ខេត្តស្វាយរៀង៖ នៅថ្ងៃទី២២ ខែកក្កដា ឆ្នាំ២០២១ លោកអភិបាលស្រុករមាសហែក បានដឹកនាំកម្លាំងសមត្ថកិច្ច ចុះបិទខ្ទប់ភូមិកំពង់ត្រាច និងភូមិតាត្រាវ ឃុំកំពង់ត្រាច ស្រុករមាសហែក…
ខេត្តស្វាយរៀង៖ នៅថ្ងៃទី២២ ខែកក្កដា ឆ្នាំ២០២១ លោកអភិបាលស្រុករមាសហែក បានដឹកនាំកម្លាំងសមត្ថកិច្ច ចុះបិទខ្ទប់ភូមិកំពង់ត្រាច និងភូមិតាត្រាវ ឃុំកំពង់ត្រាច ស្រុករមាសហែក មានចំនួន ៤គោលដៅ៖ គោលដៅទី១ នៅចំណុចស្ពានទឹកវិល ០១កន្លែង គោលដៅទី២ នៅចំណុចកែងបត់ននោង គោលដៅទី៣ នៅចំណុចផ្លូវពាមខាងលិចចំការខ្នុរ និងគោលដៅទី៤ នៅចំណុចខាងត្បូងវិទ្យាល័យរមាសហែក។
ការបិទផ្លូវនេះ ធ្វើឡើង ក្នុងគោលបំណងការពារ និងទប់ស្កាត់ការឆ្លងរាលដាលនៃជំងឺកូវីដ១៩ ដែលកំពុងផ្ទុះរាលដាល នៅក្នុងផ្សារកំពង់ត្រាច ដែលស្ថិតក្នុងភូមិកំពង់ត្រាច និងភូមិតាត្រាវ ឃុំកំពង់ត្រាច រយៈពេល ៣ថ្ងៃ ចាប់ពីថ្ងៃទី១៨ ដល់ថ្ងៃទី២១ ខែកក្កដា ឆ្នាំ២០២១ មានអ្នកវិជ្ជមានកូវី១៩ ចំនួន ១១៤នាក់។
លិខិតរបស់អភិបាលខេត្តស្វាយរៀង បានសម្រេចបិទខ្ទប់ភូមិផ្សារកំពង់ត្រាច និងឈានដល់បិទភូមិចំនួន ២ ដែលនៅជំវិញផ្សារ គឺភូមិតាត្រាវ និងភូមិកំពង់ត្រាច នៅថ្ងៃទី២០ កក្កដា ឆ្នាំ២០២១ រយៈពេល ១៤ថ្ងៃ ទើបរដ្ឋបាលស្រុករមាសហែក ដាក់កម្លាំងបិទខ្ទប់នៃដងផ្លូវ ចំនួន ០៤គោលដៅ ដែលជាផ្លូវចូលទៅតំបន់បិទខ្ទប់៕ វ៉ាន់ប៊ុនធឿន
ចែករំលែកព័តមាននេះ