ទីភ្នាក់ងារព័ត៌មាន «ស្កាយស្ព័រ» របស់អង់គ្លេសផ្សាយថា នៅពេលក្លិប Chelsea ដកលោកចូសេ មូ៉រីនញ៉ូ គ្រូបង្វឹកជនជាតិព័រទុយហ្គាល់ ចេញពីតំណែង អាចធ្វើឱ្យនាងអេវ៉ា ហ្គាណេរ៉ូ គ្រូពេទ្យដ៏ល្បីប្រចាំក្លិបអាចចូលបម្រើការក្នុងទឹកដី
ទីភ្នាក់ងារព័ត៌មាន «ស្កាយស្ព័រ» របស់អង់គ្លេសផ្សាយថា នៅពេលក្លិប Chelsea ដកលោកចូសេ មូ៉រីនញ៉ូ គ្រូបង្វឹកជនជាតិព័រទុយហ្គាល់ ចេញពីតំណែង អាចធ្វើឱ្យនាងអេវ៉ា ហ្គាណេរ៉ូ គ្រូពេទ្យដ៏ល្បីប្រចាំក្លិបអាចចូលបម្រើការក្នុងទឹកដី «ស្តេមហ្វ័តប្រ៊ីដ» ជាថ្មី ។ កន្លងមក នាងហ្គាណេរ៉ូ ធ្លាប់មានទំនាស់ជាមួយលោកម៉ូរីនញ៉ូ អំឡុងពេលបំពេញតួនាទីជាគ្រូពេទ្យក្នុងទីលានប្រកួតពេលបើករដូវកាលដំបូងជួបជាមួយក្លិប Swansea រហូតនាងត្រូវបណ្ដេញចេញពីតំណែង ។
ការចាកចេញរបស់នាងធ្វើឱ្យកីឡាករក្នុងក្លិបជាច្រើនរូបមានអារម្មណ៍មិនពេញចិត្ត ។ សម្រាប់ការចាកចេញរបស់លោកចូសេ ម៉ូរីនញ៉ូ ធ្វើឱ្យក្លិបChelsea មានឱកាសច្រើនទាក់ទងនាងឱ្យចូលធ្វើការជាថ្មីក៏ថាបាន ដោយសារបច្ចុប្បន្ននាងមិនទាន់មានការងារថ្មីធ្វើ និងស្នាក់នៅក្បែរទីលានហ្វឹកហាត់របស់ក្លិបChelsea នៅឡើយ៕
ចែករំលែកព័តមាននេះ