ប្រទេសចិន ៖ ធនាគារកណ្តាលចិន កាលពីថ្ងៃពុធនេះបានព្យាករទុកពីកំណើនប្រចាំឆ្នាំ២០១៦ របស់ខ្លួនក្នុងអត្រា៦,៨% ដែលគេរំពឹងទុកថា ជាបរិមាណនៃកត្តាវិជ្ជមានសម្រាប់ការកើនឡើងបន្តិចម្តងៗ
ប្រទេសចិន ៖ ធនាគារកណ្តាលចិន កាលពីថ្ងៃពុធនេះបានព្យាករទុកពីកំណើនប្រចាំឆ្នាំ២០១៦ របស់ខ្លួនក្នុងអត្រា៦,៨% ដែលគេរំពឹងទុកថា ជាបរិមាណនៃកត្តាវិជ្ជមានសម្រាប់ការកើនឡើងបន្តិចម្តងៗ បើទោះជាសម្ពាធសេដ្ឋកិច្ចមាននិន្នាការថយចុះក្តី ។
យោងតាមរបាយការណ៍ដែលចេញដោយធនាគារប្រជាជនចិនបង្ហាញថា អត្រានេះគឺមានកម្រិតទាបជាងការព្យាករទុកក្នុងការពង្រីកឱ្យបាន៦,៩% របស់ធនាគារកណ្តាលសម្រាប់ឆ្នាំ២០១៥ ទៅទៀត ។ សមត្ថភាពលើស ការបង្អន់ល្បឿននៃប្រាក់ចំណេញ និងការកើនឡើងនៃឥណទានក្រៅប្រតិបត្តិការ គឺជាការកៀរគរដ៏សំខាន់មួយក្នុងផ្នែកសេដ្ឋកិច្ច ។
របាយការណ៍លើកឡើងទៀតថា កត្តាដែលគាំទ្ររួមមាន ការរើបឡើងវិញនៃទីផ្សារលក់អចលនទ្រព្យ ប្រសិទ្ធភាពម៉ាក្រូសេដ្ឋកិច្ចមិនទាន់ជឿនលឿន គោលនយោបាយរចនាសម្ព័ន្ធ និងភាពមិនសូវប្រសើរឡើងនៃផ្នែកខ្លះៗនៃតម្រូវការខាងក្រៅ ដែលនឹងចង្អុលបង្ហាញកំណើនដែលទូលំទូលាយជាងមុន ។
សេដ្ឋកិច្ចរបស់ចិនពង្រីកបាន៦,៩% នៅក្នុងអំឡុងត្រីមាសដំបូង ។ ដើម្បីប្រយុទ្ធប្រឆាំងនឹងការបង្អង់ល្បឿននៃសេដ្ឋកិច្ច ធនាគារកណ្តាលបានកាត់បន្ថយអត្រាការប្រាក់គោលរហូតដល់ទៅ៦លើកឯណោះ គិតចាប់ពីខែវិច្ឆិកា ឆ្នាំ២០១៤ បូករួមទាំងការទម្លាក់ឲ្យទាបជាងមុននៃអនុបាតតម្រូវការបម្រុងរបស់ធនាគារ ចំនួន៧លើកផងដែរ ។
ជាការកត់សម្គាល់ ចិនបានផ្លាស់ប្តូរគោលនយោបាយរូបិយវត្ថុ និងសារពើពន្ធ ដែលមានប្រសិទ្ធភាពបំផុតក្នុងផ្នែកសេដ្ឋកិច្ច ។ ជាក់ស្តែង បន្ទាប់ពីរយៈពេល៥ខែទៅ៩ខែ បណ្តាវិធានការគាំទ្រការរីកចម្រើនរបស់ចិន នឹងចាប់ផ្តើមបង្ហាញនូវប្រសិទ្ធភាព ឬអានុភាពខ្លាំងក្លាជាងមុនក្នុងត្រីមាសទី៤ នៃឆ្នាំ២០១៥នេះ ឬឆមាសទី១ នៃឆ្នាំ២០១៦ ។
សម្រាប់ឆ្នាំក្រោយ ធនាគារកណ្តាលព្យាករទុកថា សន្ទស្សន៍តម្លៃទំនិញប្រើប្រាស់នឹងស្ថិតក្នុងអត្រា១,៧% ហើយផលលើសនៃគណនីចរន្ត គឺស្ថិតក្នុងកម្រិត២,៨% នៃ GDP ។ ចំណែកកំណើនវិនិយោគអចលនទ្រព្យ ជាមធ្យមនឹងសម្រេចបាន១០,៨% ក្នុងឆ្នាំ២០១៦ ដែលខ្ពស់ជាងការព្យាករទុក១០,៣% ក្នុងឆ្នាំនេះ ខណៈការលក់រាយត្រូវបានគេរំពឹងថា នឹងពង្រីកបាន១១,១% ។
ការរើបឡើងវិញក្នុងផ្នែកតម្រូវការ ធនាគារកណ្តាលចិនរំពឹងថា នឹងសម្រេចបានកំណើន៣,១% ក្នុងឆ្នាំ២០១៦ ដែលផ្ទុយពីការព្យាករទុក២,៩% ក្នុងឆ្នាំ២០១៥ ។ ស្របគ្នានេះដែរ ការនាំចូលត្រូវបានគេរំពឹងថា នឹងកើនឡើង២,៣% ខណៈតម្លៃទំនិញប្រើប្រាស់មានស្ថិរភាពបន្តិចម្តងៗ ។
ចំពោះហានិភ័យវិញ របាយការណ៍គូសបញ្ជាក់ថា ពុំមានភាពច្បាស់លាស់ក្នុងទីផ្សារហិរញ្ញវត្ថុពិភពលោក និងក្នុងស្រុកឡើយ ស្របពេលដែលមានការគំរាមកំហែងដ៏ធំមួយនៃស្ថិរភាព រាប់បញ្ចូលទាំងការបោះជំហានទៅមុខនៃការដំឡើងអត្រាការប្រាក់របស់ធនាគារកណ្តាលសហរដ្ឋអាមេរិកផងដែរ ៕
ចែករំលែកព័តមាននេះ