រាជធានីភ្នំពេញ ៖ ក្រសួងសុខាភិបាលបានបញ្ជាក់នៅថ្ងៃទី២២ ខែកក្កដា ឆ្នាំ២០២១ថា បានរកឃើញអ្នកឆ្លងជំងឺកូវីដ-១៩ថ្មី និងព្យាបាលជាសះស្បើយ មានចំនួនជិតប្រហាក់ប្រហែលគ្នា ខណៈអ្នកស្លាប់ដោយជំងឺនេះថ្មី ២០នាក់ ។
ក្រសួងបានបញ្ជាក់រកឃើញអ្នកឆ្លងថ្មី ៨១១នាក់ទៀត និងបានព្យាបាលជាសះស្បើយ ៧៩៨នាក់ និងអ្នកស្លាប់ ដោយសារជំងឺកូវីដ១៩នេះមានចំនួន ២០នាក់ ។ ចំនួនអ្នកឆ្លងថ្មី មានករណីឆ្លងពីព្រឹត្តិការណ៍សហគមន៍ ៥១១នាក់ និងអ្នកដំណើរពីបរទេស ៣០០នាក់ ។
ក្រសួងបានលើកឡើងថា គិតត្រឹមព្រឹក ថ្ងៃទី២២ ខែកក្កដា ឆ្នាំ២០២១ មានអ្នកឆ្លងកូវីដ-១៩ សរុបទូទាំងប្រទេសមានចំនួន ៧០,៤១៩នាក់ អ្នកជាសះស្បើយចំនួន ៦២,៥៧៧នាក់ និងអ្នកស្លាប់បានកើនដល់ចំនួន ១,១៨៨នាក់ ។
សូមជម្រាបថា តាមតួលេខរបស់ក្រសួងចេញផ្សាយនៅថ្ងៃទី២២ ខែកក្កដា បង្ហាញចំនួនអ្នកឆ្លងនៅក្នុសហគមន៍ នៅតែមានចំនួនច្រើនដដែល ដូច្នេះសូមបងប្អូនប្រុងប្រយ័ត្ន និងអនុវត្តវិធានការសុខាភិបាលឲ្យបានម៉ឺងម៉ាត់ពិសេស «៣កុំ ៣ការពារ»៕
ចែករំលែកព័តមាននេះ