ប្រទេសជប៉ុន ៖ ធនាគារកណ្តាលជប៉ុនបានប្រកាសពីការមិនរំពឹងទុក ឬការភ្ញាក់ផ្អើលនៃវិធានការលើកទឹកចិត្តថ្មី កាលពីថ្ងៃទី១៨ ធ្នូ ក្នុងការបំពេញបន្ថែមនៃគោលការណ៍ទិញទ្រព្យសកម្មដ៏ច្រើនសន្ធឹកសន្ធាប់របស់ខ្លួន ដែលជាការជំរុញការធ្លាក់ចុះយ៉ាងគំហុកនៃប្រាក់យេនជប៉ុន និងផ្តល់នូវភាពទ្រទ្រង់រយៈពេលខ្លីក្នុងតម្លៃហ៊ុនក្រុងតូក្យូ ។
ការផ្លាស់ប្តូរនេះកើតឡើងភ្លាមៗបន្ទាប់ពីមានការកាត់អត្រាការប្រាក់ជាលើកដំបូងរបស់ធនាគារកណ្តាលសហរដ្ឋអាមេរិកក្នុងអំឡុងពេលជិតមួយទសវត្សរ៍នេះ រួមទាំងការកត់សម្គាល់លើការខ្វែងគំនិតគ្នារឿងគោលនយោបាយរូបិយវត្ថុ រវាងការឡើងស្រឺតៗនៃសេដ្ឋកិច្ចសហរដ្ឋអាមេរិក និងគូប្រជែងរបស់ខ្លួន ។
បន្ទាប់ពីការបញ្ចប់កិច្ចប្រជុំកាលពីលើកមុននៃឆ្នាំនេះ អ្នកដាក់ចេញនូវគោលនយោបាយរបស់ធនាគារជប៉ុនលើកឡើងថា ពួកគេនឹងជំរុញនូវការកាន់កាប់របស់ខ្លួនក្នុងបណ្តាក្រុមហ៊ុននានាដែលផ្តល់ការជួល និងវិនិយោគលើមូលធន។ ពួកគេក៏បានច្បិចយកគន្លឹះមួយចំនួនដូចជា ផែនការនៃការទិញប័ណ្ណបំណុលរយៈពេលវែងតិចជាងមុនរបស់រដ្ឋាភិបាល ដែលចាប់ផ្តើមឡើងនៅដើមឆ្នាំក្រោយនេះ ។
សេចក្តីប្រកាសនេះ គឺស្របពេលមានអ្នកវិភាគជាច្រើនបង្កើនក្តីបារម្ភចំពោះធនាគារកណ្តាលជប៉ុន នឹងពុះពារក្នុងការទិញប័ណ្ណបំណុលឲ្យបានគ្រប់គ្រាន់ក្រោមគោលការណ៍នៃការទិញទ្រព្យសកម្មប្រចាំឆ្នាំចំនួន៨០ទ្រីលានយេនជប៉ុន ដែលជាការបោះពុម្ពប្រាក់ក្នុងការជំរុញការផ្តល់កម្ចីប្រកបដោយប្រសិទ្ធភាព ។
ប្រធានធនាគារកណ្តាលជប៉ុន លោក Haruhiko Kuroda ត្រូវបានគេរំពឹងថា នឹងលើកឡើងអំពីការប្រែប្រួលនៅក្នុងព័ត៌មាន ដោយសង្ខេបពាក្យចុងក្រោយគឺ ON នៅថ្ងៃសុក្រ ។
ចំណែកប្រធានសេដ្ឋវិទូរបស់គ្រឹះស្ថានស្រាវជ្រាវ Dai-ichi Life លោក Hideo Kumano ឲ្យដឹងថា ៖ « ទីផ្សារ គឺនាំមកនូវការភ្ញាក់ផ្អើលមួយ ប៉ុន្តែផលប៉ះពាល់នៃវិធានការទាំងនោះ គឺមិនទាន់ប្រាកដឡើយ » ។
យ៉ាងហោចណាស់ យើងអាចដឹងថា ធនាគារកណ្តាលជប៉ុនចង់បង្កើនល្បឿន ។ ចំពោះទីផ្សារ គួរតែអាចជាអំណោយថ្ងៃបុណ្យណូអែលនៅសប្តាហ៍ខាងនេះ ។
គួរបញ្ជាក់ផងដែរថា ប្រាក់ដុល្លារបានកើនឡើងដល់កម្រិត១២៣,២៣យេនពីអត្រា១២២,៥៦យេន កាលពីពេលមុននេះក្នុងទីក្រុងតូក្យូ មុនការទូទាត់បំណុលត្រឡប់មកវិញ។
ការលើកទឹកចិត្តរបស់ធនាគារកណ្តាលបានដាក់បង្ហាញជាងពីរឆ្នាំមកហើយ ដែលវាជាសសរគ្រឹះមួយនៃកិច្ចខិតខំប្រឹងប្រែងចាប់ផ្តើមសេដ្ឋកិច្ច ក្នុងការដើរលើផ្លូវដ៏វែងឆ្ងាយរបស់លោកនាយរដ្ឋមន្ត្រី Shinzo Abe និងគោលនយោបាយ Abenomics ។
សេដ្ឋកិច្ចរបស់ជប៉ុនមានកំណើនបន្តិចបន្តួចប៉ុណ្ណោះក្នុងអំឡុងត្រីមាសទី៣ ដែលកើនឡើង០,៣% និងផ្ទុយពីការព្យាករទុកកាលពីមុននៃការរួញខ្លី ដែលនាំប្រទេសនេះឱ្យដើរថយក្រោយជាលើកទី២ ក្នុងរយៈពេលប៉ុន្មានឆ្នាំនេះ ។
ប៉ុន្តែភាពអាប់អួរនៃសេដ្ឋកិច្ចពិភពលោកត្រូវបានកត់សម្គាល់តាមរយៈការបង្អន់ល្បឿននៃសេដ្ឋកិច្ចនៅប្រទេសចិន និងភាពចុះខ្សោយនៃការរើបឡើងវិញនៃទីផ្សារដែលកំពុងដាក់ការប្រកួតប្រជែងនៃការរើបឡើងវិញ ៕
ចែករំលែកព័តមាននេះ