បន្ទាយមានជ័យ៖ ធ្វើបាបអ្នកមានគុណ ពិតជាបាបទាន់ហន់ពិតមែន។ កូនតិរិច្ឆាន ដែលយកកាំបិតផ្គាក់ គំរាមកាប់ម្តាយបង្កើត ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់ នៅថ្ងៃទី២១ ខែកក្កដា…
បន្ទាយមានជ័យ៖ ធ្វើបាបអ្នកមានគុណ ពិតជាបាបទាន់ហន់ពិតមែន។ កូនតិរិច្ឆាន ដែលយកកាំបិតផ្គាក់ គំរាមកាប់ម្តាយបង្កើត ត្រូវបានបញ្ជូនទៅសាលាដំបូងខេត្តបន្ទាយមានជ័យ ចាត់ការតាមច្បាប់ នៅថ្ងៃទី២១ ខែកក្កដា ឆ្នាំ២០២១។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ថា ជនសង្ស័យ ដែលត្រូវឃាត់ខ្លួន មានឈ្មោះ សៀង អឿត ភេទប្រុស អាយុ ២៨ឆ្នាំ រស់នៅភូមិប៉ាលិលេយ្យមួយ សង្កាត់.ក្រុងប៉ោយប៉ែត។
លោកបានបញ្ជាក់ថា ក្រោយទទួលពាក្យបណ្តឹង ឈ្មោះ សៀង មួយ ភេទស្រី អាយុ ៦១ឆ្នាំ ត្រូវជាម្តាយរស់នៅភូមិខាងលើ បានប្តឹងឈ្មោះ សៀង អឿត ភេទប្រុស អាយុ ២៨ឆ្នាំ (ត្រូវជាកូនបង្កើត) បានប្រើហឹង្សា ដោយយកកាំបិតផ្គាក់ កាន់គំរាមកាប់ម្តាយបង្កើតខ្លួន ហើយជេរប្រមាថ មើលងាយ និងជម្លោះអ្នកជិតខាង កាលពីថ្ងៃទី១៩ ខែកក្កដា ឆ្នាំ២០២១ នៅនៅភូមិប៉ាលិលេយ្យមួយ សង្កាត់.ក្រុងប៉ោយប៉ែត។
លោកវរៈសេនីយ៍ត្រី នួន នីណារ៉ូ បានបញ្ជាក់ថា ក្រោយទទួលពាក្យបណ្តឹង កម្លាំងជំនាញបានចុះឃាត់ខ្លួនជនសង្ស័យ ជាកូនប្រើអំពើហឹង្សា លើម្តាយបង្កើត ត្រូវបានឃាត់ខ្លួន នៅថ្ងៃទី២០ ខែកក្កដា ឆ្នាំ២០២១ នៅភូមិខាងលើ ត្រូវបានបញ្ជូនមកទីបញ្ជាការដ្ឋានកងរាជអាវុធហត្ថក្រុងប៉ោយប៉ែត បានធ្វើការសាកសួរតាមចម្លើយជនសង្ស័យខ្លួន ពិតជាបានធ្វើសកម្មភាពយកកាំបិតផ្គាក់ កាន់គំរាម និងជេប្រមាថម្តាយ និងអ្នកជិតខាង ព្រោះខ្លួនបានប្រើប្រាស់គ្រឿងញៀន ហើយត្រូវបានកសាង សំណុំរឿង បញ្ជូនទៅតុលាការចាត់ការតាមច្បាប់៕ ប៊ុន ធឿន
ចែករំលែកព័តមាននេះ