥០នាក់ តែអ្នកស្លា.ប់ដោយកូវីដ-១៩ សរុបឡើងដល់ ១,៣០៥នាក់ ៕
ចែករំលែកព័តមាននេះ