ខេត្តកំពត ៖ បើតាមសេចក្តីរាយការណ៍បានឱ្យដឹងថា នៅវេលាព្រឹកថ្ងៃទី២៣ ខែកក្កដា ឆ្នាំ២០២១នេះ មានការភ្ញាក់ផ្អើលមួយពីប្រជាពលរដ្ឋដែលត្រឡប់មកពីកា.ប់ព្រៃវិញ ដោយប្រទះឃើញមឈូសធ្វើអំពីក្ដារមួយ ត្រូវបានគេដឹកយកមកប្លុងចោលនៅភ្នំទទឹងថ្ងៃ ដែលមានចម្ងាយ១០០ម៉ែត្រពីកន្លែងអាជ្ញាធរស្រុកកំពង់ត្រាច រៀបចំកន្លែងបូជាស.ពអ្នកស្លា.ប់ដោយជំងឺកូវីដ១៩ នៅភ្នំទទឹងថ្ងៃ ស្ថិតក្នុងឃុំភ្នំប្រាសាទ ស្រុកកំពង់ត្រាច ខេត្តកំពត។
ការប្រទះឃើញមឈូសស.ពជនមិនស្គាល់អត្តសញ្ញាណដែលត្រូវគេយកមកប្លុងចោលនៅជើងភ្នំនោះ នោះ គេនៅមិនទាន់ដឹងអំពីមូលហេតុអ្វីឡើយ ហើយក៏គ្មានអ្នកណាម្នាក់ ហ៊ានបើកមើលក្នុងមឈូសនេះភ្លាមៗនោះទេ។
បើតាមលោក អូន ខន អភិបាលស្រុកកំពង់ត្រាច ក៏បានទទួលដំណឹងនេះដែរ ហើយក៏បានអោយខាងនគរបាលមកធ្វើការពិនិត្យមើលថា តើមឈូសដែលគេយកទៅប្លុងចោលនោះ មានស.ពដែរឬអត់?
ប្រភពដដែលបន្តថា លុះនៅវេលាម៉ោង១២ថ្ងៃត្រង់ ថ្ងៃទី២៣ ខែកក្កដាដដែលនេះ ព្រះតេជ្ជគុណព្រះចៅអធិការវត្តប្រជាសង្គមភ្នំក្រពើ ក៏បាននិមន្តមកដល់កន្លែងដែលគេដាក់មឈូសចោលនោះដែរ ហើយក៏បានបើកមើលមឈូសនោះ គឺនៅក្នុងមឈូសមិនមានស.ពនោះទេ ហើយមឈូសនេះធ្វើអំពីក្ដារក៏នៅថ្មីដែរ។
ប្រភពដដែលបន្តទៀតថា បន្ទាប់ពីបើកមើលមឈូសមិនមានស.ពហើយ ព្រះតេជ្ជគុណព្រះចៅអធិការវត្តភ្នំក្រពើ ក៏បានអោយនគរបាល សែងមឈូសទទេនេះយកទៅទុកនៅកន្លែងបូជាស.ពអ្នកស្លា.ប់ដោយជំងឺកូវីដ១៩ នៅភ្នំទទឹងថ្ងៃ។
គួរបញ្ជាក់ថា ក្រោយពេលមានការភ្ញាក់ផ្អើលខាងលើនេះហើយ នគរបាលក៏បានកំពុងតែស្រាវជ្រាវរកអ្នកដែលយកមឈូសខាងលើនេះ មកដាក់នៅភ្នំទទឹងថ្ងៃថា តើមានគោលបំណងអ្វី? បានជាដឹកមឈូសយកមកប្លុងចោលនៅទីនោះដូច្នេះ។
ចែករំលែកព័តមាននេះ