ប្រទេសវៀតណាម ៖ ការនាំចេញអង្កររបស់វៀតណាម ទំនងជានឹងសម្រេចបានលើសទិសដៅដែលបានកំណត់ទុកសម្រាប់ឆ្នាំ២០១៥នេះថា មានប្រហែលពី២០ម៉ឺនតោនទៅ៣០ម៉ឺនតោន ដោយការនាំចេញស្ថិតក្នុងរង្វង់៦,៥លានតោន ។
ប្រទេសវៀតណាម ៖ ការនាំចេញអង្កររបស់វៀតណាម ទំនងជានឹងសម្រេចបានលើសទិសដៅដែលបានកំណត់ទុកសម្រាប់ឆ្នាំ២០១៥នេះថា មានប្រហែលពី២០ម៉ឺនតោនទៅ៣០ម៉ឺនតោន ដោយការនាំចេញស្ថិតក្នុងរង្វង់៦,៥លានតោន ។ ចំណុចខ្លាំងនៅចុងឆ្នាំ២០១៥ បាននាំមកនូវភាពជោគជ័យក្នុងវិស័យនេះ ។
យោងតាមសមាគមស្បៀងអាហារវៀតណាមឱ្យដឹងថា វៀតណាមបាននាំចេញអង្ករចំនួន៥,៨០៧លានតោន គិតត្រឹមខែវិច្ឆិកានេះ ហើយសម្រាប់តួលេខខែធ្នូ ត្រូវបានគេព្យាករទុកថា នឹងសម្រេចបាន៧០ម៉ឺនតោន ។
លើសពីនេះទៀត គេរំពឹងថា ការនាំចេញអង្ករតាមរយៈប៉ុស្តិ៍ក្រៅផ្លូវការនៅតាមព្រំដែន នឹងស្ថិតនៅចន្លោះពី១,៦លានតោនទៅ១,៨លានតោន ហើយក៏រំពឹងថា នឹងលើកទឹកចិត្តទៅលើការនាំចេញប្រចាំឆ្នាំ តាមរយៈប៉ុស្តិ៍ផ្លូវការ និងក្រៅផ្លូវការមានប្រមាណជា៨លានតោនឯណោះ ។
បណ្តាអ្នកនាំចេញអង្កររបស់វៀតណាម ថ្មីៗនេះទទួលបានជោគជ័យទៅលើការដេញថ្លៃ ដើម្បីផ្គត់ផ្គង់អង្ករចំនួន៤៥ម៉ឺនតោនដល់ប្រទេសហ្វ៊ីលីពីន និង១លានតោនដល់ឥណ្ឌូណេស៊ី ដែលជួយឲ្យមានការដំឡើងថ្លៃអង្ករក្នុងទីផ្សារក្នុងស្រុកផងដែរ ។
ប្រទេសវៀតណាមមានផ្ទៃដីដាំដុះស្រូវចំនួន៤,១លានហិកតា ហើយ៥៣% នៃផ្ទៃដីទាំងនោះបានប្រមូលផ្តុំនៅតាមតំបន់ Cuu Long ដងទន្លេមេគង្គ Delta ។
ក្នុងឆ្នាំ២០១៤ ប្រទេសវៀតណាមបាននាំចេញអង្ករចំនួន៦,៣លានតោននៃអង្ករដែលខ្លួនផលិតបានទាំងអស់៤៥លានតោន គឺជំរុញឲ្យវៀតណាមក្លាយជាអ្នកនាំចេញអង្ករធំជាងគេបំផុតនៅលើពិភពលោក បន្ទាប់ពីឥណ្ឌា និងថៃ ។
ដោយឡែក ក្នុងរយៈពេល១០ខែដំបូងនៃឆ្នាំនេះ អាស៊ីនៅតែរក្សាតំណែងរបស់ខ្លួនដដែល ជាអ្នកនាំចូលអង្ករច្រើនជាងគេបំផុតរបស់វៀតណាម បើទុកជាអត្រាប្រចាំឆ្នាំបានធ្លាក់ចុះ១១,២% ក្នុងផ្សារហ៊ុន៧១,៥៨% ក៏ដោយ ។
ប្រទេសអាហ្វ្រិក អូស្ត្រាលី និងអឺរ៉ុបបានបង្ហាញពីតម្រូវការខ្ពស់ជាងមុនចំពោះអង្ករវៀតណាម ជាមួយនឹងរបាយការណ៍នាំចេញច្រើនជាងមុនក្នុងអំឡុងពេលដូចគ្នានោះ ៕
ចែករំលែកព័តមាននេះ