កូវីដ-១៩ ៖ ការចុះបញ្ជីធ្វើស្លាកលេខរថយន្តកើនឡើង បើប្រៀបធៀបនឹងឆ្នាំមុន
- ភ្នំពេញ
រាជធានីភ្នំពេញ ៖ សម្រាប់ការចុះបញ្ជីធ្វើស្លាកលេខរថយន្តរាជធានី-ខេត្ត នៅទូទាំងប្រទេសមិនមានការថយចុះនោះទេ ជាពិសេស
រាជធានីភ្នំពេញ ៖ សម្រាប់ការចុះបញ្ជីធ្វើស្លាកលេខរថយន្តរាជធានី-ខេត្ត នៅទូទាំងប្រទេសមិនមានការថយចុះនោះទេ ជាពិសេស
រាជធានីភ្នំពេញ ៖ សម្រាប់ការចុះបញ្ជីធ្វើស្លាកលេខរថយន្តរាជធានី-ខេត្ត នៅទូទាំងប្រទេសមិនមានការថយចុះនោះទេ ជាពិសេសស្លាកលេខរថយន្តកម្ពុជា គឺមានការកើនឡើងក្នុងរយៈពេល៦ខែចុងក្រោយនេះ បើប្រៀបធៀបទៅនឹងឆ្នាំ២០២០កន្លងមក ទោះបីកម្ពុជាកំពុងស្ថិតនៅក្នុងវិបត្តិកូវីដ១៩ក៏ដោយ។
លោក ឈួន វ៉ន់ អគ្គនាយកដឹកជញ្ជូននៃក្រសួងសាធារណការ និងដឹកជញ្ជូន បានឱ្យកោះសន្តិភាពដឹងថា ក្នុងរយៈពេល៦ខែដើមឆ្នាំនេះ ការចុះបញ្ជីធ្វើស្លាកលេខរថយន្ត នៅទូទាំងប្រទេសមិនប្រែប្រួលប៉ុន្មានទេ គឺសម្រាប់ខែមករាចុះបញ្ជីបានជាង៥០០លេខ ខែកុម្ភៈបាន៦០០លេខ តែចុងខែកុម្ភៈ និងខែមីនារាងធ្លាក់ចុះបន្តិច ប៉ុន្តែខែឧសភា និងខែមិថុនានេះឡើងវិញពី៣០០ទៅ៤០០លេខនេះសម្រាប់ស្លាកលេខរថយន្តកម្ពុជា(ស្លាកលេខរថយន្តផ្ទាល់ខ្លួន)។ លោកបន្តថា ចំណែកស្លាកលេខរថយន្តពិសេស(ស្លាកលេខទូទៅរបស់រាជធានី-ខេត្ត)ក៏ប្រហាក់ប្រហែលគ្នាដែរ តែបានច្រើនជាងពី៣ពាន់ទៅ៤ពាន់ និងពី៥ពាន់ទៅ៦ពាន់លេខ ប៉ុន្តែចុងក្រោយនេះធ្លាក់បន្តិចបន្តួចតែក៏នៅក្នុងចន្លោះពី៣ពាន់ទៅ៤ពាន់លេខដែរ។
លោកឈួន វ៉ន់ បានឱ្យដឹងទៀតថា ការចុះបញ្ជីស្លាកលេខរាជធានី-ខេត្ត ក្នុងរយៈពេល៦ខែនេះបានចំនួន១៤០០០លេខ និងលេខពិសេសផ្ទាល់ខ្លួន(លេខកម្ពុជា)បានជាង២៥០០លេខ បើប្រៀបធៀបឆ្នាំទៅកើនឡើង គឺឆ្នាំ២០២០កន្លងទៅចុះបញ្ជីបាន៣៧០០លេខទេនេះក្នុងមួយឆ្នាំ តែពេលនេះបានជាង២៥០០តែក្នុងរយៈពេល៦ខែប៉ុណ្ណោះ ។ លោកបន្តថា ចំពោះការចុះបញ្ជីធ្វើស្លាកលេខពិសេសរាជធានី-ខេត្ត (ស្លាកលេខទូទៅ)រយៈពេល៦ខែនេះថយចុះបន្តិចបន្តួចទេ បើប្រៀបធៀបទៅនឹងឆ្នាំកន្លងទៅ។
លោក ឈួន វ៉ន់ បានបញ្ជាក់ថា សរុបមកវិញ ទោះបីកម្ពុជាជួបបញ្ហាជម្ងឺកូវីដ១៩រាតត្បាតក៏ដោយ ប៉ុន្តែការចុះបញ្ជីធ្វើស្លាកលេខរថយន្តទាំងពិសេស និងពិសេសផ្ទាល់ខ្លួនមិនមានការថមថយនោះទេ ។
យោងតាមរបាយការណ៍របស់អង្គភាពចុះបញ្ជីរថយន្ត យានយន្តុប្បករណ៍ និងត្រាក់ទ័រ នៃមន្ទីរសាធារណការ និងដឹកជញ្ជូនរាជធានីភ្នំពេញបានឲ្យដឹងថា គិតចាប់ពីថ្ងៃទី១ ខែមេសា ឆ្នាំ១៩៩៩ ដល់ថ្ងៃទី៣០ ខែមិថុនា ឆ្នាំ២០២១ អង្គភាពនេះបានចុះបញ្ជីធ្វើស្លាកលេខរថយន្តជូនប្រជាពលរដ្ឋបានចំនួន ៥៨៤.៥០៨គ្រឿង ។ សម្រាប់រយៈពេល៦ខែ គិតចាប់ពីថ្ងៃទី១ ខែមករា ឆ្នាំ២០២១ ដល់ថ្ងៃទី៣០ ខែមិថុនា ប្រជាពលរដ្ឋរាជធានីភ្នំពេញបានទៅទទួលសេវាចុះបញ្ជីយានយន្តមានចំនួន២១.៨៩៧គ្រឿង ៕
ចែករំលែកព័តមាននេះ