រាជធានីភ្នំពេញ ៖ បន្ទាប់ពីអ្នកខេត្ត កោះកុង និងខេត្តព្រះសីហនុ ទើបនឹងទទួលបានរង្វាន់ម៉ូតូ Scoopy ស៊េរី២០១៥ ម្នាក់មួយគ្រឿង ក្រុមហ៊ុនស្រាបៀរ Black Cat បានរកឃើញអ្នកឈ្នះរង្វាន់ម៉ូតូស៊េរីដដែលចំនួន១គ្រឿងទៀតហើយ
រាជធានីភ្នំពេញ ៖ បន្ទាប់ពីអ្នកខេត្ត កោះកុង និងខេត្តព្រះសីហនុ ទើបនឹងទទួលបានរង្វាន់ម៉ូតូ Scoopy ស៊េរី២០១៥ ម្នាក់មួយគ្រឿង ក្រុមហ៊ុនស្រាបៀរ Black Cat បានរកឃើញអ្នកឈ្នះរង្វាន់ម៉ូតូស៊េរីដដែលចំនួន១គ្រឿងទៀតហើយ ដោយទើបនឹងបានប្រគល់ឱ្យកាលពីថ្ងៃទី១៩ ខែធ្នូ កន្លងទៅថ្មីៗ។ ពិធីប្រគល់រង្វាន់ត្រូវបានធ្វើឡើងនៅលើឆាកស្ថានីយទូរទស្សន៍អាស៊ីអាគ្នេយ៍នៅក្នុងព្រឹត្តិការណ៍ប្រដាល់ស្រាបៀរប្លេកខេត នៅវេលាម៉ោង៩យប់ ។
អតិថិជនដែលឈ្នះរង្វាន់ម៉ូតូពីការគាស់ក្រវិលកំប៉ុងរបស់ស្រាបៀរប្លេកខេតនោះ មានឈ្មោះ សោម សារី ភេទប្រុស រស់នៅភូមិតាពៅ សង្កាត់បាវិត ក្រុងបាវិត ខេត្តស្វាយរៀង។ លោកមានសំណាងត្រូវបានម៉ូតូ១គ្រឿង បន្ទាប់ជាវស្រាបៀរប្លេកខេតយកមកជប់លៀងក្នុងក្រុមគ្រួសារ ។
លោក សុខ ឧត្តម តំណាងក្រុមហ៊ុន Black Cat បានអះអាងថា នេះជាការផ្ដល់រង្វាន់ម៉ូតូចំនួន១គ្រឿងថ្មីបន្ថែមទៀត បន្ទាប់ពីម៉ូតូScoopy ស៊េរី២០១៥ ត្រូវបានរកឃើញដោយអតិថិជនច្រើននាក់រួចមកហើយ ចាប់តាំងពីក្រុមហ៊ុនបើកឲ្យមានការចែកចាយរង្វាន់នៅទូទាំងប្រទេស តាំងពីដើមឆ្នាំ២០១៥ ។ បើទោះជាក្រុមហ៊ុនបានប្រគល់រង្វាន់ជាសាធារណៈដល់អតិថិជនបែបនេះហើយក៏ដោយ ក៏លោកបញ្ជាក់ថា ក្រុមហ៊ុនប្លេកខេតនឹងយករង្វាន់ម៉ូតូមួយគ្រឿងនេះទៅដល់ផ្ទះអតិថិជននៅខេត្តស្វាយរៀងបន្ថែមទៀត ដើម្បីបញ្ជាក់ការពិតថា លោកសោម សារី ពិតជាឈ្នះម៉ូតូ Scoopy មែន ហើយមិនមែនជាបក្សពួក ឬសែស្រឡាយរបស់ក្រុមហ៊ុន ។
ក្រុមហ៊ុននៅតែរក្សាគោលជំហរផ្ដល់រង្វាន់ដល់អតិថិជនរហូតដល់គ្រប់២០០គ្រឿងនៃម៉ូតូ Scoopy ដែលបានបង្កប់នៅក្នុងក្រវិលកំប៉ុងរបស់ស្រាបៀរBlack Cat ។ លោកទទូចដូចគ្នានឹងលោកទេព សុឃាង ប្រធានទីផ្សារក្រុមហ៊ុនប្លេកខេត ឱ្យអតិថិជនជ្រើសរើសស្រាបៀរ Black cat ក្នុងការទទួលទានជាលក្ខណៈគ្រួសារ និងក្នុងពិធីអាពាហ៍ពិពាហ៍ ដោយសារតែស្រាបៀរនេះ ក្រៅពីមានឱជារសឆ្ងាញ់ ក៏ផ្ដល់រង្វាន់សន្ធឹកសន្ធាប់បន្ថែមពីលើម៉ូតូដែលនៅសល់យ៉ាងច្រើនគ្រឿងនៅក្នុងក្រវិលកំប៉ុង ៕
ចែករំលែកព័តមាននេះ