ប្រទេសចិន ៖ យោងតាមទិន្នន័យទីផ្សារថ្មីមួយបង្ហាញថា ទីផ្សារលំនៅឋានថ្មីនៅទីក្រុងសៀងហៃ បានបន្តកើនឡើងដដែលកាលពីសប្តាហ៍មុន ដែលគេសង្កេតឃើញមានកំណើនរវាងការជួញដូរ និងការផ្គត់ផ្គង់ ។
ប្រទេសចិន ៖ យោងតាមទិន្នន័យទីផ្សារថ្មីមួយបង្ហាញថា ទីផ្សារលំនៅឋានថ្មីនៅទីក្រុងសៀងហៃ បានបន្តកើនឡើងដដែលកាលពីសប្តាហ៍មុន ដែលគេសង្កេតឃើញមានកំណើនរវាងការជួញដូរ និងការផ្គត់ផ្គង់ ។
ក្រុមហ៊ុន Shanghai Uwin Real Estate Information Services Co., បានបង្ហើបក្នុងរបាយការណ៍មួយថា លំនៅឋានថ្មីៗអាចលក់ចេញបាន ដោយមិនរាប់បញ្ចូលផ្ទះដែលមានតម្លៃធូរថ្លៃក្រោមមូលនិធិរដ្ឋាភិបាលនោះបានកើនឡើងប្រមាណ២៤,៧% ឬស្មើនឹង៣៧៨.២០០ម៉ែត្រក្រឡាក្នុងអំឡុងពេល៧ថ្ងៃ ដែលបានបញ្ចប់ទៅកាលពីថ្ងៃអាទិត្យ ។
ផ្ទះថ្មីទាំងនោះមានតម្លៃជាមធ្យមក្នុងរង្វង់៥.១៩៥ដុល្លារក្នុងមួយម៉ែត្រក្រឡា គឺធ្លាក់ថ្លៃពីមួយសប្តាហ៍ទៅមួយសប្តាហ៍ ១,៤៣% ។
ប្រធានអ្នកវិភាគរបស់ក្រុមហ៊ុន Shanghai Uwin Real Estate Information Services Co., លោក Huang Zhijian មានប្រសាសន៍ថា ៖ « បរិមាណនៃការជួញដូរ គឺលើសពី៦០ម៉ឺនម៉ែត្រក្រឡាក្នុងរយៈពេល១៣ថ្ងៃដំបូងនៃខែធ្នូនេះ ដែលបង្ហាញឲ្យឃើញពីលទ្ធផលល្អសម្រាប់ខែធ្នូ ឆ្នាំ២០១៥ ប្រសិនជាការបោះជំហាននៃការលក់បច្ចុប្បន្នអាចរក្សាបាន » ។
ជាការកត់សម្គាល់ ការផ្គត់ផ្គង់ផ្ទះថ្មី គឺមានចំនួនច្រើនជាងសប្តាហ៍មុនទ្វេដង ដែលមានបរិមាណលើសពី២០ម៉ឺនម៉ែត្រក្រឡាជាលើកដំបូងក្នុងរយៈពេល៣សប្តាហ៍នេះ ។
តាមទិន្នន័យពីក្រុមហ៊ុនខាងលើបង្ហាញថា ក្រុងសេដ្ឋកិច្ចមួយនេះបានសម្លឹងឃើញពីការចេញផ្សាយលំនៅឋានថ្មីចំនួន១៤គម្រោង កើនឡើង១៣៤% ពីសប្តាហ៍មុន ។
គម្រោងមួយនៅក្នុង Zhoukan, The Pudong New Area គឺជាការអភិវឌ្ឍដ៏មានប្រជាប្រិយភាពបំផុតនៅក្នុងក្រុង បន្ទាប់ពីលំនៅឋានចំនួន២១៧ ត្រូវបានលក់ចេញរួចមកហើយ ៕
ចែករំលែកព័តមាននេះ