៣នាក់ឌុបគ្នាចេញធ្វើសកម្មភាព មិនទាន់បានអីផង អស់លក្ខណ៍ម្នាក់
- ភ្នំពេញ
រាជធានីភ្នំពេញ ៖ ជនសង្ស័យ៣នាក់ប្រដាប់ដោយឧបករណ៍ឆ្កឹះសោរទ្វារផ្ទះ និងកាច់សោរកម៉ូតូផងបានជិះម៉ូតូ១គ្រឿងឌុបគ្នា
រាជធានីភ្នំពេញ ៖ ជនសង្ស័យ៣នាក់ប្រដាប់ដោយឧបករណ៍ឆ្កឹះសោរទ្វារផ្ទះ និងកាច់សោរកម៉ូតូផងបានជិះម៉ូតូ១គ្រឿងឌុបគ្នា
រាជធានីភ្នំពេញ ៖ ជនសង្ស័យ៣នាក់ប្រដាប់ដោយឧបករណ៍ឆ្កឹះសោរទ្វារផ្ទះ និងកាច់សោរកម៉ូតូផងបានជិះម៉ូតូ១គ្រឿងឌុបគ្នាចេញធ្វើសកម្មភាពលួចទ្រព្យសម្បត្តិអ្នកដ៏ទៃ ប៉ុន្តែពុំទាន់បានធ្វើផង ស្រាប់តែជួបកម្លាំងនគរបាលកំពុងល្បាតាមផ្លូវ ហើយដោយសារតែមានការសង្ស័យនគរបាលបានហៅឲ្យឈប់ដើម្បីត្រួតពិនិត្យ ។ ខណៈនោះជនសង្ស័យបានឈប់រួចផ្ដួលម៉ូតូចោលហើយបក្ខពួក២នាក់បានរត់គេចខ្លួនបាត់នៅសល់ជនសង្ស័យ១នាក់ រត់អត់រួចត្រូវបានកម្លាំងនគរបាលឃាត់ខ្លួនបាននាំយកទៅសាកសួរនិងកសាងសំណុំរឿងដើម្បីបញ្ជូនទៅកាន់សាលាដំបូងរាជធានីភ្នំពេញចាត់ការតាមច្បាប់។
ការចាប់ខ្លួនបក្ខពួកជនសង្ស័យខាងលើនោះបានធ្វើឡើងកាលពីវេលាម៉ោង៣និង១៥នាទីឈានចូលព្រឹកថ្ងៃទី២១ ខែកក្កដា ឆ្នាំ២០២១ នៅតាមផ្លូវភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលត្រូវចាប់ខ្លួននោះឈ្មោះហេង សេងហួ ភេទបុ្រស អាយុ២៤ឆ្នាំ ស្នាក់នៅភូមិចោមចៅ៣ សង្កាត់ចោមចៅទី២ ខណ្ឌពោធិ៍សែនជ័យ ចំណែកបក្សពួក២នាក់ដែលរត់គេចខ្លួន ក្នុងនោះម្នាក់ឈ្មោះអាតាស អាយុ២៧ឆ្នាំ និងម្នាក់ទៀតឈ្មោះអាសូ អាយុ២៣ឆ្នាំ ។ ខណៈនោះកម្លាំងនគរបាលដកហូតបានម៉ូតូម៉ាកហុងដាគុប ចង្កៀងជ្រុង១គ្រឿង ពណ៍ទឹកប៊ិច ពាក់ស្លាកលេខកណ្ដាល1A-9262 ដែលជាមធ្យោបាយជិះដើរធ្វើសកម្មភាព និងដែកសម្រាប់ឆ្កឹះកូនសោរ១, ដែកសម្រាប់កាច់សោរកម៉ូតូ១ និងសោរលេខ៨សម្រាប់ដោះខ្ចៅ១។
នគរបាលបានប្រាប់ឲ្យដឹងថា នៅមុនពេលឈានដល់ការឃាត់ខ្លួន គឺជនសង្ស័យម្នាក់ខាងលើរួមជាមួយបក្ខពួក២នាក់ទៀតបានជិះម៉ូតូម៉ាកហុងដាគុបចង្កៀងជ្រុង១គ្រឿងខាងលើឌុបគ្នាចេញធ្វើសកម្មភាពលួចទ្រព្យសម្បត្តិតាមផ្ទះ ហើយបើឃើញម៉ូតូទុកប្រហែសនិងលួចយកភ្លាម ។ ប៉ុន្តែពេលនោះនៅពុំទាន់រកកន្លែងដើម្បីលួចឃើញនៅឡើយទេ ស្រាប់តែបានជួបជាមួយកម្លាំងនគរបាលប៉ុស្តិ៍ចោមចៅទី២កំពុងល្បាតពួនស្ទាក់ចាប់បទល្មើសផ្សេងៗនៅក្នុងមូលដ្ឋាន។
តាមប្រភពដដែលបានបន្តទៀតថា ដោយមានការសង្ស័យ កម្លាំងនគរបាលបានហៅពួកគេឲ្យឈប់ដើម្បីត្រួតពិនិត្យ ស្រាប់តែក្រុមជនសង្ស័យផ្ដួលម៉ូតូចោល រួចព្យាយាមរត់គេចខ្លួន ហើយបក្ខពួក២នាក់ គឺឈ្មោះអាតាស និងឈ្មោះអាសូ បានរត់រួចបាត់ស្រមោល នៅសល់ជនសង្ស័យឈ្មោះហេង សេងហួ រត់អត់រួចក៏ត្រូវបាននគរបាលឃាត់ខ្លួនបាន ។ ពេលនោះកម្លាំងបានឆែកឆេររកឃើញនិងដកហូតបានវត្ថុតាងខាងលើ បន្ទាប់មកបាននាំជននេះទៅធ្វើការសាកសួរនៅប៉ុស្តិ៍ចោមចៅទី២ ហើយជនសង្ស័យបានសារភាពថាពួកខ្លួនពិតជាចេញធ្វើសកម្មភាពលួចមែន ប៉ុន្តែពុំទាន់បានលួចផង ក៏ជួបនគរបាលនិងត្រូវឃាត់ខ្លួនបានបែបនេះតែម្ដង។លករោយពេលសាកសួររួចមួយជំហាន ទើបបញ្ជូនជននេះទៅកាន់ផ្នែកព្រហ្មទណ្ឌនគរបាលខណ្ឌពោធិ៍សែនជ័យ ដើម្បីសួរនាំបន្តនិងកសាងសំណុំរឿងដើម្បីបញ្ជូនទៅកាន់សាលាដំបូងរាជធានីភ្នំពេញចាត់ការតាមច្បាប់៕
ចែករំលែកព័តមាននេះ