រាជធានីភ្នំពេញ ៖ កាលពីថ្ងៃសៅរ៍ទី១៩ ធ្នូ កន្លងទៅនេះ ក្រុមហ៊ុនម៉ូតូ KTM កម្ពុជាសហការជាមួយក្រុមហ៊ុនស្រាបៀរអង្គរ ក្រុមហ៊ុន TreeBoond ក្រុមហ៊ុន Motul ក្រុមហ៊ុន Cellcard ក្រុមហ៊ុននាឡិកា ICE WATCH
រាជធានីភ្នំពេញ ៖ កាលពីថ្ងៃសៅរ៍ទី១៩ ធ្នូ កន្លងទៅនេះ ក្រុមហ៊ុនម៉ូតូ KTM កម្ពុជាសហការជាមួយក្រុមហ៊ុនស្រាបៀរអង្គរ ក្រុមហ៊ុន TreeBoond ក្រុមហ៊ុន Motul ក្រុមហ៊ុន Cellcard ក្រុមហ៊ុននាឡិកា ICE WATCH និងក្រុមហ៊ុនភេសជ្ជៈ ROYCE បាននាំមកនូវការសម្ដែងម៉ូតូលំដាប់ថ្នាក់អន្តរជាតិសាជាថ្មីម្ដងទៀតក្នុងឆ្នាំ២០១៥នេះនៅទីក្រុងកោះពេជ្រ។
មុននឹងមានការសម្ដែងជិះម៉ូតូនេះ ក៏មានការជិះដង្ហែម៉ូតូម៉ាក KTM និងម៉ាក Duke សរុបប្រមាណ៣០០គ្រឿងទៀតផង ដែលក្បួនដង្ហែនេះត្រូវគេឱ្យដឹងថាមិនធ្លាប់មានពីមុនមកឡើយ ។ ជាមួយគ្នានេះក៏មានការចូលរួមទស្សនាគាំទ្រយ៉ាងច្រើនកុះករពីសំណាក់ប្រជាប្រជាជនកម្ពុជាផងដែរ។
លោក ROK BAGOROS គឺជាអ្នកជំនាញជិះម៉ូតូបង្ហោះជនជាតិស្លូវ៉ានី លំដាប់ថ្នាក់អន្តរជាតិ ដែលមានប្រជាប្រិយភាពបំផុត និងមានការគាំទ្រយ៉ាងខ្លាំងពីបណ្ដាប្រទេសជាច្រើនដូចជានៅអាស៊ីអាគ្នេយ៍ អាមេរិកខាងជើងនិងខាងត្បូង និងប៉ែកអឺរ៉ុប ។ នេះជាការសម្ដែងលើកទី២ហើយលោកបាននាំយកនូវក្បាច់សម្ដែងថ្មីៗនិងប្លែកៗយ៉ាងកន្ត្រាក់អារម្មណ៍ជាមួយម៉ូតូម៉ាក KTM 200Duke ជូនដល់អ្នកទស្សនាជាច្រើននៅក្នុងបរិវេណទីក្រុងកោះពេជ្រ ។
នៅក្នុងកម្មវិធីរយៈពេល៤ម៉ោងនេះ មានកម្មវិធីជាច្រើនទៀតដូចជា ហ្គេមកម្សាន្តសប្បាយៗ ការចាប់ឆ្នោតផ្សងសំណាង និងការលក់ផលិតផលជាច្រើនរបស់បណ្ដាក្រុមហ៊ុនសហការឧបត្ថម្ភ និងការដាក់តាំងលក់ម៉ូតូ KTM ផងដែរ ៕
ចែករំលែកព័តមាននេះ